1. Senyum dan ramah. Iyo paralu dalam pargaulan wisata ko baiak lokal dan internasional. Panah rasonyo dahulu ambo tambahkan carito urang awak manggaleh lado di Payokumbuah. Datanglah anak gadih Rang Mudo Pek Ten babaju rancak sederhana maago galehnyo maago galeh baliau dengan lemah gemulai Rang Pek Ten:
- Rang Mudo: Bara lado saonggok Mak? [suaronyo rancak tanyonyo elok].
+ Rang manggaleh Lado: Limo Ratuih! [Suaro kareh, saroman Urang Bangih].
- Eeeh, baa dek bongih-bongih se Mak awak maago? [Batanyo elok-elo]
+ Baa ka indak, Agau maago cando urang ka mati!
Jadi tantu mainda sajo Rang Mudo cako lai. Urang ka maantakan pitih ka awak, urang diburangsangi pulo. Sikap iko tantu indak dapek pulo di tarimo dek turih-turih doh kan?
2. Costumer Satisfaction. Kepuasan si pambali atau klien adalah kabijaksanaan utama awak karano dalam hal ito, si pambali nanpunyo pitih, tangannyo di ateh, tangan awak manarimo. Contoh ketek di Pasa. Misanyo, ambo indak mangkaritik urang panggaleh unumnyo doh, iko hanyo contoh nan ambo alami sandiri. Awak taragak di Lansek, barngkali iko Duku Palembang nan manih-manih nan lah lamo jadi kenangan. Nampaklah Duku rancak-rancak, tidiak salero mancaliak susunan galehnyo rancak-rancak, gadang-gadang dukunyo. Ditanyo bara sakilo.Ampek Ribu. Tapi baru mangiloi, nan diambiak nan ketek-ketek tasuruak di bawah nan gadang-gadang tu. Ambo mintak supaayo diambiakkan nan gadang-gadang. Keceknyo, nan gadang-gadang to ka induak galeh tu pak. Jadi lah takaicuah ambo jo rupo susunannyo. Kecek ambo, ambo ingin nan gadang-gadang. Indak dapek doh Pak, kalau bapiliah, haragonyo anam ribu. Jadi, dalam hal iko awak rasonyo lah diakacolehi. Disangko ka mambali ampek ribu sakilo, tabali anam ribu. Sabananyo, untuak satisfactiion customer, kalau tadinyo mulo-mulo inyo maago rancak disabuikkan kalau dipiliah nan rancak-rancak anam ribu, kalau indak dipilah ampek ribu. Jadi sipambali indak ado uweh-uweh lai doh. Customer satisfied, sipanggaleh indak disangko manipu, sacaro agamo indak basoso.
3. WC. Iko alah kito paotaan sabalaunnyo pangjang leba di Lapau jo topik "Gerakan Saribu Tondeh".
Ciek lai nan takalaimbun di Indonesia. Pandangan urang kito tantang turih. Nan jadi turih ko dianggap urang bakulik putiah dari Amerika atau Eropah atau baru-baru ko tambah Urang Japang. Nan kito lupo turih nan banyak pitih kini ko adolah dari Negara-negara Timur Tangah, Negara Taluak dan Saudi. Malaysia kini lah mangarahkan matonyo manjadi sasaran Turih-turih kayo nan barasa dari Negara Timur Tengah ko. Dengan malimpahnyo turih dari Timur Tengah ka Malaysia ko sarancaknyo awak harus basiap-siap maatraknyo (manjadikan mareka atraktif ka daerah awak). Jadi, bahaso Arab, dapek manjadi bahaso Turih pulo. Sayangnyo urang kito nan pangguno Bahaso Arab agak tabateh kamampuannyo untuak mambaco katubah-katubah atau maapa-apa doa sajo. Saeloknyo Bahaso Arab al-Quran ko dikembangkan manjadi bahaso praktis untuak komunikasi nan tinyo kalau turih-turih babahaso Arab lah datang ka nagari awak. Samantaro tu promosi turih awak rancak diarahkan juo ka Timur Tangah tu.
Saakitu dulu.
Salam, -- Mak Ngah
From: "darul" <[EMAIL PROTECTED]> Date: Wed May 11, 2005 2:44 pm Subject: Re: [EMAIL PROTECTED] [pkba] Bukittinggi Promo 2005 Assalamulaikum WW
Uda Azizar Aras, Mandahar, Rita dan Leni.
Sato pulo ambo mandukuang nan dikamukokan dek uda Azizar-ko. Nan paliang penting iyo bana tujuan (objektif) nantun bana nan harus ditantukan. Kalau alah ditantukan tujuan mako, namuah atau indak, saluruh daya dan upaya harus dcurahkan ka tujuan (objektif) nan alah ditantukan. Iko iyo paralu bana kemauan politik pneguasa (Pemda + DPRD), sudah tu disosialisasikan ka masyarakat.
Tambahan dari point nan banyak dari Uda Azizar, ambo ingin manambahkan 3 point ketek: 1. Senyum dan ramah 2. Customer satisfaction 3. WC, baa mangko WC. Urang akan manilai kebersihan rumah atau suatu tempat dari tampilan WC-no. Sudah tu injan sampai object wisata indak punyo WC. Tambah ciak lai, pangalaman untadz Zulharbi S St. Mangkuto dan maraso malu ka tamiu nan baliau bao dek WC juo, a tu nan manjadi maluno? Sawaktu tamu dari Timur Tengah dibao bajalan ka "Tugu Khatulistiwa di Bonjo", maaf, tompaik tu alah dijadikan WC dek pareman disinan sahinggo bauanno spasifik. Ditambah rumah/ruangan nan ado disitu dipakai untuak BAJUDI. Wadeh penderitaan "wisata Islami"
Wassalam Nan ingin sato di Wisata
Internal Virus Database is out-of-date. Checked by AVG Anti-Virus. Version: 7.0.300 / Virus Database: 266.11.5 - Release Date: 5/4/2005
_____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ------------------------------------------------------------ Tata Tertib Palanta RantauNet: http://rantaunet.org/palanta-tatatertib ____________________________________________________
