Assalaamu'alaikum wa rahmatullaahi wa barakaatuhu, Pakaro carito nan alun panah tabik tu. Latar balakangno saketek, katiko sakitar taun 2002, acok bana nampak di ambo sinetron pakaro guru-guru di tv-tv, nan sarupo kabanyak-an sinetron malayu, sangaik bana bapasoan caritonotu. Antah dek baa tagalitiak ambo nak manulih carito, sarupo novel pulolah kecek-an, tantangan guruko. Ambo ansualah saketek-saketek. Salasailah bab demi bab, dalam wakatu nan agak lumayan lamo, sampai 24 bab, rato-rato 20 halaman A4 tiok bab, sainggo sampai 480-an halaman. Baitu sudah ambo cubo mancari 'penerbit' nan islami, sabab settingno tatap jo nilai dakwah mukasuik ambo. Mulo-mulo dapek ambo kontak ciek di Jogya, ambo kirinlah tulisan tu kian. Sasudah tigo bulan evaluasi, rupono baitu pulo aturan mainno, tanyato indak tambuih do, tanpa kritik, kacuali 'kurang sesuai dengan permintaan pasar'. Sudahtu ambo kiriman pulo ka panerbit lain di Banduang. Di evaluasino sampai 4 bulan dari samulo kecekno 3 bulan, bakasudahan tatap indak 'laku'. Sudahtu ambo mintak tolongan ka babarapo urang volunteer di Palanta untuak manyigi jo mangomentari. Lai manunjuak katiko itu 6 urang, ambo kiriman ka baliau nan baranam ko. Antah dek talampau sibuak, sampai kini kacuali dari surang urang, nan lain lai alun ado respon apo-apo lai doh. Nan surangko mangomentari indak jo kritik sastra doh, tapi mangecek-an baa go bahasono sin bahaso anak-anak Betawi pakai 'Lo-lo gue-gue' bagai di dalam.
Ado pulo nan mamintak supayo ambo kiriman baseri ka palanta katiko itu. Cuma, ado kawan mangecek-an kaambo, bahaso kok basuo juo biko panerbit nan amuah malaluan, biasono pasti ditanyoanno apokoh caritoko alah panah di publikasian. Aa itulah sababno indak amuah ambo malapeh utuah untuak urang rami bana ka palanta ko. Pakaro bahaso anak Betawi tu iyo ado di dalam. Sabab satiok karakter ka daerahan masiang-masiang tokoh ambo cubo mangaluakanno. Mako ado dialek ka-batak-batak-an atau ka medan-medan-an, dialek ka padang-padangan, ka sunda-sundaan, ka jawa-jawaan, palamak-lamakan carito jano ambo gomah. Nan kalua kapatangtu, dek kabatulan ado basingguangan pulo saketek jo topik awak. Tapi iyo itusin pulo nan ambo lapehno. Tapi kadipangaan, iyo baitu pulolah. Sampai kini alun pulo ambo jojo-jojokan baliak lai doh. Wassalaamu'alaikum, Lembang Alam ----- Original Message ----- From: "Romi Isjal" <[EMAIL PROTECTED]> To: "'Muhammad Dafiq Saib'" <[EMAIL PROTECTED]> Cc: <palanta@minang.rantaunet.org> Sent: Friday, August 05, 2005 2:00 AM Subject: RE: Read: Dari Tulisan nan alun panah tabik tu (5). Re: [EMAIL PROTECTED] kawin campue > salanjuiknyo da............ > Website http://www.rantaunet.org _____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ------------------------------------------------------------ Tata Tertib Palanta RantauNet: http://rantaunet.org/palanta-tatatertib ____________________________________________________
