dunsanak sadonyo, berikut ambo forward kan email dari Satria Iman Pribadi, anak alm bpk Djamahar Hamzah , yg ingin mengucapkan terima kasih atas doa dan ucapan duka cita dari dunsanak sadonyo,
fyi, satria adolah kawan ambo waktu dulu aktif di mesjid salman, banduang, kini satria, tinggal dan karajo di samarinda, kaltim berikut email nya : ---------- Assalamu'alaikum w.w. Tarimo kasih banyak indak tahinggo untuak perhatian, simpati, ucapan duka cita, dan do'a dari mamak, mandeh, uda, uni, dan kawan-kawan anggota milist rantaunet. Untuak Mamak Sjamsir Sjarif, iyo Papa ambo Djamahar Hamzah adolah guru nan dari koto Nan Ompek, dari Dalimo tunggak bendera. Tapi rasonyo beliau dari SGB (Sekolah Guru Baru), waktu itu alun jadi SGA. Mungkin Bundo Nismah bisa manjalehkan labiah jauh. Papa memang pernah manyabuik Pak Djaka sebagai gurunyo. Mereka pernah berkunjung basamo kawan-kawan (Bundo Nismah ikuik?). Untuak Bundo Nismah, tarimo kasih pulo ateh do'anyo. Ka Mamak Syamsir Sjarif dan Bundo Nismah yang pernah bergaul jo ayahanda kami, kami mohon agar dimaafkan sagalo kehilafan beliau wakatu bergaul. Adapun sebaliknya,alah labiah dulu kami dari ahli waris merelakan semuanya. Kalau buliah kami titip salam maaf ka Uni Ben Mc Cosky yang alah manjadi keluarga dakek pulo dek kami dan banyak bergaul jo keluarga kami katiko Uni Ben kuliah di Unand. Pun indak lupo ka mantan murid papa di Sungai limau, Koto Tinggi, SMP 4, Lubuak buayo, dan SMP 26 (Eks PPSP IKIP) kalau ado nan bagabuang di milis rantau net iko. Tarimo kasih banyak ka Mak Sati di Tabiang dan Miko ateh simpati dan do'anyo. Tarimo kasih ka Hendra, Hasbi dan Iqbal yang alah manyampaikan berita duka iko ka milis rantaunet sahinggo sampai ka kawan-kawan ayahanda ambo. Jazakallahu khairan kattsira. Wassalamu'alaikum w.w. Satria Iman Pribadi Note. Hendra, kalau indak keberatan, tolong sakali lai dimasuakkan ka milis rantau net. Tarimo kasih. _____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ------------------------------------------------------------ Tata Tertib Palanta RantauNet: http://rantaunet.org/palanta-tatatertib ____________________________________________________
