Waalaikum salam, wr, wb. Dunsanak H.Ridwan M.Sirin Sutan Rajo Sulaiman di Jeddah, lapeh taragak ambo mambaco postingan dunsanak, apolagi kaba nan disampaikan adolah kaba elok, kaba bahaso alah tagak rumah bagonjong di ranah rantau Jeddah (Saudi Arabia)
Suatu kebanggaan tersendiri bagi kito bangsa Indonesia keturunan Minang bilo pai ka Jeddah ka district Al-Hamra dakek Al-Salam Palace atau istana raja Arab Saudi tu maliek rumah gadang bagonjong tagak disinan. Satantangan tanyoan nan dunsanak kamukokan, yaitu akan maagih namo atau gala kapado urang lua Minang nan alah bajaso ka kito ???. Iko manuruik pandapek ambo : kalau gala itu bukan gala Datuak nan diagiahkan ka inyo, rasonyo syah2 sajo. Misalnyo kito agiah gala : Sutan Rangkayo ........ atau Bagindo ................ (sebaiknyo kito tahu dulu namo beliau, dan apo gala nan cocok nan akan kito agiahkan sahingo namo jo gala tu harmonis, manis dan terkesan sebagai suatu gala kehormatan) Tapi samantangpun baitu, tantu mintak sifeklah ka LKAAM atau ka KAN nan ado di Padang atau di kampuang kito, karano hal ko gaungnyo akan me-nasional bahkan internasional. Mungkin sajo akan ado pro dan kontra. Pado kesempatan iko, ambo ingin batanyo pulo ka dunsanak Sutan Rajo Sulaiman. Kami warga Palembang keturunan Minang nan ado di Sumatera Selatan khususnyo di Palembang sadang barencana akan mambangun Musajik nan sekaligus digabuang jo Aula / Gedung serba guna. Mangingek gadangnyo dana nan dibutuhkan untuak membangun dan managakkan Rumah Allah ko, dimano untuak lantai I nan akan digunokan sebagai Aula berukuran 25 x 25 meter dan lantai II nan berfungsi sebagai Musajik berukuran 15 x 15 meter. Design atoknyo kami pakai berbentuk gonjong atau rumah gadang. Dana untuak itu kami anggarkan sebesar 1,75 M. Jadi kami mohon ka dunsanak Sutan Rajo Sulaiman, apo ado celah2 untuak kami mamintak bantuan kapado Kerajaan Arab Saudi atau kapado siapo sajo dermawan nan ado disinan untuak membantu pembiyaannyo. Kalau lai bisa, apo nan harus kami siapkan, apo paralu surek resmi dan proposal atau syarat2 lainnyo. Untuak saat ini kami alah punyo Rekening Panitia di Bank Mandiri Pusri dengan No.Rek : 112.00.0452408.3. Sampai tgl 13 Mei 2005 ko lah takumpua dana sebesar 108 juta. Sekedar informasi, alasan kami membangun Musajik dan Aula tersebut adolah : Nan partamo, tanah tersebut adolah tanah Sekretariat BMKM di Jalan Minangkabau Lingkar luar Soekarno-Hatta Palembang nan kami bali duo tahun nan lalu seluas +/- 2000 m2. Ditanah tersebut masih berdiri bangunan lamo nan kurang representatif. Sasudah itu ado tanah warga sekitar, tapek disubalah tanah kito tu seluas 1004 M2 dihibahkan ka BMKM dengan harapan harus dibangun musajik. BMKM (= Badan Musyawarah Keluarga Minang) Nan kaduo, jalur lintas lingkar luar Soekarno-Hatta ko adolah jalur lintas utama kenderaan dari Selatan Sumatera (atau dari Jao) nan manuju ka Utara melewati Jambi atau sebaliknyo nan marupokan pemukiman baru nan mulai berkembang tapi masih kurang tampek/sarana ibadatnyo. Bahkan kini disekitar itu alah berdiri gereja. Jarak dari pusat kota Palembang +/- 10 KM Nan katigo, kami sebagai warga Palembang keturunan Minang alun punyo gedung nan representatif untuak acara-acara pesta dan acara-acara seremonial lainnyo nan mamaralukan ruangan/aula nan dapek manampuang seluruh warga Minang nan ado di Palembang. Nan kaampek, dengan adonyo Aula dan Musajik tadi mako akan kito sinergikan dengan masyarakat lingkungan untuak memanfaatkan / memakmurkan musajik tersebut dengan mangadokan Shalat limo wakatu, sholat Jumahaik, Majelis Taklim, TPA dan kegiatan2 sosial lainnyo. Masalah keamanan, akan kita serahkan kepada RT, RW, Lurah dan Camat disana. Mudah2an sudah 2 tahun kami bersekretariat disana, aman2 sajo. Untuak kebersihan, tantu nantik akan kito tunjuak garin nan akan majago musajik tu, atau kito tampuang mahasiswa2 nan marantau study ka Palembang untuak bamalam di Sekretariat kito tu. Peletakan batu partamonyo alah dimuloi pado tgl 16 April 2005 nan lalu oleh Bapak Walikota Palembang Ir.H.Eddy Santana Putra nan kami angkek manjadi Mamak kami di kota Palembang nan alah kami bari gala Sutan Rangkayo Basah Batuah. Beliau manyumbang 30 juta dan Bapak Gubernur Sumatera Selatan Ir.Syahrial Oesman nan kami angkek pulo jadi mamak kami di Sumsel nan kebetulan beliau ko urang sumando dari Urang Lintau Buo. Gala untuak beliau adolah Sutan Bagindo Mulie Nan Sati. Itu sekedar info dan penjelasan dari ambo. Wassalam, HM Dt.MB ( 48 + ) Sekretaris Panitia Pembangunan Masjid Baitul Maqdis dan Aula BMKM Sumsel ----- Original Message ----- From: "ridwan m sirin" <[EMAIL PROTECTED]> To: <[email protected]> Sent: Friday, May 13, 2005 1:24 PM Subject: [EMAIL PROTECTED] Batanyo ka palanta > Assalamua'laikum wr.wb > > Do'a ambo mudah-mudahan dunsanak kasonyo dipalanta lai > dalam kaadaan sehat sajo..amin ya rabbal alamin. > > Disiko kalo buliah ambo kabatanyo ka angku datuak, > mamak cadiak pandai dan dunsanak kasadonyo. > > Kami keluarga besar Minang Saiyo di Jeddah maraso > mandapek bantuan, perhatian dan kasampatan nan luas > untuak bakarajo samo jo pihak perwakilan R.I diranah > rantau (Saudi Arabia). Nan terakhir kini alah tagak > dikomplek rumah tingga konjen sebuah aula (rumah > gadang) nan didesign spt rumah adaik Minang Kabau, > sabana gagah..kalo ado sanak nan sempat ka Jeddah bisa > jalan2 ka district Al-Hamra dakek bana jo Al-Salam > Palace atau istana raja Arab Saudi. > > Jadi mukasuik kami pengurus MS kabatanyo kadunsanak > dilanta RN..sabagai ungkapan tarimo kasih dan > penghargaan kabaliau konsul Jendral R.I di Jeddah > (asal Flores)..kami ingin maagiah gala atau namo > Minang Kabau kabaliau atau namo nan pantas untuak > baliau. > > Apokah kami organisasi keluarga Minang dirantau ko > berhak malalukan hal iko..kalo ado dunsanak nan bisa > manghubungi kami ka nan berkompeten yaitu LKAMM atau > KAN tolonglah, mungkin sanak ambo Bandaro Labiah atau > St. Bangsawan atau nan lain2. > > Baitulah dulu dari ambo > > Wassalam > Ridwan M St.Rajo Sulaiman(46thn) > Jeddah _____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ------------------------------------------------------------ Tata Tertib Palanta RantauNet: http://rantaunet.org/palanta-tatatertib ____________________________________________________
