Assalamu'alaikum wa rahmatullaahi wa barakaatuhu,
Takana di ambo, dulu Malaysia (mungkin sampai sakitar taun
80an) punyo duo daerah wakatu. Wakatu Tanah Semenanjung
(atau Malaysia Barat kini) nan wakatuno sajam labiah capek
pado wakatu Malaysia nan kini. Disampiang itu ado wakatu
Sabah dan Sarawak (pakai 'k' kecek angku Boes) nan adolah
samo jo wakatu Malaysia kini.
Baa mangko dijadian ciek dek angku Mahathir iyo kurang
jaleh lo di awak. Atau mungkin sarupo analisa angku
Junaidi nan di Kandang Singo tu, ado sangkuik pauikno jo
bisnis di Hongkong. Sadangkan Singapura pulo rasono labiah
daulu marubah wakatu Singapura (mangurangi sajam tu).
Mungkin pulo dek karano tapangaruah dek Singapura kolah
wakatu Tanah Semenanjung diilangkan sajo.
Wassalaamu'alaikum,
Lembang Alam
(Ari ka 3 di tahun ka 55)
On Mon, 22 Aug 2005 08:10:04 -0700
Sjamasir Sjarif <[EMAIL PROTECTED]> wrote:
Kalau dicaliak dari Barat ke Timur, kan Indonesia tu
taantang dari Sabang ka Merauke, punyo daerah wakatu 3
zona, WIB, WTg, WTI.
Sadangkan Malaysia tamasuak Singapura tu panjang pulo,
tabantang dari Langkawi di Selat Malaka sampai ka Kapalo
Buruang Borneo, sampai-sampai ka Pulau Sipadan nan lah
jaleh Batu Sipadannyo ka Malaysia.
Kito Kaliru karano nan dianggap sapinteh lalu Malaysia
tu tampaknyo nan di Simananjuang sajo, pado hal daerahnyo
panjang malintang dari Selat Malaka paliang ateh sampai
ka dakek-dakek Lauik Sulawesi tamasuak pulo ribuan
pulau-pulau di antaronyo. Bahkan daerah Malaysia di lua
Simananjuang sangat diperhatikan bana perkembangannyo dek
Malaysia, bukan saroman awak nan manganggap daerah
Kalimantan tu daerah udik sajo.
========================================================================================
Semarakkan Ulang Tahun Kemerdekaan RI dengan mengikuti TelkomNet Netkuis 17-an
Dari 17-08-2005 s.d 17-09-2005. Dan dapatkan hadiahnya..!! hanya di
http://netkuis.telkom.net
========================================================================================
Website http://www.rantaunet.org
_____________________________________________________
Berhenti/mengganti konfigurasi keanggotaan anda, silahkan ke:
http://rantaunet.org/palanta-setting
____________________________________________________
