Assalamu'alaikum.w.w.
...Ko tanyo bung Tasril nan ditunda...
Mak St. Sinaro, Ado pertanyaan ambo tantang 2 system
nan bajalan di awak kini ko, Awak punyo agamo nan
punyo Al-qur'an, Hadis jo Sunnah no nan jadi patunjuak
awak baagamo. Tapi awak punyo pulo pamarentah dan
mambuek pulo aturan jo undang2,nan iko buatan manusia
dan sabagian dari awak terlibat di situ.
Masalah no awak hiduik di situasi jo kondisi bantuak
itu. Kamanulak indak cukuik dayo untuak itu. Umat
Islam di Indonesia se ta pacah2 pulo pandapek
no. Arab Saudi pun tampai turun no ajaran Islam juo
punyo Undang2 jo paraturan nan di buek mereka untuak
maatur rakyat no.
Jadi pertanyaan no, baa caro kami2 ko maadok i situasi
ko. Undang2 Allah insyaalah, sa barek2 manjalan kan
pasti bisa, tapi awak harus pulo manjalankan undang2
buatan manusia ko, dan sisiko di kecek kan syirik.
Tunjuak kan lah kami mak Sinaro. jo jalan nan ka bisa
kami karajokan.
Wassalam
Tan Ameh
Wa'alaikum salam.w.w.
Bung Tasril, pertanyaan bung sabananyo ciek nyo kan ?,
baa jalan kalua dari situasi nan takah kini, kan bitu
ndak ?. Baa caro kalua dari situasi nan lah bagalintin
pintin takah kini, bitu kan ?. Baa caro kalua supayo
kito jan tabaok rendong pulo tamasuak urang-urang nan
dikategorikan syirik nan ma-ambek kito mati dalam
Islam, kan baitu ndak ?.
Bung.... dan tuan-tuan sekalian...
Kalau iyo awak punyo agamo kalau iyo awak nan punyo
Qur-an, mako pacikkan agamo tu, pacikkan Qur-an tu.
Baa kecek Allah dalam Qur-an ?,
"Watasimu bihablillahi jamii-aw wala tafarraqu"
Berpegang teguhlah kamu pada tali Allah dan jangan
berpecah belah. Nan ma nan tali Allah ko ?. Alah
ditarangkan ka kito baa tali Allah ko, baa supayo mati
dalam Islam, ..aaa.. jan kito tulak. Pacikkan tu
arek-arek, kalau maraso alun yakin, buliah maadu
argumen jo nash-nash nan ado dalam Qur-an jo
hadits-hadits. Tapi kalau lah yakin, aaa pacikkanlah
itu.
Tu baa ?, awak basuo jo situasi nan takah kini.
Mari kito titi ciek-ciek kito ulang baliak baa
sabananyo.
Dikatokan ado duo sistem kiniko, sistem Allah dan
sistem taghut. Nan bajalan kini sistem taghut, baa tu
?. Sederhana sajo, kalau lai ado usao managakkan
sistem Allah tadi, atau salamah-lamah dayo, lai ado
dalam hati menginginkan sistem Allah, lai ado dalam
hati ingin barado dalam sistem Allah tu,..aaa
insyaAllah lapeh dari syirik.
Itu nan bisa kito pabuek sebagai rakyaik badarainyo.
Tu baa sabananyo ?, situasi kiniko tantu banyak nan
syirik tu ?.
..aaii.. sabananyo makin ditanyo makin sampik. Rancak
dipahami sajo itu. Kok nio juo pandangan baa sabananyo
..aaa...
mari kito liek.
Urang nan paliang mudah takanai di doso syirik ko
jaleh-jaleh pemimpin dek karano inyo nan mamacik
kuaso, inyo nan mamacik kendali untuak mamiliah dan
memberlakukan undang-undang. Salamo inyo mamiliah dan
memberlakukan undang-undang salain undang-undang
Allah, dan salamonyo ridha dengan undang-undang salain
undang-undang Allah, salamo itulah inyo syirik. Jan
ditanyokan ka ambo baa Soekarno, baa Soeharto baa
Gusdur dst ka ambo. Beko kok ambo jawek, tuan-tuan
bisa berang. Mangarati se lah tuan-tuan. Pokoknyo nan
namonyo urang-urang nan barado pado level pemimpin,
yakni urang-urang nan bisa mautak-atik pemberlakuan
undang-undang, legislatif, eksekutif dan yudikatifnyo,
salamo mereka ridha dengan undang-undang yang bukan
undang-undang Allah, salamo itulah mereka syirik.
Awak rakyaik badarai ko baa ?. Dalam ayat tu
dikecekkan, "Wa-azwaajahum",...dan pengikut-pengikut
mereka. Aratinyo urang-urang nan maikuti, nan
mamiliah, nan maangkek nan mendukung pemimpin tadi.
Makonyo kito jan tamasuak urang-urang nan mendukung
pemimpin nan akan ridha jo undang-undang taghut ko.
Ooo... payah tu mak dalam situasi kini ko,... ee kecek
sia murah, memang payah, tapi itu nan kadiusao-an. Dan
itulah perjuangan, mudah-mudahan perjuangan tu dinilai
dek Allah samo jo fisabilillah. Kok abstein sajo kito
baa nyo mak ?.
... aaaii ndak buliah, sabab dalam Islam ndak ado
abstain do. Urang nan abstain samo jo urang nan
setuju. Kalau setuju jo undang-undang taghut aaa..,
syirik. Makonyo sebagai rakyaik badarai, untuak lapeh
dari syirik ko, ndak ado jalan lain harus ado usao
managakkan undang-undang Allah ko. (Bak kecek ambo
dulu, sa mati-mati angin tagak-kan di Minang, apokoh
dengan ABSBSK atau indak).
Kok ndak ado dayo, aaa... salamah-lamahnyo dalam hati
tatap menginginkan undang-undang Allah ko dijadikan
undang-undang negara. InsyaAllah lapeh dari syirik ko.
Baitu samantaro dulu bung Tasril.
Wassalam
St. Sinaro
____________________________________________________
Sell on Yahoo! Auctions no fees. Bid on great items.
http://auctions.yahoo.com/
_____________________________________________________
Berhenti/mengganti konfigurasi keanggotaan anda, silahkan ke:
http://rantaunet.org/palanta-setting
------------------------------------------------------------
Tata Tertib Palanta RantauNet:
http://rantaunet.org/palanta-tatatertib
____________________________________________________
