Angku Tan Ameh jo Mak Ban,
Di Santa Kuruih, di Tapi Riak nan Badabua, MakNgah baru ka mamuloi Hari
Minggu.
Antaro kito (Santa Kuruih Rantau Makngah jo Jakarta jarak wakatunokini 14
jam),
jadi sinan 14 jam labiah dahulu mancaliak matohari tabik dari kami.
Sajam nan lalu MakNgah jago lalok, pukua ampek pagi, parak siang, hari Akaik.
Di Jakarta atau di Kampuang tantu lah pukua 6 sanjo urang siap ka Sumbayang
Mugarik.
Kini libur panjang akhia minggu di nagari Tanibuih, marayokan hari Ampek Juli.
Kini sudah sumbayang subuah, MakNgah abuih aia angek.
Diambiak kopi jo manisan labah, diambiak talua, dimasukkanka dalam balendeh.
Aia manggalagak, balendeh dionkan, dituang aia angek ka dalamnyo.
Mandansianglah bunyinyo, tabalendehlah kopi jo talua tu.
Sudah tu diambiak saringan kopi, dituangkan aia isi balendeh tu ka cangkia.
Ondeh, turun naiak jakun.
Kini MakNgah sadang minum kopi talua, minun sairuik-sairuk, mancigok Lapau.
Tabayang di sinan Galak Nabi. Hm, mungkin saroman galak MakNgah :)
Kadang-kadang wakatu MakNgah mamakai tando galak garah saroman iko .. :),
kalau MakNgah galak saketek :), rasonyo MakNgah mambayangkan Galak Nabi tu.
Indak ado carito nan jaleh dek MakNgah dimaa asa atau baa istilah "Galak
Nabi" tu
sampainyo ka Kampuang Awak. Mungkin para Ulama kito di Lapau dapek
mancarikan parawiahnyo, baiak hadis saiah atau tambahan bungo-bungo rawiah.
Tapi, sabagai tambahan interpretasi Angku Tabn Ameh, MakNgah barangkali
dapek pulo manafsirkan "Galak Nabi" tu, sabagai Galak Saribu Arti ...
Sakitulah dahulu,dek MakBan manciliang Lapau lo, iyo ambo tambakan
saketek Urang Banua di Saremban (Sremban, ibu kota Magari Sambilan).
MakNgah sadang bajalan-jalan dipasa Saremban tu, tibo-tibo tampak urang
bakadai saroman acah kadainyo di Pasa Ateh awak di Los Galuang saisuak.
Dicaliak-caliak kain saruang, kok ado Kain Palakat Cap Gajah dari India.
Tapi nan banyak kain saruang tu dari Indonesia. Dek MakNgah pai bajalan
tu sabananyoingin maota-ota jo urang-urang nan basuo, mangko tanyo
batanyo lah kami. Tanyato baliau nan punyo kadai tu dari Banuampu...
Wakatu ambo pulang ka Kampuang ado kakak dari Biaro lahpansiun
manggaleh, baliaupun mancaritokan, baliau panah pulo pai ka Kuala Pilah,
dakek Seri Menanti, Ibu Karajaan Asli Nagari Sambilan. Kini tabayang
pulo dek MakNgah kampuang-kampuang sakitar Seri Mananti nan
MakNgah jalani sampai ka kampuang-kampuang ketek di tapi gunuang,
pamandangan landscapnyuo hampia saroman di Kampuang Awak bana.
Lah lewat lo tangah anam Minggu pagi. Pangana kapai ka Gym cah.
Sakitulah dulu, pado bajelo-jelo lo kaji awak beko.
Salam,
-- MakNgah
40558
From: "Tasril Moeis" <[EMAIL PROTECTED]>
Date: Sat Jul 2, 2005 8:36pm
Subject: Re: [EMAIL PROTECTED] Carito hari Minggu - galak nabi
Mak Ngah,
Sabana angek ari di Jakarta Minggu siang ko mak. Di ujuang sadang manga mak
Ngah kini ko?
Takana lo di ambo "galak nabi" ko mak. sangkek ketek di kampuang dulu acok
sangaik di danga istilah ko.
Cuma arati no nan pas nan nama kini ko ha.
Ado nan mangecek kan galak maklum, mungkin bantuak buya Zul guru kasayangan
mak Ngah tu. Alah maklum bana baliau jo kurenah murik no tu.
Ado pulo nan mangecek kan galak misterius, indak bisa di takok antah ano
saba bisa tagalak atau galak manahan bangih.
Tapi mungkin nan paliang cocok dek ado "nabi" no iyo galak maklum sambia ba
pikia mangko lah andia2 no urang nan den aja. ha ha ha.
Sato lo ambo mandoa kan buya Zul ko mak, mudah2 an iko adolah salah satu
contoh ilimu nan bermanfaat untuak urang banyak nan bisa di baok baliau
sebagai bekal di akhirat . Amin.
Wassalam
Tan Ameh
No virus found in this outgoing message.
Checked by AVG Anti-Virus.
Version: 7.0.323 / Virus Database: 267.8.8/37 - Release Date: 7/1/2005
_____________________________________________________
Berhenti/mengganti konfigurasi keanggotaan anda, silahkan ke:
http://rantaunet.org/palanta-setting
------------------------------------------------------------
Tata Tertib Palanta RantauNet:
http://rantaunet.org/palanta-tatatertib
____________________________________________________
