Assalamualaikum WW, Partamo ikuik maucapkan salamaik ka dunsanak Hasnul manjadi urang no. 1 di Indosat manggantikan bpk Widya Purnama. Hari Sinayan kapatang ko ado nan manilpon mangecekkan pak Widya Purnama pingin mangecek lansuang. Tantu tasirok pulo darah awak, dari ma pulo bapak tu tau jo awak. Ambo tanyo ado urusan apo. asistennyo manjawek dalam rangko mansuport pengusaha pribumi nan jadi rekanan Pertamina. inyo agiah no hp pak Widya ko. Dari nomor nan diagiah (0815 8377711) alah taraso, indak mungkin dirut Pertamina pakai nomor pra bayar. Tapi batilpon juo urang ko, suaronyo cukuik barek. Bisa ndak awak batamu di kantua ambo lt. 20 Pertamina ari Kamih cek baliao ko. Tantu ambo jadihkan dan batanyokan apo nan paralu basiapkan untuak itu. Ado macam2 lah tamasuak company profile, apo se nan alah babuek untuak Pertamina dan KPS. Aaa nan paliang seru dan lucu sasudah itu baliau mangecek inyo ado janji jo pak Muchaya walikota JakPus untuak mambaia 350 jt dan pitihnyo kini ado 250 jt. dan mintak ditutuik dulu samantaro dek karano deposito nyo baru jatuah tempo hari Rabu. Waktu basuo hari Kamis akan dibaianyo baliak. Ambo jadih kan se dulu, nyo agiah no rekening pak Muchaya ko di BCA no. 1640329536. Iyo lah ambo pikia kan dulu. Sudah tu batilpon babarapo dunsanak nan di Pertamina tamasuak uda Muhardi dan da Masril. Cek uda2 tu indak ciek juo tu doh. Sore nyo manilpon pulo baliak apak Widya awak ko batanyo. Ambo otai alah bakirim pak, cek lah ka pak Muchaya tu. Iyo sabana sanang ati nyo. Tapi ndak lamo sudah tu inyo manilpon baliak kok belum ada?. Ambo jawab se lai emang gue pikirin, punyo pitih bana ambo sabanyak tu ancak untuak biaya sakola anak ambo lai. Aniang se baliau ko indak mangecek lai. Mungkin ado juo diantaro dunsanak nan pernah maalami percobaan panipuan bantuak iko. Sabana macam caro urang untuak mancari pitih sanang.
Wasalam Tan Ameh _____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ------------------------------------------------------------ Tata Tertib Palanta RantauNet: http://rantaunet.org/palanta-tatatertib ____________________________________________________
