Assalamu Alaikum W. W. Kalau tak salah pak A. Moeis ko nan mangarang buku Ilmu Alam. Buku baliau dipakai diseluruh SMP Sumatra Tengah wakatu tu, rasonyo parnah bundo basuo apo nanda Tasril ko bdunsanak samo Masril Moeis yang dari ITB tu, kalau iyo Masril tu iyo lah lamo juo kenal samo bundo wakatu inyo praktek kerja di Caltex samo jo kamanakan bundo Herman Darnel. Kalau indak salah Masril tu karajo di Palembang (Pusri?) dan kamanakan bundo ko di PLN. Ado pulo pak Rapani jo pak Sa'danur nan mangarang buku lah lupo bundo, kok Aljabar jo Ilmu Ukur nan mangarangnyo namonyo pak Hakim. Kalau buku Bahaso Inggris iyo namonyo Progressive. Dikompleks nan ciek tu ado 3 SMP dan umumnyo murid2nyo iyolah urang Sianok jo Kotogadang. Mereka tu bajalan kaki pulang baliak tiok hari mandaki jo manurun ngarai. Pagi2 ado SMP 2 jo SMP 4. Kapalo sikolanyo wakatu bundo disitu iyolah pak Palizir samo pak Achda Yanuar. Kalau sore iyolah SMP 5 namo kapalonyo pak Syawal. Lucu pulo SMP 3 nyo di Tanjung Alam SMP I di Simpang Kangkuang. Hanyo itu nan takana dek bundo. Hayatun Nismah Rumzy
-----Original Message----- From: [EMAIL PROTECTED] [mailto:[EMAIL PROTECTED] On Behalf Of Tasril Moeis Sent: Friday, August 26, 2005 3:47 PM To: [email protected] Subject: [EMAIL PROTECTED] Re: Bukak tambo ...guru baru taun 55 Assalamu Alaikum W. W Mambaco carito bundo Nismah tantang guru2 mudo taun 55 ko tabayang baliak almarhum papa A. Moeis st Batungkek Ameh. Taun2 tu baliau ma aja di SMP 4 Bkt. Lai pernah Bundo Nismah jo mak Ngah basuo jo baliau? Wasalam Tasril Moeis st. Tan Ameh ----- Original Message ----- From: "Hayatun Nismah Rumzy" <[EMAIL PROTECTED]> To: <[email protected]> Sent: Monday, August 22, 2005 2:45 AM Subject: RE: Bukak tambo ....Re: [EMAIL PROTECTED] gala > Assalamu Alaikum W. W. > > Ambo takana baliak katiko tahun 1955 serombongan calon2 guru mudo > tamatan SGA tahun tu kami pai dari Pikumbuah naiak kureta api turun di > Tanjuang Alam naiak bajalan kaki kateh (jalan baru kiniko) baranti > dimuko rumah Nurhuda dan Salmaniar (kaduonyo urang 4 Angkek) taruih > bajalan belok kakida dipamatang sawah kiro2 3 atau 4 kilometer kami > makan dirumah Mak Ngah Sjamsir Sjarif nan wakatu tu mandoa mangadokan > selamatan. Sudah tu baru kami baliak ka Pikumbuah baliak. Itu terjadi 50 > tahun nan lalu manjalang kami ka bapisah ka manjadi guru2 disekolah > menengah diseluruh Sumatra Tengah (Penempatan pertama bundo Nismah di > SMP2 Bukittinggi dan Mak Ngah Sjamsir di ST Bukittinggi). > > Sekian dulu mangana-ngana maso daulu katiko bundo Nismah masih coga. > > Hayatun Nismah Rumzy Website http://www.rantaunet.org _____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ____________________________________________________
