Angku Boes jo Angku Adryan,
Samo-samo salamaik morniang, kini hampia pukua sapauluah pagi Sabtu siko, kapai ka Gym cah, malenggang-lenggangan angok (aerobik) bakatencak malenggok-lenggok jo Rang Mudo-mudo. Beko malam pai halakah ka Musajik jo Rang Gaek-gaek. :)
Kok dibedaan jo Toronto, kami di Santa Kuruih jo San Paransisko hampia samo bana kaadaannyo jo Padang Pariaman. Kalau dicaliak peta Kalipornia dibandiangkan jo peta Sumatera, samo-samo mangalang kailia kapalonyo, bujuanyo samo, panduduaknyo sama banyak, gamponyo, iyo kiro-kiro samo pulo sairaiang batuka jalan. Kapatangko cuma kiro-kiro 10 mil diadokan pantai Santa Kuruih, tapi lai agak ketek, nan itu gampo, Ulah Tan Gampo tu juo, maancari-cari mahoyak-hoyak baluik di pantai. Eh,angku Boes, baluik lai lamak? Takana di ambo Pameo Rang Gae-gaek sisuak "Baluik lamak? Pitih Garih laku?"
Kalau batu Es Gadang di Santa Kuruih lai indak ado doh nan ka jatuah diumbankan dari Langik saroman di Toronto tu mungkin barek mek atau jauah mek dari Kutub untuak dibingkaluangan dek Tan Salju tu. Walaupun indak ado gampo di Toronto tu, nan ambo kawatirkan kok runtuah Baramban Gadang nan Indah di Tapi Danau tu. Tantu batambah rindu awak jo Marilyn Monru jo lagu pilemnyo Niagara tu.
Angku Adyan, sasudah gampo Natal patang tu, ambo caliak barito-barito USGS, Meterorolgi Singapura, Meteorologi&Seismologi Malaysa.Tampak lo topik-topik panyiapan diri lahia jo batin tu. Itu ambo kirim ka Lapau untuak panambah nan lah kito kumpuakan di Lapau. Mangko tabasuik pangana ambo manambahkannyo, karano mambaco barito Detik, urang panik di Padang, istimewa nan di MInang Plaza di Padang urang balarian panik. Nah nan iko, nan takana di ambo, jan sakali lari, balago-lago kapalo awak samo awak, atau takuliciak di janjang bagai beko.
Pokoknyo nan baiak-baiak kito simpulkan, secara Rohani, apopun nan tajadi, mangucap dulu, pikiakan lakeh apo tindakan nan kadiambiak. Jan langsuang panik, walaupun instink tu manyuruah kaki labiah capek balari dari banak. Bak kecek-kecek pituah angku juo, "Pikia dahulu pandapatan, sasa kudian indak paguno" atau dalam istilah Rantau ambo "Look before you leap". Jadi pangatahuan parsiapan tu disebarkan walaupun indak sadonyo mungkin diparaktekkan doh. Saroman basilek, cakak sabannyo kan indak samo jo kareografi baraja silek doh kan? Tapi saindak-indaknyo, langkah satu sampai anam, atau paliang saketek sampai langkah tigo, paralu diapa dan diparaktekkan kok jampang tibo cakak nan sabananyo nan indak diilakkan. sudah tu jan lupo baco bismillah, janlupo kapado Ilahi Rbbi nan sabanyo malainduangi kito.
Indak tahau awak dimaa awak wakatu gampo tu ka tajadi. Indak tahu pulo awak dimaa kito kan mati. Tapi patokan-patokan dan padoman-padoman nan lah dibarikan oleh lembaga-lembaga nan lah bawewenang badasarkan pangalaman-pangalaman nan sudah-sudah dan analisa satampek rancak dipadomani. Tantu indak sadono nan dapek kito paraktekkan doh dalam wakatu sakijok mato atau paliang banyak 100 datiak tu. nan pantiang tampak di ambo Waspada, baco patunjuak-patunjuak, dan latihan Rohani dan Jasmani. Awak haus mangatahui di maa awak dan lingkuangan sakitar awak. Kasimpulan garih gadang paringatan tu adolah untuak ka waspadaan awak, "Ingek sabalun kanai" jan sampai "Cakak sudah silek takana". Jadi, alert, waspada, kuatkan batin, jan Lupo kapado Ilahi Rabbi, karano ka Inyo awak kan kumbali.
Salam, -- MakNgah di Santa Kuruih Kalipornia Di Tapi Riak nan Badabua
38849 From: "boes" <[EMAIL PROTECTED]> Date: Sat May 14, 2005 1:15pm Subject: Re: [EMAIL PROTECTED] WHAT SHOULD YOU DO DURING AN EARTHQUAKE ? di Angku Sjamsir alah basiapkan paragaik tuh :)) salamaik morniang Angku, ba a lalap? di kota suparman Angku Sjamsir siko, ari rinai sajak samalam, palamak bakaruah tantunyo.
toronto jauah dari lauik, hanyo danau laweh jo ombak ketek salamoko, mudah�an indak ka man-tsunamikan kota toronto. hanyo nan di kuatirkan kok nyo hampo'an jo es dari ateh...ah lanyau nagara ko.
wassalam, boes
----- Original Message ----- From: "Sjamsir Sjarif" <[EMAIL PROTECTED]> To: "Lapau" <[EMAIL PROTECTED]> Cc: "Biaro" <[EMAIL PROTECTED]> Sent: Saturday, May 14, 2005 5:07 AM Subject: [EMAIL PROTECTED] WHAT SHOULD YOU DO DURING AN EARTHQUAKE ?
> Dari Malaysian Meteorological Services (MMS) Seismological Division
> <http://www.kjc.gov.my/english/service/services.html#s>http://www.kjc.gov.my/english/service/services.html#s
>
38850 From: Adyan <[EMAIL PROTECTED]> Date: Sat May 14, 2005 4:02pm Subject: Re: [EMAIL PROTECTED] WHAT SHOULD YOU DO DURING AN EARTHQUAKE ?
Assalamualaikum w.w. On Sat, 14 May 2005 02:07:24 -0700, Sjamsir Sjarif <[EMAIL PROTECTED]> wrote:
> If you are indoors > > * Stay indoors! Take cover under a sturdy table, desk, bench or brace > yourself in a doorway or corner.
Sanjo kapatang tampak di TVRI Padang, alah diadokan di babarapo sekolah latihan manyalamaikkan diri katiko gampo. Anak2 abi manyuruak ka bawah meja.
Tapi Pak Darul pernah mangirim tulisan bbrp waktu nan lalu, bahaso caro itu indak aman bagai do: harusnyo maandok *disampiang* benda2 nan agak kuaik, untuak mancari "triangle of life" ruang sagi-tigo nan tajadi kalau ado loteng ataun kap atok nan maimpok, ado tasiso ruang saketek dakek benda tu. Baa gak ti Mak?
Wassalam, -adyan
Internal Virus Database is out-of-date. Checked by AVG Anti-Virus. Version: 7.0.300 / Virus Database: 266.11.5 - Release Date: 5/4/2005
_____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ------------------------------------------------------------ Tata Tertib Palanta RantauNet: http://rantaunet.org/palanta-tatatertib ____________________________________________________
