Alaikum slam wr.w b., Mulyadi, mandanga carito Mulyadi tu, indak tatahan pulo hati buk Ben nak sato sakaki. Soalnyo apo nan bacarito kan tu mengingatkan buk Ben ka Bengkulu. Buk Ben juo pernah di Bengkulu dulu. Mulo nyo tingga di Anggut (rumah tempat Bung Karno di sinan dulu). Setelah rumah tu di jadikan Museium, lalu di pindah kan (urang ungsian-imigran:-)) ka Pasar Baru (di muko Kantue PU); Jalan Prof. Hazairin no 1. Ado tadanga-d anga namo Pak Sulani Amak? Dima Mulyadi di Bengkulu? Sanak kito RN dulu ado juo disinan lai, yaitu Masdar alias TGM (Datuek Gala Mainda). Baliau Dosen Pertanian di Universitas Bengkulu.
Bengkulu tu memang ba-tu-ah; istilahnyo asal tamakan ikan slengek, urang tu pasti babaliek ka Bengkulu. Sanak2 buk Ben memang iyo banyak nan indak kalua dari sinan. Lah kalua inyo, tp baliek juo baliek ka sinan. Buk Ben kecuali nyo. Bengkulu ko memang tamasuek daerah yg pesat maju dulu nyo. Capek meng-adaptasi dg Jakarta, krn lalu linteh k aJakrta labieh dakek, apo lagi di zaman Suahrto. Soal nyo gubernur nyo tu kan konco Suharto. Tapi setelah Suharto jatueh, kemajan Bengkulu pun jadi turun, bitu kecek uni Buk Ben (urang DPR sinan). Tp entah juo lah, tentu Mulyadi nan lebih tahu. Kopi angek sa cawan lai.., buk Ben In a message dated 5/25/2005 9:58:51 PM Eastern Standard Time, [EMAIL PROTECTED] writes: Ass,wr,wb. Kok si Rinalvi manyalek sakatek, mako ambo sato pulo, untuak membongkar memory ambo wakatu ketek dulu. Masalah kota Bengkulu nan dicaritokan, itu lah nan diambo bana tu mah. Ambo lahia dan gadang sampai umua 15 tahun indak barasak-rasak dari kota tu. Kota nan terkenal dengan istilah Kota ikan Selengek, kota nan tiok tahun ado perayaan Tabuik samo seperti di Piaman, Kota nan terkenal dengan bungo Raflesia nyo (lambang Propinsi Bengkulu berbentuk Bungo Raflesia), Kota nan ado Benteng Malborough nyo dan banyak lagi nan lain. Bengkulu ko sebelum tahun 1968, hanyo ciek duo oto sedan nan ado disitu. Kito bisa tidua2 ditangah jalan dengan memasang kulambu tanpa terganggu oleh oto nan liwaik. Pernah terjadi kebakaran dahsyat di tangah kota di tahun 1968 itu, kami sekeluarga di Jalan Pendakian disekitar Masjid Muhammadiyah dakek Kampuang Cino ikuik terbakar. Api mengamuk cukuik gadang, terkenal dangan namo "Sigulambai", api bisa maloncek melintasi jalan, banyak kami nan urang Minang nan marantau ka Bengkulu nan kanai musibah kebakaran tu. Seperti ado nan menyampaikan terdahulu bahaso Uda Sabri (Putra Minang asal Muaralabuh) yang saat itu menjabat Kakanwil Pekerjaan Umum Propinsi Bengkulu berperan besar dalam proses pembangunan fisik Propinsi Bengkulu saat itu ambo tahu persis beliau, walau wakatu itu ambo masih ketek, alun tamaik SMP/ST. Gubernur nan partamo H.M.Ali Amin nan begitu gigih membangun infrastruktur disinan seperti membangun Pelabuhan Samudra Pulau Bay setelah itu dipegang oleh Suprapto selamo duo priode. Pado maso Suprapto ko lah Bengkulu maju pesat, perkembangan kota menjadi sangat luas. Dulu kami bakabun di suatu daerah nan kami bari namo Padang Harapan, +/- 5 KM dari pusat kota lamo (kami sabuik Kampuang Cino tadi), wakatu ambo ketek2 dulu selalu dibao jo Almarhum Abak ambo bakabun kasinan jo sapeda. Hutan gadang dan ado harimau sarato banyak kondiek (babi hutan) disitu. Kini alah manjadi pusat pemerintahan, kantor Gubernur nan baru ado disinan, RS Umum jugo disinan. Itulah sekilas memory nan ado diambo, sebab salapeh tahun 1972 sampai kini ambo hanyo satahun sakali pulang kasinan. Wassalam, HM Dt.MB (48+) Rang Sulik Ayie kelahiran Bengkulu _____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ------------------------------------------------------------ Tata Tertib Palanta RantauNet: http://rantaunet.org/palanta-tatatertib ____________________________________________________
