Assalamu'alaikum wr.wb.,
Satiok wahyu datang, Rasulullah SAW manyuruah kapado babarapo sahabat untuak
mancataikno. Diantaro nan mandapek tugas mancataik wahyu nan baru turun tu
tamasuak Ali bi Abu Thalib r.a. Catatan-catatan tu dibuek di ateh palapah
kurma, di kulik kambing, di tulang unto. Gunono buliah dikecek-an untuak alaik
bantu manghafalkan sajo, karano umumno para sahabat langsuang manghafalkan
satiok wahyu nan turuntu.
Mushaf nan awak warisi kini disabuik juo mushaf Utsmani, sabab di jaman
khalifah Utsmanlah mushaf itu mulo-mulo dibukukan. Umar bin Khaththab r.a.
mamintak sarato mausua ka khalifah Abu Bakar r.a. untuak mangumpuakan sudahtu
mambukukan tulisan-tulisan ayat-ayat Quran nan indak ciek (ditulih di palapah
kurma, di tulang unto dsb), dek karano alah banyak para hafidz al Quran nan
syahid di babagai paparangan, namun Abu Bakar indak barani malakukan nan indak
dilakukan dek Rasulullah SAW. Sapaningga Abu Bakar dimuloi juolah dek khalifah
Umar bin Khaththab untuak mangumpuakan tulisan nan banyaktu dek alasan nan
samo, yoitu alah samakin banyak bakurang para hafidz taditu. Namun alun sampai
lai jadi mushaf, manjadi sabuah kitab. Takumpuno manjadi mushaftu baru pado
jaman khalifah Utsman bin 'Affan.
Katambah-tambahno sajo.
Wassalamu'alaikum wr.wb.,
Lembang Alam
---------------------------------
Discover Yahoo!
Have fun online with music videos, cool games, IM & more. Check it out!
_____________________________________________________
Berhenti/mengganti konfigurasi keanggotaan anda, silahkan ke:
http://rantaunet.org/palanta-setting
------------------------------------------------------------
Tata Tertib Palanta RantauNet:
http://rantaunet.org/palanta-tatatertib
____________________________________________________
