Tarimo kasih Angku Eri mandokan kami sehat wal'afiat. InsyaAllah nan
MakNgah lai baitu. Lai maleleh-leleh juo paluah malonjak-lonjak jo nan
mudo-mudo di Gym. Baranang lai indak lupo doh,sabanta lai sasudah subuahj
kapai baranang lo stek. Mudah-mudahan iyo baitulah sehat segar juolah
andaknyo.
Cuma MakNgah iyo laruik paratian mandanga barito-barito kawan-kawan
sapangkek nan lah mandahui kami, saroman nan diambaukan dek Bundo Nismah.
Baliau ka maambaukan kawan kami nan baru maningga ka kawan lamo nan jauah
di mato. Tapi baa? Anak kawan lamo tu manjawab di talipon mambaritokan nan
bahaso amaknyu (Kawan lamo kami tu) lah maningga tahun nan lalu. MakNgah
etong-etong kawan-kawan kami di SGA Payokumbuah 1952-55, nan 2 klas
saangkatan, 70 urang (jo Bundo Nismah), lah 14% nan mandahului kami...
Barito Bundo ko mangingekkan Makngah pulo wakatu pulang tahun nan lalu.
Kapai manyilau kawan lamo ka maota-ota maso saisuak di Jirek (Bukittinggi).
Wakatu ambo tokok pintunyo, anaknyo nan indak tahu jo ambo takajuik,
mangecekkanjo ibo hati, Papa lah maningga anam bulan nan lalu. Tapancua aia
mato MakNgah mandanga, lintuah lutuik rasonyo. Angku Lukman Guru SGB
Bukittinggi sajak tahun 1955 (Kolega kami di B-I Sejarah jo Bahaso Inggirih
Bukittinggi maso saisuak, 1956-58) lah mangingga sabalun ambo basuo baliak.
Jadi, untuanglah isterinyo nan ambo kenal juo lai di rumah, mangko mukasuik
untuak maota-ota jo kawan lamo, MakNgah barubah manjadi manjanguak kaluarga
nan ditinggakan almarhum...
Ciek lai kawan di kampuang. Wakatu pulang sabalunnyo kami sempat
maota-ota nostalgia maso ketek-ketek sarato tambo-tambo nagari Biaro
Balaigurah, agak lamo kami duduak sajak sasudah jumaat sampai dirarai
Mugarik. Sudah tu MakNgah pai ka Rantau baliak mudah-mudahan tahun datang
katu pulang lo dapek disambuang ota kami. Eh wakatu MakNgah pulang satahun
kudian, baliau lah dulu pulo. Jadi, mukasuik ka maota-ota jo kawan lamo
jadinyo barubah jo pai manjanguah ka kaluarga nan ditinggakan ...
Apokoh Pak Ma'as nan Eri tanyokan tu Papanyo Andy Maas? Kalau itu,
baliauapun MakNgah raso masih sehat-sehat. Misih basuo duo tigo tahun nan
lalu di rumah Andy jo Rossie wakatu tu Andy mambuek Sate Padang pulo di
rumahnyo di Palo Alto California. Untuakpangatahuan Adidunsanak nan Basamo,
Angku Andy Maas ko adolah Rang Dapua Rantau net wakatu Lapau kito masih
baru-baru dibukak sasudah Angku Gindo Arisman Adnan maniggakan Lapau di
Kansas (pulang ka Indonesia). Dapua lapau ado di Stanford University
babarpo tahun dengan Rang Dapuanyo Angku Andy Maas.
MakNgah balnk-cc-kan email ko ka eamail lamo Angku Andy, mudahan sampai.
Salam,
--MakNgah
42056
From: "Tasril Moeis" <[EMAIL PROTECTED]>
Date: Wed Aug 24, 2005 8:23am
Subject: Re: [EMAIL PROTECTED] murid dahulu
Eri,
Da Am Bandaro ko alun bisa di kecek kan urang tuo lai.
Apo lai sajak Bhp masuak kota ko, tambah mudo se liau.
Tan Ameh
----- Original Message -----
From: "Syamsir, Erizal (erizal)" <[EMAIL PROTECTED]>
To: <[EMAIL PROTECTED]>
Cc: "Tafsillison (Tafsill)" <[EMAIL PROTECTED]>
Sent: Wednesday, August 24, 2005 12:40 PM
Subject: RE: [EMAIL PROTECTED] murid dahulu
Assalamu'alaikum WW,
Iyo lapeh taragak mandapek kaba dari Ibuk Nismah dan Pak Zaimir,
mudah-mudahan urang tuo kito ko akan selalu dalam keadaan sehat
wal'afiat sajo handaknyo, tamasuak juo Pak Rumzy, Mak Sati, Mak Ngah, Da
Am Bandaro, dll nan rajin duduak ataupun nan manyimak sajo,
amien...amien.......
Jadi Pak Kardiman tu alumni Cendana juo pak Zaimir ? Sia rangan Bapaknyo
dan dima bakarajo dulu ?
Nan jarang dapek kaba iyo dari pak Ma'as PSM, anak baliau, kak Ibeth
(Nurbaity) alah jadi General Manager disiko.
Mohon ma'af bagi anggota palanta nan indak suko jo tulisan ambo ko.
Wassalam,
ERSY Rky Basa, IT Duri
(dunsanak da Tafsillison, Banuhampu-Kiktinggi)
No virus found in this outgoing message.
Checked by AVG Anti-Virus.
Version: 7.0.338 / Virus Database: 267.10.14/79 - Release Date: 8/22/2005
Website http://www.rantaunet.org
_____________________________________________________
Berhenti/mengganti konfigurasi keanggotaan anda, silahkan ke:
http://rantaunet.org/palanta-setting
____________________________________________________
