Assalamu'alaikum wr.wb.
Batua sanak Arnoldison,masyarakat Sumbar kiniko sadang manghadapi pilihan
'the best of the best. Kabatulan ambo sempat mengenal hampia kasadonyo calon
dalam acara perkenalan mereka di Jakarta nan diselenggarakan dek BK3AM
(Badan Koordinasi Kemasyarakatan dan Kebudayaan Alam Minangkabau). Terakhir
perkenalan calon pasangan Kapitra Ampera-Dalimi tadi malam di hotel Grand
Cempaka. Tapi nan terakhirko diadokan dek Ketua DPP Partai Demokrat.
Apo sabab mereka dikategorikan masuak 'the best'. Nan partamo para calon
relative mudo-mudo dibawah 50 tahun,tautamo Cagubnyo. Barangkali nan paliang
tuo Gamawan Fauzi dan nan paliang mudo nampaknyo Kapitra Ampera. Nan kaduo
mereka manyampaikan visi,misi dan strategi nan kesan ambo alah manjawek sado
permasaalahan didaerah Sumbar. Kasadonyo nampak alah mamahami bana apo
tantangan nan kadihadapi kalau nanti lah tapiliah jadi Gub/Wagub.
Seakan-akan katajadi perubahan gadang dinagari awakko,sabab hampia sadonyo
bajanji akan mambangkik batang tarandam, manjadikan Sumbar sabuah masyarakat
Minangkabau nan konsisten jo motto "Adaik Basandi Syara', Syara' Bansandi
Kitabullah". Sabab hanyo itu nan bisa mambuek Sumbar manjadi masyarakat nan
aman makmur sejahtera, manjadi 'center of excelent' lahirnyo calon
tokoh-tokoh Nasional baiak dibidang Politik,Ulama,Bisnis,Diplomat dsb sarupo
tahun saisuak. Nan katigo, hampia kasadonyo bajanji akan mundur bilo indak
dapek mambuktikan janjinyo. Malah calon Irwan Prayitno alah mambuek kontrak
politik sabalun dimintak, malalui partainyo PKS,sabab inyo dimintak dek
partainyo mancalonkan diri,indak mamintak jadi pamimpin karano itu dilarang
ajaran agamo keceknyo. Sabalunnyo partainyo manolak tawaran SBY untuak
Irwan manjadi menteri Energi dan SDM. Pernyataan itu manjawek tanyo salah
satu hadirin waktu itu.
Nan agak marisaukan awak(istilah sanak Arnoldison 'mambahayokan') iyolah
apo indak lupo jo janji, maliek banyaknyo piti na dikaluakan untuak beaya
'operasional' tu. Bak kecek sanak HM Malin Sinaro 'benefit return must be
more than investment'. Kalau iko nan tajadi nanti, namonyo maulang kaji
lamo, ndak akan tajadi perubahan,ndak akan bangkik batang tarandam tu.
Kasadonyo calon iyo urang nan bapitih banyak, bisa dicaliak dari caro
kampanyenyo. Kini talatak ditangan rakyat bara persen nan cadiak,indak
tabali kamiskinan awak tu dek inyo,jan sampai mamiliah nan bayar.
Ambo terkesan jo jawek Irwan Prayitno waktu kami kabatulan satampek duduak
maota dipesawat dari Padang ka Jakarta. Baa peluang pak Irwan kiro-kiro
baitu tanyo ambo. Keceknyo nan susah partainyo indak bapitih banyak. Kok
ditiru caro urang dapek piti, barisiko dituduah urang indak konsisten,samo
sajo nyo partai-partaitu. Lalu ambo caritokan pangalaman ambo waktu di Iran
salah satu caro nan murah maagiah tahu rakyat. Imam Khomeini mamanangkan
revolusi di Iran malawan pamerentahan Reza Pahlevi nan terkenal paliang kuek
di Timur Tengah waktu itu cukuik murah. Inyo mambuek ribuan kaset di Paris
nan barisi da'wah jo pasan nyo, dikirim dan disebar ka saluruah palosok
nagari tanpa ter detect dek pasukan rahasia Sah Iran. Akhirnyo Imam Khomeini
berhasil manjadi pamimpin di Iran jo hiduik tatap sederhana. Baliau indak
namuah tingga di istana mewah bakeh Sah Iran. Manarimo tamu tamasuak para
diplomat tatap dirumah aslinyo sambia duduak basilo diateh permadani. Antah
lai nyo pakai carito ambo dek pak Irwan sampai kini ambo indak dapek kaba.
Manuruik pandapek ambo untuak mamiliah calon pasangan nan balimo tu bisa
diraso jo paresokan 4 hal, patamo apo niek mereka jadi Gub,kaduo bara kuek
komitmennyo mambangun,katigo komitmentnyo membrantas KKN jo kaampek
komitmennyo mampabaiki moral nan alah rusak kiniko dimasyarakat Minangkabau.
Mari kito agiah tahu sanak-sanak kito nan mamiliah nan jauah dari
informasiko. Eh alah talambek barangkali yo sanak.
Sahinggo itu dulu supayo indak bajelo-jelo.
Wassalam,
Asmardi Arbi (64-)
-----Original Message-----
From: [EMAIL PROTECTED]
[mailto:[EMAIL PROTECTED] On Behalf Of Arnoldison
Sent: 23 Juni 2005 17:00
To: Dedi N
Cc: [email protected]
Subject: [EMAIL PROTECTED] Re: Sia Pasangan Cagub/Cawagub di Sumbar
Assalamu'alaykum wr.wb
Lima pasangan calon gubernur/wakil gubernur yang ditetapkan adalah
Gamawan Fauzi-Marlis Rahman, Leonardy Harmaini-Rusdi Lubis, Kapitra
Ampera-Dalimi Abdullah, Irwan Prayitno-Ikasuma Hamid, dan Jeffrie
Geovanie-Dasman Lanin.
_____________________________________________________
Berhenti/mengganti konfigurasi keanggotaan anda, silahkan ke:
http://rantaunet.org/palanta-setting
------------------------------------------------------------
Tata Tertib Palanta RantauNet:
http://rantaunet.org/palanta-tatatertib
____________________________________________________
_____________________________________________________
Berhenti/mengganti konfigurasi keanggotaan anda, silahkan ke:
http://rantaunet.org/palanta-setting
------------------------------------------------------------
Tata Tertib Palanta RantauNet:
http://rantaunet.org/palanta-tatatertib
____________________________________________________
