Assalamu'alaikum.w.w. Tarimo kasih mak Lembang, ambo iyo sadang sibuk pulo. Batua apo nan disabuik mak Lembang bahaso urang Arab alah kenal kato-kato Allah tu sajak zaman Nabi Ibrahim lai. Kecek guru ambo di ITB dulu, kato Allah ko satu-satunyo katu nan indak ado pluralnyo atau indak bisa dipluralkan (wallahu'alam tanyo jo rahima urusan ko). Mereka lah manyabuik Ka'bah tu sebagai Baitullah (Rumah Allah). Sambungan carito mak Lembang, bahaso dulu kutiko Abrahah mancubo maruntuahkan ka'bah tentaranyo sempat maambiak kambiang Abdul Muthallib. Dek Abdul Muthallib, urang Qurasy disuruah kalua sadonyo dari kota makkah, tapi nan kambiang-kambiangnyo nyo mintak baliak. Aa kecek nyo ka Abrahah. Rumah nan ka angkau runtuahkan tu adolah rumah Allah (baitullah), ado panjagonyo. (Mukasuiknyo tantu Allah sendiri nan ka manjago), Tapi nan kambiang-kambiang tu ambo nan punyo, mako kamabalikan ka ambo, ambo nan ka manjagonyo. Rumah tu ado pulo panjagonyo, bialah, suko ati angkaulah. Dek Abrahah dipulangkan baliak kambiang-kambiang tu. Jadi, kasimpulannyo kato-kato tu lah ado sabalun Islam datang. Sajak zaman nabi Ibrahim, dek karano manusia lah bakambang taruih sudah tu pai jauah-jauah, lamo-lamo batuka kato-kato bisa sajo, dari Allah manjadi Ayyah manjadi Yahwe dalam bahaso urang Israel. Bisa sajo, sarupo kato-kato hidung dalam bahaso melayu, tibo di awak hiduang, tibo di sunda hirung, tibo di dayak hilung. Memang dalam sejarah bahaso Indonesia ado perubahan RDL, jo RGL ko (rancak tanyo ka guru bahaso Indonesia). Baitu sajo dulu da Boes, mudah-mudahan memuaskan, dan sakali lai Tarimo kasih mak Lembang Alam. Wassalam St. Sinaro
Muhammad Dafiq Saib <[EMAIL PROTECTED]> wrote: Assalaamu'alaikum wa rahmatullaahi wa barakaatuhu, Walaupun ka Sutan Sinaro tanyo angku Boes di adok-an, nak sato pulolah ambo saketek sajo. Urang-urang Arab sabalun agamo Islam diajakan dek nabi Muhammad Shallallaahu 'alaihi wasallam, masih ado juo mamaliaro siso-siso agamo nabi Ibrahim nan alah ribuan tahun pulo umuano sabalun itu. Mareka mangenal Allah, ado namo-namo mareka, bahkan ayahanda Rasulullah sandiri banamo Abdullah (hamba Allah). Tuhan-tuhan tambahan mareka sarupo Latta, Uzza, Mannat, mareka sifaikkan sabagai anak-anak padusi Tuhan Allah. Mareka mangarajoan haji, thawaf sarato sa'i, bahkan wukuf, tapi jo caro-caro jahiliyah. Ado riwayaik manyabuik-an thawafno mareka dalam kaadaan batalanjang bulek. Wakatu diadokan pajanjian antaro nabi SAW basarato kaum Quraisy, katiko nabi jo rombongan kaum Muslimin ka pai umrah ka Baitullah, dihadang di lua kota dek kaum Quraisy, dibuek pajanjian katiko itu bahaso taun itu nabi SAW sarato rombongan indak buliah masuak ka Makkah, tapi baru taun nan katibo ka mareka izinkan. Katiko ka manyurek-an pajanjiantu, Nabi SAW manyuruah awali surektu jo Bismillaahirrahmanirrahiim, urang Quraisy indak satuju, sabab mareka indak mangakui kalimat tu. Mareka mintak supayo surektu di awali jo Bismika Allaahumma. Parmintaan marekako katiko itu di tarimo Rasulullah. Kalau urang-urang Kristen di nagari awak tamasuak nan di Malaysia iyo manulihan namo Allah pulo (jo prononsiasi balain jo awak). Bahkan di tulisan Arab Malayu, mareka tulih sarupo awak manulih Allah dalam tulisan Arab bana. Tapi iko tampakno hanyo mareka nan disiko sajo. Di kalangan Kristen di Timur Tengah, tamasuak urang Kristen Kopti indak tau ambo doh. Cuma di Bible nan babahaso Inggirih, atau di urang Parancih indak kenal mareka jo kato-kato Allah ko doh. Wassalaamu'alaikum, Lembang Alam ----- Original Message ----- From: "boes" To: Sent: Saturday, August 06, 2005 9:02 AM Subject: [EMAIL PROTECTED] namo ALLAH > Sutan Sinaro, > > katiko Islam alun diajakan Muhammad di jazirah arab, > urang arab kan masih paganisme. > tapikie di ambo, ba apo nyo maimbau tuhannyo? > ba namo kah ciek² atau ado namo tertentu? Website http://www.rantaunet.org _____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ------------------------------------------------------------ Tata Tertib Palanta RantauNet: http://rantaunet.org/palanta-tatatertib ____________________________________________________ __________________________________________________ Do You Yahoo!? Tired of spam? Yahoo! Mail has the best spam protection around http://mail.yahoo.com Website http://www.rantaunet.org _____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ------------------------------------------------------------ Tata Tertib Palanta RantauNet: http://rantaunet.org/palanta-tatatertib ____________________________________________________
