Assalamu'alaikum wr. wb. Ma sagalo adidunsanak jo anak kamanakan di salapan pinjuru angin,
Kapatang kutiko ambo download 202 imel di palanta ko, abiah hari di ambo labiah satangah jam, dan ambo paratian masuaknyo imel ko dari server sabagian agak lambek. Sasudah ambo cigok imel ko, tarnyato ado 20 imel nan ghadangnyo antaro 10-20 Kb, padohal sabagian gadang pasannyo cuma duo tigo barih sajo, salabiahnyo ikua se nan manjelo-jelo, nan mambuek baban imel ko jadi mambukik. Andaikato sanak-sanak awak ko indak asa tuncik repply & send sajo, dan ambuah bajariah snek manguduang posting nan di bawah, baban imel ko paliang cuma 1 sp 2 Kb. Ko, ambo kopikan sampel ciek imel nan ambo tarimo 10 Kb, pasannyo cuma: ============================================================= Assalamu 'alaikum Wr. Wb., Tarimo kasih Pak Arnoldison ateh jawabannyo, buliah ambo kirim juo ka Palanta yo. Wass, syb. ============================================================= Nan di bawah ko, gadangnyo 14 Kb. Pasannyo cuma: ============================================================= Da Boes/ Buk Ben..........tambah saketek........ado nan mangilik...dan nyo sipak an langsuang gol... Tapi ado juo nan manyiku atau manungkai dari balakang...........dan nan zaman nan mudo kiniko ado pulo nan maelo baju.....he he he Tapi kalau ado nan marabo kanai karatu merah..........kalau basaba....wasit nan manantu kan nan ndak batua dapek karatu kuniang atau karatu merah........... Nah kalau team tu mamanggok kan kalah WO 5 kosong.........tapi kalau sorang nan mamanggok dan disokong bara panonton.....ba a pulo kecek wasit tu buk Ben / Da Boes kih kih kih kih kih kih Wass =================================================================== Tolonglah karek ikua nan di bawah, dek kami sadonyo lah punyo lo nan itu. Kasianilah kami nan pakai komputer dan internet plat hitam, apo lai ambo, pitih pambaia pulsa telkom jo aiuran ISP dari pitih pansiun nan jumlahnyo cuma saujuang kuku penghasilan adidunsanak jo anak kamanakan. Mak Sati (68->69) Tabiang, Padang _____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ------------------------------------------------------------ Tata Tertib Palanta RantauNet: http://rantaunet.org/palanta-tatatertib ____________________________________________________
