Assalamu'alaikum wr wb.
Carito St. Sinaro kurang, ambo tambah saketek sajo dulu . Ambo punyo
kenalan surang padusi urang Sigli Aceh, kampuangnyo kiro 2 jam naiak
oto, alah lupo pulo namonyo. Kiro kiro satu satangah tahun sabalun
Tsunami inyo marancanakan pernikahannyo jo urang kampuangnyo.
Subalunnyo barangkek pulang kami bajanji untuak basuo dulu disebuah
shoping centre nan gampang dijangkaunyo dari tampek tingganyo. Inyo
datang duluan, barau sajo ambo tibo alun sempat maucapkan salamaiak,
inyolah mancarocoh manyampaikan bahaso inyo baru sajo manarimo berita
buruak lewat ponselnyo. Inyo baru sajo mangecek jo apaknyo nan barado
dikampuang dibawah todongan sanjato anggota Gam. Ruponyo kelompok Gam ko
mandanga rencana pernikahannyo. Mereka mengancam apaknyo tu supayo
anaknyoko mambao pitih 60 juta, kalau indak dibao pitihtu nyao apaknyo
tangguangannyo. Kami baduo saliang bapandangan sajo, sadangkan untuak
kawinnyo sajo kami bakawan kawan bausaho mangumpuakan sumbangan ( inyo
disiko guru ngaji ) meskipun inyo punyo mamak kanduang disiko nan dulu
suko maagiahpitih kaurang.Gam kalau ka Jakarta. Akhia kato inyo pulang
sasudah mangumpuakan sumbangan kian kamari.( Inyo ko dulu kalau Hari
Rayo Haji misanyo dikumpuakannyo kurban dari kenalannyo disiko, lalu
dibaonyo pulang kadesa. Pitihtu salalu diperas oleh Gam. Begitu juga
kalau Lebaran katanya, kadang kadang hampir sepertiga diambil Gam. "saya
tidak mengerti apa yang mereka perjuangkan, mereka shalatpun tidak "
katanya. Orang kampung saya betul betul menderita oleh mereka katanya.)
. Sesampai dikampung dia negosiasi dengan anggota Gam yang menyandera
bapaknya, dan akhirnya menerima 3 juta rupiah sebagai ansuran yang
berhasil dikumpulkannya di Jkt. Kami sudah menasehati dia supaya setelah
pernikahan lansung membawa orang tua beserta adik adiknya ke Jkt, supaya
tidak disandera Gam, dan dia pindah ke Sigli. Salah seorang adiknya
sekarang diasuh Pesantren Hidayatullah di Depok.
Iko cari tambahan dari ambo , nanti ambo sambuang baliak. Nan indak
berkenan tolong didelete sajo.
Wassalam dan maaf
Isna
Wa'alaikum salam.w.w.
... Alah ni Is, maa lo ka bisa mambangkik batang
tarandam ?. Nagari ndak Islam. Nan takah ibuk tu di
UNAND lah labiah 20 urang tu ma. (Maaf ambo manyolo
pulo snek ota jo Sharil jo Ni Ben).
Baa lo ka bisa, cubo caliak. Dunsanak ambo manggaleh
goreang pisang di tapi jalan, dek ndak ado nan ka bisa
lai, tapaso manggaleh goreang pisang di tapi jalan.
Ndak barapo lamo nampaklah usaonyo maju. Tapi kudian
sudah tu mundur baliak. Dek aa ?, dek lah tibo tukang
palak, tukang pangua mamintak pitih. Usao nan ketek ko
baru ka mandapek lah abih dek urang.
Ado pulo ciek lai, dunsanak ambo juo, lah mambukak
galeh P&D, lah ka bapitih pulo, sudah tu tibo tukang
palak, tukang pangua, mamintak pitih... lah...
lah abih mangurehan urang-urang tu se karajonyo,
untuang
ndak bara do. Dikadukan ka polisi, beko jo
polisi-polisi
tu lah sato pulo.
Ado pulo ciek lai, dunsanak ambo juo (alah ..kok
ka basabuik urang ko dunsanak ambo se sadonyo bialah,
umah e balancik-lancik an jo ambo).
Bukak rumah makan, lah maju pulo, tapi sudah tu tibo
oknum (polisi),... aa nankecek inyo ka ambo, tiok
bulan harus disadiokan untuak inyo sekian tu.
aaa... baa ka mambangkik batang tarandam. Dikecek-kan
urang awak pamaleh,... ancak di elo kato tu baliak.
Cibo ni Is caliak di wartel-wartel, mulai dari nan
ketek sampai nan gadang di padang ko aa,..
apo lai nan dikampuang-kampuang, selalu ado
digantuangkannyo gambar surang tentara nan agak tinggi
pangkek stek. Itu untuak aaa ?, supayo tukang palak
ko agak takuik. aaa baitu bana lah nagari awak.
Hukum urang ulando nan kito pakai dima ka bisa.
Ndak bisa do ni Is, jadikan Ranah Minang tu
samo jo Aceh dulu, melaksanakan syari'at Islam,
aratinyo jo aparat-aparat tamasuak tentara jo polisi,
apo lai tukang palak indak akan lapeh dari hukum
Islam.
Baitu... eee kok ka berang pulo ni Is jo ni Ben,
aaa suko ati lah. Antah kok indak batua hujah ambo.
Wassalam
St. Sinaro
__________________________________________________
Do You Yahoo!?
Tired of spam? Yahoo! Mail has the best spam protection around
http://mail.yahoo.com
_____________________________________________________
Berhenti/mengganti konfigurasi keanggotaan anda, silahkan ke:
http://rantaunet.org/palanta-setting
------------------------------------------------------------
Tata Tertib Palanta RantauNet:
http://rantaunet.org/palanta-tatatertib
____________________________________________________
_____________________________________________________
Berhenti/mengganti konfigurasi keanggotaan anda, silahkan ke:
http://rantaunet.org/palanta-setting
------------------------------------------------------------
Tata Tertib Palanta RantauNet:
http://rantaunet.org/palanta-tatatertib
____________________________________________________
