Waalaikumsalam warahmatullaahiwabarakaatuhu.
hehehe..da Syahril ko, iyo suko bana mamainkan ambo.
Mungkin dek faham bana sia ambo yo, di mainkan
banapun, indak ka berang bagai doh, capek
tasingguangnyo( bukan berang lho), capek lho elokno
baliak.
Watak urang mesir jo urang medan, hampia samo, kalau
mangecek iyo sabana kareh kadangarannnyo. Kalau da
Syahril pai ka Mesir, jaan takajuik, akan mandangaan
bacando urang barantam se, padahal indak barantam
bagai doh mereka tu. Ado pajabat nan baru patamo kalai
ka mesir takajuik, alah mati katakutan se inyo, katik
mcaliak duo urang Mesir babicaro sasamao meraka.
Cubolah caliak, baru basuo se mereka tu alah bapalukan
dan baciuman pipi tigo kali, banyak lo baso-basinyo.
" Wahisni,.inta fein,.." (Rindu sekali saya sama kamu,
kemana aja kamu,.?), padahal baru duo hari nan lalu
basuo. Ah..sudah tuh,.alah mangecek se sasamo mereka,
walau cuman agak saminik, duo minik. Silaturrahmino
kuek bana. Bauso basalaman, baciuman, bapalukan, dan
indak lupo : " Assalamualaikumno ".Itu gaya urang
Mesir bana. Tinggi suarano, banyak
basa-basi(mujaamalah).
Kalau tasingguang sasamo mereka(saling barantam),
sampai disitu sajo, besok alah lupo baliak, alah
babaikan lo baliak, sarupo indak ado kajadian nan
sabana kareh kapatang tu, padahal iyo sabana-bana
barantam. Kalau urang kito kan balaian, ari ini
barantam, sampai bara bulan baru eloknyo baliak.
Ambo pernah tasingguang jo kawan ambo Mesir, alah
baparang muluik antara ambo jo inyo. Bisuaknyo basuo
jo inyo, ambo masih diam sajo,.eh..inyo lah biaso
sajo, disalam, dipaluak, diciumno ambo. Iyo takajui
ambo dek inyo. Itu dulu,..tapi alah tabiaso pulo ambo
jo mereka tu, dan alah mandarah daging pulo sifaik
mereka ka jiwa ambo. Indak padandam, dek sasamo awak
iyo samo-samo Muslim, manga lho sasamo muslim saliang
bamusuhan, saliang badiaman, badoso awak jadinyo,
diakhiraik dosa sasamo awakko iyo tagantuang,
saharusnyo awak masuak sarugo digantuang dek urang nan
sakik hati kaawak, nan awak dzalimi, awak aniayo, awak
caci makinyo, awak baburuak sangko ka inyo dsbgnya,
kalau indak maminta maaf ka inyo, iyo di akhiraik
tagantuang masuak sarugonyo. Barek dosa sasamo awakko.
Ka Allah awak bisa mintak ampun, kamanusia harus jo
maafnyo.
Bersyukur ambo tinggal di Mesir ko, paliang indak jiwa
mereka nan elok tapatri lo kaambo.Walau tanahnyo
gersang tapi hati mereka indak segersang tanahnyo,
lambuik. Walau negaranyo indak kayo, tapi hatinyo nan
kayo. Jangan tanyakan masalah zakat, wakaf di urang
Mesir ko. Iyo sabana indak paralu diumumkan doh.
Mereka tahu surang kewajiban Allah tu. Tantu ado juo
urang nan indak elok, hanyo sajo mayoritasnyo saketek
bana. Baa banapun Mesir adolah nagara kelahiran Para
nabi Allah, disanan juo ado lahir Fir'aun-fir'aun
laknatullah. nan ganteng-ganteng bacando nabi Yusuf,
nan rancak-rancak saroman Zulaikha iyo banyak disiko.
Keceknyo Yusuf dan Zulaikha cantik dan tampan
parasnyo, ambo iyo indak tahu baa bana wajahnyo.
Wassalam. Rahima.
--- [EMAIL PROTECTED] wrote:
> Assalamualaikum Wr. Wb.,
>
> Rangkayo, iyo rancak2 kodaknyo, tarimo kasih, kalau
> ka situ bara lo abih
> pitih yo dak??, iko lasuahnyo (kato Pak Tasril) awak
> bakuliliang nagari
> go, ha ha, kami manunggu kodak2 dunsanak awak yang
> lainnyo.
>
> Parutamo ambo takajuik, kok rangkayo fose nyo di
> kolam renang, tahu2
> namo Rahima banyak di situ yo, beko lah kalau alah
> habis jam kantua ambo
> sigi bana, karano alah banyak bana wakatu yang alah
> ta korup dek awak
> go, kalau yang terbaru disitu juo kan.
>
> Wassalam, syb.
__________________________________
Do you Yahoo!?
Make Yahoo! your home page
http://www.yahoo.com/r/hs
_____________________________________________________
Berhenti/mengganti konfigurasi keanggotaan anda, silahkan ke:
http://rantaunet.org/palanta-setting
------------------------------------------------------------
Tata Tertib Palanta RantauNet:
http://rantaunet.org/palanta-tatatertib
____________________________________________________
