Assalamu'alaikum wr wb.
Ambo kiro kiro tantu alah banyak kamajuan Ben jo bahaso Arab ko yo,
mudah mudah an. Nan di ambo ko bukan indah namuah ikuik, tapi sajak
tahun 90 alah 3 kali ambo masuak kursus bahaso Arabko, tapi mungkin
dasar indak babakaiak bahaso barangkali, iyo saangin bana kamajuan no
kalau indak buliah dikatoaan indak ado. Apolai kalau kadisuruah mambaco
jo manulihan bacoaan Arab tu jo tulisan Latin, iyo sabana kalangkabuik
dibueknyo. Ambo iyo indak pandai mambaco Qur'an nan batulisan Latintu
do, sabana indak tantu diambo ujuang pangkanyo. Kalau ditampek pangajian
sambia manunggu guru datang, ado nan basadio maisinyo jo mambaco Qur'an,
iyo lanca bacoanno, indak tasandek saketek tio tadanga, tapi iramanyo
tadanga ditalingo kadang kadang lain. Guess what, katiko ambo bukak
Qur'an , wai wai tanyato bacilapuik, indak tantu, panjang pendek,
danguang, ehh samo sajo, sabab iyo indak ado tando tu di tulisan
Latintu, kan iyo tu dunsanak Ambo sampaian ka guru Qur'an apak paja nan
lulusan PTIQ, inyo iyo sabana pusiang maaja urang nan baraja mangaji jo
bahaso Latintu. Untuang dinagari awak kalau indak salah indak ado nan
baraja mangaji jo bahaso Latinko..
Ben, kalau awak mambaco lisan Assalamu'alaikum misano, iyo babeda bana
jo urang Arabtu, kalau diawak panjang nyo antah dima, di urang Arabtu
lain pulo, tantu Rahima nanjaleh bana dek nyo tu. Ambo pikia laikolah
mangaratinyo urang Arabtu kalau awak ngecek Arab, kalau mareka mangecek
lamak bana tadanga di ambo, cik inan bana nak pandai.
Jadi baliak carito ka nan ambo baraja bahaso Arabko, iyo cuma ambo
paratian paratian se bahaso Qur'an, ambo caliak tarjemahannyo jo
tafsirnyo, beko ambo liek pulo buku pegangan nan ado. Bitu sajo, santai
sasuai jo umua. Guess what ( ha ha ha katularan ), anak padusi ambo
disampiang maambiak Science, inyo ambiak bahaso Arab di Uni, tantu sajo
disokong 200 % dek kami, sabab alah awak sabuik sabuik juo manganaiko.
Kecek awak kainyo kalau dinagari urangtu kauu ditanyo apo nan dibaco,
indak dapek manarangkan baa jadinyo, tantu kecek urangtu kauu
dikecekannyo pandia mampicayoi nan indak mangarati, dan urang non Muslim
banyak nan pandai bahaso Arab tu, maso inyo nan kamanarangkan? ( iko
cuma taktik supayo inyo labiah tamotivasi ).Andaikan saya muda lagi.....
Ruponyo lai taraso raso deknyo, tambah pulo inyo panasaran katiko di
muko Rhauda kami antri kamasuak,diagiah katarangan dek lasykar nan
bacadartu, indak mangarati sakenektio, takana kana deknyo.
Lah panjang pulo carito awak komah ditutuik selah disiko.
Semoga salallu basumangaiak baraja bahaso Arabko.
Wassalam
Ery
[EMAIL PROTECTED] wrote:
Alaikum salam wr.wb.,
Eri,
kamasuek mangaji, ndak?
Kok lai ado wakatu mandaftarlah tu kabiliek
[EMAIL PROTECTED]
Salam,
Ben
Website http://www.rantaunet.org
_____________________________________________________
Berhenti/mengganti konfigurasi keanggotaan anda, silahkan ke:
http://rantaunet.org/palanta-setting
------------------------------------------------------------
Tata Tertib Palanta RantauNet:
http://rantaunet.org/palanta-tatatertib
____________________________________________________
