Assalamu`alaikum wr wb Sanak sudaro nan ado dipalanta yang ambo hormati, Izinkan ambo mancaritoan pangalaman ambo nak mancari angko duo ngenek, nan di gunoan dek ma boes untuak kato² ulang, Sajak mak boes lah mancogok baliak dipalanta, "Ado nan alun Ado sabalun ko" yaitu angko duo ngenek untuak satiok kato ulang "saparati samo-samo" nan ditulih dek mak boes "samo²", kalau manuruik nan biaso kito akan manulih jo angko duo <2> nan gadang, saolah-olah "Angkuah tabao tampan tingga". Jadi kapatangko ambo cubo pulo mancari angko duo ngenek tu, tapi indak basuo,.. Untuang lah, anak ambo nan nomor duo [21th] lah pulang sikola,lansuang sajo ambo tanyoan ........ Baa kok di Kompor [Komputer awak ko indak ado angko duo ngenek-e ..... ? Sabalun dijawab-e,ambo taruih batanyo,......... Cubo caliak "surek listirik" [ e-mail ] iko istilah Ajo Buyuang [Zubir Amin] daulu-e,.... Nan ditulih mak boes dari canada ado angko duo ngenek-e, Baa kok diawak indak ? Dalam hati ambo,......... apo balain pulo Kompor nan dinagari mak boes, jo nan ado di nagari awak ?.......... apo iko model baru ndak ?........... Tibo² anak ambo mangecek, ........ Ayah, ... takakajuik ambo dari lamunan, aa, ti-e,..... Nan sabana-e kecek anak ambo satiok Kompor [Komputer] ado angko duo ngenek-e, ........ Tapi ayah kan tau, urang kini kan nak sagalo capek, cubo ayah caliak kabanyak-an e-mail nan ado, ...... kadang² wae tu mariplay, dan manulih agak ampek buah kato sajo, tapi ikue lah bajelo-jelo ampie sapanjang tali baghuak, dek lupo manguduang-e, Dek nak capek" ......... Baitu juo jo angko duo ngenek tu, dek karano latak-e jauah didalam, urang tantu maleh mampagunoannyo, "lambek" kecek-e, walaupun umumnyo urang tau dima lataknyo, ......... Kecuali ayah,nan memang urang nan indak sikola, Tapurangah juo ambo mandanga kuliah anak, ......Tapi bilo di inok²-i ado juo batue-e, Sasudah tu anak ambo tadi mulai lah manenyeh-nenyeh Kompor usang ambo tu, .... Iyo Kalua Angko duo Ngenek tu, di baliak "Angko" 0178,------ Dalam hati ambo bakato, ........... Iyo jauah latak-e angko duo mak boes tu, ghupo-e, .... patuiklah basingaluik bana urang mampagunoannyo. Baitulah carito urang indak sikola mancari angko duo ngenek, kok ado kato² nan manyingguang suok jo kida ambo mohon maaf dan kapado mak boes tarimo kasih banyak, dek ado angko duo ngeneknyo, Wassalam Sidi Arshad [48] KL Rang Piaman Laweh
__________________________________________________ Do You Yahoo!? Tired of spam? Yahoo! Mail has the best spam protection around http://mail.yahoo.com _____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ------------------------------------------------------------ Tata Tertib Palanta RantauNet: http://rantaunet.org/palanta-tatatertib ____________________________________________________
