Assalamu'alaikum.w.w. Talabiah dulu minta maaf ambo ka sado dunsanak di balerong ko. Ambo memang cukuik terdiam babarapo ari ko dek karano ado diantaro dunsanak awak nan indak setuju pelajaran bahaso Arab nan utamo sabananyo indak buliah pulo di balerong ko. Lah samo pulo kutiko dulu di balerong ko indak buliah mangaji, kok nio mangaji aaa pai ka biliak, ka surau. Kan aneh, pengetahuan nan seharusnyo dimiliki dek tiok awak harus pai pulo ka dalam biliak. Aaaiii ... lah samo pulo jo panyakik anak mudo di kampuang ambo di piaman, "Ustadz kok ka katubah pai ka masajik jan di siko, disiko kami main"... aaa ... ancai nagari. Baitu juo lah jo bahaso Arab ko, padahal Rahima namuah mamulai dari tafsir nan baarati ibadah sabab nan dibaco Qur-an. Kok Qur-an ko jan ka mambaco, mandanga sajo lah dapek pahalo. Ndak bi nio awak sambia mambuka interenek ko dapek pahalo ?. Aneh bin ajaib. Samo jo pendidikan anak, kalau tiok ari dipadangakan ka inyo lagu jingle bell, tantu apa di nyo. Kiniko kito ka mandanga urang babahaso inggirih se di milist ko ?. Memang bi santiang-santiang, apo lai Mister Boes di Kanada jo mak Ngah di tapi ombak nan badabua, Ni Ben jan di tanyo. Dan heran kito mancaliak jadinyo kok Rahima mangecekkan kaifa haluka, aaa... protest kasadonyo dek karano ndak mangarati ?. Kan aneh, aneh bin ajaib sakali lai. Samo pulo jo keanehan nan taraso di ambo katiko basuo jo kawan dari nagari di lautan pasifik (kalau ndak salah Melanesia) di ateh kureta di Tokyo, nyo sapo awak jo Assalamu'alikum. Dijawek jo wa'alaikum salam, sudah tu nyo batanyo jo bahaso Arab, ambo tacingangak, menyadari hal itu kawan ko manuka jo bahaso inggirih, baru ambo bisa marespon baliau. Cukuik malu ambo dan bakato dalam hati, "two brothers in Islam using English", aaai duo urang saudara dalam Islam mamakai bahaso Inggirih, padahal kitab mereka adolah bahaso Arab. Dalam hal iko antah kanai kito di kewajiban baraja antah indak. Kok di Malaysia kito caliak, mulai dari urang gaek ambo dulu (beliau fasiah babahaso Arab jo tatabahasa nan batua, dek karano mengecap bangku SD di Malaysia) sampai kini, pelajaran bahaso Arab diagiahkan sajak SD. Makonyo indak heran awak kalau urang Malaysia banyak nan pandai babahaso Arab dan rato-rato familiar jo itu. Tibo di awak baa ?. Kok iyo ka managakkan Adaik basandi sarak, sarak basandi kitabullah, nan kitabullah ko babahaso Arab, ndak bi malu kito nantik ditanyo urang, lai pandai bahaso Arab ?. Kalau indak dari ma paham baa sabananyo sandi adaik Minang ko ?. Dari ma dapek kato adaik indak lakang dek paneh indak lapuak dek hujan kalau indak paham sandi nan sabananyo ?. ..aaai... kama ka disuruakkan muko ?. Oooi ... sutan,... pitih kami ndak ado, banyak bana tabaia dek urang babahaso Arab harus di load juo dek mambukak palanta ko... Ndeeeh..., kok di inok ranuangi bana, samo antaro pambali kaset lagu jo pambali kaset ceramah agamo. Samo kalua pitih. Mambali kaset lagu walau diniaik karena Allah ta'ala bana indak ka dapek "reward" (pahalo) doh, tapi mambali kaset ceramah ugamo, walau indak tasabuik niek tu dalam hati, tapi mambali sajo alah di cap taniek karano Allah ta'ala, kalau indak tantu indak tabali... aaa... dapek pahalo. Mako handaknyo baretong lah kito jo apo nan kito buek. Ridha Allah tu iyo maha. Baretong-retong lah kito, nan sabananyo bana sarugo tu iyo maha, dan awak tanpa disadari sabananyo alah bajua bali jo Allah ta'ala, alah ba transaksi jo Allah ta'ala tantang sarugo ko. Ndak picayo ?, cubo bukak Qur-an 9:111. "Sesungguhnya Allah telah membeli dari orang-orang mukmin itu, diri dan harta mereka dengan memberikan surga untuk mereka..... ...... Maka bergembiralah dengan jual beli yang kamu lakukan itu, dan itulah kemenangan yang besar". ... aaa.... aa juo lai ?.... Kalau ndak ingin ?, aaa.. batal transaksi tu. Kalau iyo, dan indak ingin mambatalkan transaksi tu, sabananyo bana awak lah tagadai. Diri awak... harato awak...anak-anak awak... apo sajo nan awak punyo, alah tagadai untuak pambali sarugo tu. ... Kini ?.... malabiahan kocek agak sangenek... supayo familiar jo bahaso nan Allah ta'ala bakato-kato jo Nabi-Nyo, sahinggo awak mangarati pulo, ditambah pulo jo pahalo.... awak ndak namuah ?.... ... aai... antahlah.... apo lah guno harato dunia ko ?..
Banyak maaf Billahil hidayah wat taufiq Wassalam St. Sinaro --- darul <[EMAIL PROTECTED]> wrote: > Assalamualaikum WW > > Ni Ben, Mak Sati dan sanak sapalanta Yth. > > Ambo iyo kasato, malah dulu alah dimuloi tapi indak > jalan. Kalau dapek > sarancakno iyo dibilak khusus lah. Ambo bisa mambuek > di yahoo dan jadi > moderatorno. Kini sia nan kasato manunjuaklah. Kalau > paralu dimuloi duo tigo > urang sajo indak baa doh. > > Wassalam WW > St.P __________________________________________________ Do You Yahoo!? Tired of spam? Yahoo! Mail has the best spam protection around http://mail.yahoo.com _____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ------------------------------------------------------------ Tata Tertib Palanta RantauNet: http://rantaunet.org/palanta-tatatertib ____________________________________________________
