Ma Nyiak Sunguik jo sagalo adidunsanak jo anak kamanakan di salapan pinjuru angin,
Pakaro salam manyalami ko, mungkin tiok awak di palanta ko dipangaruahi dek kakobeh awak dalam kahidupan nyato tiok hari. Kok di ambo, kalau ambo sadang mambaco jo mambaleh posting di palanta ko, ambo maraso co ambo lah barado di dalam sebuah ruangan dima kito lah sadang maota. Kutiko ambo ka maidangkan satu pokok pikiran nan pertamo, jadi indak di tangah ota, co urang tagak ka bapidato go ai, biasono ambo mulai jo "Assalamu'alaikum wr. wb.". Tapi kalau ambo mangomentari atau mambaleh posting, ambo lansuang se. Kan indak tiok manjawek kecek urang awak mangucapkan salam ko doh. Ado ciek lai bahan perbandingan. Mungkin Inyiak acok mandanga urang manyambah dalam suatu upacara adaik di kampuang awak. Cubo inyiak kana-kana, lai urang nan tagak manyambah tu mangucapkan "Assalamu'alaikum wr. wb." kutiko tagak ka manyambah, walaupun nan pertamo nan mamulai pasambahan? Mereka lansuang sen jo manyapo nan patuik diingo. Baa mantun? Dek inyo lah ado dalam ruangan acara, dan inyo (mungkin sabagian atau sadonyo) lah mangucapkan "Assalamu'alaikum" kutiko baru masuak ruangan alek. Terakhir, manuruik ambo ko ha, tapulang ka awak surang-surang sasudah kito mandanga jo manyimak pandapek nan cadiak pandai dalam pakaro iko. Adaik iduik basamo, mungkin toleransi untuak perbedaan kakobeh, indak musti manjadi batu panaruang. Kok ado nan balain pado awak, masuakan sajo ka dalam paruik. Indak paralu, bahkan indak etis, diburansangi urang tu di lapau ko. Co kutiko awak di Makah, lah. Sambuah urang sumbayang nan balain pado nan biaso awak karajoan. Kok iyo laluan, kok ukan tukai. mak Sati (68->69) Tabiang, Padang ----- Original Message ----- From: "Sjamsir Sjarif" <[EMAIL PROTECTED]> To: "Lapau" <[email protected]> Sent: Saturday, July 16, 2005 1:08 AM Subject: Re: [EMAIL PROTECTED] penyingkatan dan pemilihan kata > Nan kaduo, nan tampaknyo manjadi pasoalan pulo pakaro salam di Lapau kini. > Kalau di Lapau, lapau di Kampuang nan sungguah-sungguah, dahulu, wakatu > ambo acok di Lapau dalam budaya kahidupan Minang nan sabananyo, pangalaman > praktis, indak ado doh urang mambaco assalamualaikum manyapo urang di > Lapau. Antahlah, kalau sajak sapaningga ambo 1966 salamo satu duo generasi > maninggakan Kampuang, karano kabanyo banyak PKI tobat nan diindoktrinasi > dipaso mamakai assalamualaikum. > Website http://www.rantaunet.org _____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ------------------------------------------------------------ Tata Tertib Palanta RantauNet: http://rantaunet.org/palanta-tatatertib ____________________________________________________
