Wa'alaikumsalam wa rahmatullaahi wa barakatuhu,
Pak St Lembang Alam, Syukur Alhamdulillah jo ciek ginjal nan tingga lai
masih sehat sehat sajo, uni baru mandanga caritonyo, mohon maaflah yo.
Manganai carito kesembuhan bang Imad ko iyo mukjizat nampak di uni,
sabab uni mancaliak bana babarapo kali kondisi baliau katiko sakik tu.
Wakatu baliau sakiktu, kecek dotor fungsi jantuang baliau dibawah 50% ,
mato baliau kurang tarang pulo sasudah dioperasi, jadi baliau indak bisa
mambaco lai, tapi indak bisa diulang baliak operasi sabab kondisi
jantuangtu. Baliau makan lah jo porrige sajo, bajalan alah genggang
sambia musti bapacik, barek badan mungkin tingga sapaduo. Tiok kami
mancaliak baliau, kecek baliau ka awak iyo alah lamo bana indak datang,
padohal baru limo baleh hari. Terakhir kami mancaliak, baru 5 meter
dari hadokan baliau, batanyoan baliak ka padusi liau sia nan datang
cakotu, padohal baru sajo pamit. Katiko kami dibaritahu baliau alah
cegak, iyo tacangang gadang awak dibueknyo.Baliu lah bisa olah raga jo
balari lari tiok pagi, mandi indak paralu aia angek lai dsb nyo. Katiko
batamu jo baliau baliak , lai lo liau caritoan nan dikecekan angku Boes
tu, bahaso suatu malam baliau dalam manginap di Bekasi baliau iyo
maluluang gadang dek karano sadang sumbayang tahajut tu indak ciek tio
ayat nan apa tamasuak surek Al Ichlas. Pangobatan disitu kan saroman nan
pak Dafiq caritoantu, sakali bara minik makan ubek. Kecek baliau untuak
itu baliau selingi jo sumbayang tahajut.
Baitulah carito lamo nan uni tahu, hanya Allah SWT lah nan labiah tahu
apo nan tajadi. Kok kiniko baliau masih dapek beraktifitas, terakhir
batamu muko babarapo bulan nan lalu, mandanga suaro lai babarapo hari
nan lalu, dan kecek baliau masih maaja di Universitas Al Azhar.
Sakian sajo manganai carito nan tacicia ko.
Wassalaamu'alaikum
uni Isna
Muhammad Dafiq Saib wrote:
Assalaamu'alaikum wa rahmatullaahi wa barakaatuhu
Ado tambahno di ambo saketek Boes.
Website http://www.rantaunet.org
_____________________________________________________
Berhenti/mengganti konfigurasi keanggotaan anda, silahkan ke:
http://rantaunet.org/palanta-setting
------------------------------------------------------------
Tata Tertib Palanta RantauNet:
http://rantaunet.org/palanta-tatatertib
____________________________________________________
