Pak Darul, Su'ai 100%. Mungkin kecenderungan sabagian gadang guru maadoki kelasnyo manyiapkan muriknyo untuak jadi pekerja. Barangkali, disadarinyo atau indak, alasannyo keyakinan bahwa murik2nyo indak punyo potensi modal finansial untuak bausao tagak surang. Nan nampak di ambo go eh, banyak graduates mancari karajo, dek memang mereka indak punyo modal atau kabaranian, dan caro nan paliang gampang untuak dapek income capek iyo jadi pagawai urang. Nama nan memang babakaik enterprenir, capek atau lambek mereka baranti jadi pagawai sasudah lanteh angannyo mamuloi usao surang. Tantu sajo banyak juo nan talamak jadi buruh ko dek dapek tampek "basah", bisa dapek kasampatan korupsi, atau dapek income sampingan nan halal dari jabatan nan dipaciknyo, misanyo uang jalan, honor proyek, honor rapek, tunjangan iko itu, dsb, dsb, sahinggo inyo bisa mapan, dan indak paralu bapikia ka baranti dan mambuka usao surang.
Sabaliaknyo, banyak alumni ko tapaso mancari usao surang dek lah marasai ilia mudiak mancari karajo ditulak urang taruih. Memang ciek duo ado nan dari awal batekad satamaik sikola, malah banyak juo nan masih dalam basikola, nyo muloi bausao. Adiak ipa ambo ado nan saroman ko, cewek pulo lai, walaupun ijazahnyo akutansi Unand jo IP hampia 3,5. Kini inyo punyo toko, agen dari banyak pabrik, dan bisa manggaji sakian urang pagawai. Tapi bara banyak nan saroman ko? mak Sati (68->69) Tabiang, Padang ----- Original Message ----- From: "darul" <[EMAIL PROTECTED]> To: <[email protected]> Cc: <[EMAIL PROTECTED]>; "Muchti A. Dani" <[EMAIL PROTECTED]> Sent: Wednesday, August 03, 2005 1:39 PM Subject: [EMAIL PROTECTED] Pengangguran di Sumbar Capai 19,47 Persen > Mak Sati dan sanak salingkuangan > > Manuruik pandapek mbo, dan nan ambo dapekkan didalam kelas, baiak itu sikola > umum ataupun sikola bisnis sekalipun, anak didik iyo diarahkan jadi pekerja Website http://www.rantaunet.org _____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ------------------------------------------------------------ Tata Tertib Palanta RantauNet: http://rantaunet.org/palanta-tatatertib ____________________________________________________
