sanak palanta yang ambo hormati ;
Satahu ambo lah talalu banyak biliak biliak dimilist awakko ,
Sabuik sajo biliak rang mudo , biliak ekonomi , biliak potensi minang , sudah
tu lah kadiadokan pulo biliak pendidikan , biliak mangaji . Namun sayang
kegiatan dalam biliak tu satahu ambo sunyi senyap , apokoh biliak nan ambo
sabuik diatehtu masih exist , karano babarapo anggota yang mangurus ( moderator
) biliak lah cigin . Dari pado biliak langang indak bapanghuni dan indak pulo
taimbehkan , rancak lah awak manggalesoh dipalanta nan gadang ko . Kok lai
tamakan apo nan dikecekkan urang indak baa doh sakali kali awak manyolang .
kalau indak tantu iyo manyimak sajo awak dulu apo nan dikecekkan urang , mudah
mudahan lai kabatambah juo ilemu awak ciek ciek .
Wassalam : zul amry piliang .
darul <[EMAIL PROTECTED]> wrote:
Assalaamu'alaikum W W.
Mak Ngah dan sanak di sabundaran palanta.
Kalau diambo iyo rancak babilaik-biliak kaji, sahinggo tiok ruangan effektif
panggunoanno. Tapi dek awak basamo, lain tompak pijak, jadi lain lo suduik
pandang. Jadino iyo bacampua sajo kaji jo kajo, nan kadang jo alasan ABSSBK,
urang Minang indak buliah lapeh dek syara'. Dek itu ota jo kaji harus
sajalan. Itu iyo sarancakno. Tapi namun baitu, rancak juo dionggokan
ciek-ciek. Misano kecek laki bini, indak buliah disorakan ditangah rumah
gadang makono, paralu biliak amai bapak. Kecek keluarga indak buliah didanga
dek urang sakaum makono paralu rumah batih. Kecek urang sakaum indak bebas
didanga dek urang sakampuang, mako paralu rumah gadang. Kecek urang
sakampuang indak kasadoaanno buliah didanga urang sanagari, dek itu paralu
nagara bakorong jo bakampuang. Kecek urang sanagai .........................
dst.
Kalau saran ambo tatap, juo mangecektu sasuai jo biliak dima awak barado.
Kecek pincuran dibiliak pincuran. Kecek kakuih dibiliak ketek. Kecek galeh
dibiliak ekonomiRN. Kecek kaji mangaji dibiliak Surau. Kecek baraja caro
mangecek urang Timteng dibiliak mangajiRN ................... dst.
Kalau dapek nan namono lapau iyo kecek rang dilapau, kamangaji baganjua ka
Surau, ka manggalas baganjua ka ekonomiRN, dst.
Baa mak Ngah?
Wassalaamu'alaikum W W.
Darul Makmur
---------------------------------
Start your day with Yahoo! - make it your home page
Website http://www.rantaunet.org
_____________________________________________________
Berhenti/mengganti konfigurasi keanggotaan anda, silahkan ke:
http://rantaunet.org/palanta-setting
------------------------------------------------------------
Tata Tertib Palanta RantauNet:
http://rantaunet.org/palanta-tatatertib
____________________________________________________
