Assalamu'alaikum WW
Mungkin agak teknis saketek.... ado nan salah kaprah di awak saketek...
yaitu pupuak buatan itu dianggap labiah rancak pado pupuak organik....
mindset sarupo itu nan walau ketek-ketek agak payah ntuak maubah...
Jadi ado pangalaman snek wakatu ipa ambo mananam buncih kapatang..... ambo
iseng mambali bibit 'unggul' di toko trubus...mekarsari...di dakek rumah Mak
Darul... dapeklah jenis Gypsi.... nan babatang randah dan dari spek memang
butuh pupuak buatan....sarupo urea dan malah pupuak buatan
campuran.......... tetapi dek dalam rangko percobaan... dipakailah pupuak
kandang nan di'busuakkan' jo efektif mikroorganisme alami dari jeroan
ayam.....
Di kampuang pas ditanam... yooo selalu di komentari...baa kok ndak bapupuak
buncih tu....
dan alhamdulillah di saat panen lai lah .......maso panen labiah capek dari
buncih nan standar...ukuran rato panjang 20 cm dan diameter sekitar 0.6 mm,
hasia lumayan ... walau ndak sampai sarupo spek pakai pupuak buatan (30
ton/ha) tetapi dengan mamakai pupuak kandang+efektif mikroorganisme dapek
20-an ton/ha...... tetap labiah tinggi dari bibit konvensional nan hanyo
dapek sekitar 15 ton/ha.....dan ukuran nan ndak rato
Dari pengalaman diateh... kesimpulan samantaro ambo......suatu tanaman kok
nutrisi-nyo lai dipanuahi..... bisa tumbuah dengan samparono....indak jadi
masalah nutrisi tsb dari pupuak buatan atau pupuak alami...... kesimpulan
kaduo....bibit unggul ndak itu 'masih' paralu untuak maminimalkan gagal
panen dek karano panyakik dan masalah alam lain........karano ado bibit nan
di disain nan tahan jamur, tahan bakteri...dll.......
nah.....mindset pupuak buatan labiah rancak daripado pupuak alami itu lah
nan maambek urang untuak bacocok tanam sacaro organik....... padahal kalau
di 'iyo banakan ' banyak potensi pupuak alami nan bisa dimaksimalkan.....
baitu pulo soal pestisida.....
Bunda Eri...., kalau pakai bibit unggul masih masuak dalam katagori
pertanian organik ndak yooo ?
Wassalam
Z Chaniago - Palai Rinuak - http://www.maninjau.com
======================================================================
Alam Takambang Jadi Guru
======================================================================
From: Isna Huriati <[EMAIL PROTECTED]>
Wassalamu'alaikum wr wb,
Kalau mancari salah makonyo nan salah "Suharto"jo saluruih panjileknyo.
Tamasuak ambo ! katiko masih diparentahi urang, muskipun andil ambo ketek.
Baa kok baitu. Dangakan caritonyo. Katikotu Darul masih di SD, iyo apo
indak tu, tahun 1965, sasudah peristiwa nan dipopulerkan Suharto jo Gestapu
( kalau ambo pikia pikia, modus operandinyo samo jo 9/11 dan 7/7 kini,
sabab bukankah nan mambuek sekenario samo!). Kami mahasiswa Fakultas
Pertanian, Fakultas Peternakan, Fakultas Ekonomi kalau ndak salah sato
pulo, pai turun ka desa namonyo Bimas. Disikolah mulai balatu tibo, kami (
ambo baru naiak tingkek duo, tabayang kini bara anyianyo awak katikotu )
batugeh mamperkenalkan jenis padi baru nan diagiah namo bibit unggul nan
hasianyo balipek lipek , pupuak, pestisida. Suharto katikotu kan samo jo
Musyaraf di Pakistan kini, musti manuruikan parintah Masternyo, sabab
inyolah nan manaiaak kakurisi empuktu. Jadi terjadi import pupuak, pestida
besar besar an. Nah kiniko, urang awak tu alah taraja manjo, manikmati
hasia padi tinggi, kasawah tigo kali satahun , tapi sampai bilo , alun dari
segi kwalitet lai ditinjau dari segi kesehatan bak kecek Darul. Ambiak
conto di kampuang ambo, dek kamajuan teknologi kecek urang kampuang,
paditu sasudah "di iriak" ( lai tau urang palanta aratinyo kolah ),
lansuang dibao pulang, dipisahkan jo masin nan amponyo, dijua labiahnyo
lansuang disawah ( dibao sacukuiknyo untuak makan sampai musim panen ciek
lai datang, apo pasal, dek karano padiko indak dikariangkan dulu di sawah
saroman zaman dulu, tasambia jo "ma angin " yaitu mamisahkan nan boneh jo
nan ampo. Padiko kalau disimpan 4 hari sajo inyo tumbuah, dek karano
lambok, ditambah jo jenis padinyo ). . Akibaiaknyo kalau musim kasawah
indak sasuai jo parkiraan, mako urang muloi mambali bareh, nan bapitih
indak baa, nan indakbapitih tantu kalaparan. Sadangkan kalau daulu, padiko
lansuang disimpan di "kapuak", dijua kalau lah panen sakali lai. Kalau
musim kasawah talambek, indak baa baa, nan padinyo saketek bisa "manyalang"
padi dulu sampai manyabik barikuiknyo. Kini dikampuang urang makan bareh
putiah sadonyo, iyo sabana indak ado gizinyo lai, kalau dulu ambo ketek
ketek diagiah aia nasi, sabab barehnyo bareh tumbuak., makonyo lai agak
gadang badan saketek, indak kenal jo susu bagai, indak ado manceret, sabab
aia nasi dari bareh nan masih ado kulik arinyo, manganduang banyak zat
baguno, tamasuak anti kanker ( batua ndak Ben ). Lai ambo cubo cubo maajak
urangtu mamakan bareh tumbuak baliak, dan lah ado minat, tapi kendalanyo
adolah, jenis padi kinitu barehnyo rapuah, jadi kalau ditumbuak inyo bisa
hancua. Lah bak talua jo ayam , nan ma kadaulu, diganti varitas paditu
baliak, kama ka dicari, dimuloi mamproduksi bareh pacah kulik, masinnyo,
musti dibao dari siko., tantu kapasitas kaciak. Alun tau ambo lai apokah
ado masin tu diproduksi urang dinagari awak.
Manganai sayua organik untua dijua dulu ambo lah pernah mampostingkan
disiko.
Ado cieklai nan ambo rusuah pulo, dek bagi awak urang Minang ladoko
sangaiak paralu. Kiniko indak ado urang nan mananam lado nan indak pakai
semprot pestisida, ngari ambo, lado lado awak lado karitiang, aia baa
residunyo nan tingga di lado tu, waia sansai mamikia kannyo, barantiselah
siko dulu.
Kampanye organikko iyo alun malebalai ditampek awak, kalah dek kampanye
pupuak buatan.
wassalam
Isna
Website http://www.rantaunet.org
_____________________________________________________
Berhenti/mengganti konfigurasi keanggotaan anda, silahkan ke:
http://rantaunet.org/palanta-setting
____________________________________________________
