Assalaamu'alaikum wa rahmatullaahi wa barakaatuhu, Di kampuang ambo, di Koto Tuo Balai Gurah Ampek Angkek Canduang, takana di ambo indak ado acara apo-apo doh sabalun mamasuak-i bulan Ramadhan. Saari sabalun puasotu, kami sabuik juo saari balimau, tapi nan balimautu kami karajoan sin surang-surang di sumua kami masiang-masiang. Biasono pulo saari ka masuak puasotu, nan ketek-ketek diijinkan manggua tabuah sapueh hati dilua wakatu sumbayang. Bagaritiak-garitiak kami manggua tabuah tu katiko itu. Manggua tabuah diulang pulo biko saari ka baari rayo.
Nan ado takana di ambo di bulan puaso tu urang padusi nan baru barumah tanggo, pai maantaan pabukoan ka rumah mintuo. Juadah tu di bao dalam rantang / sia basusun. Bulan puaso katiko ambo ketek-ketek adolah bulan liburan sakola. Mako bakumpualah kami di kampuang jo dunsanak-dunsanak dari Padang, dari Pariaman, dari Payokumbuah. Saari-ari kami sibuk jo bamain (dalam bapuaso), main bal, main layang-layang, main apo sajo. Patang ari katiko kalatiahan, mandok-mandok kami mandi di tabek musajik, mulakik tuanku musajik tibo sambia bangih-bangih dek kami mampakaruah ayia ka pauluak. Malam ari sasudah sumbayang tarawiah, kami sato batadaruih, ado nan sampai parak siang. Sudak makan parak siang, baru lalok malakik pagi, malakik pai lo bamain baliak. Nostalgia sakitar 40 tauh nan lapeh.... Wassaalamu'alaikum, Lembang Alam ----- Original Message ----- From: "zul amri" <[EMAIL PROTECTED]> To: <[email protected]> Sent: Friday, August 26, 2005 9:36 AM Subject: [EMAIL PROTECTED] Rirayo sabalun bulan puaso > > Assalamualaikum wr .wb > > Mungkin nan akan ambo caritokan ko indak sadonyo daerah di Sumbar malakukan , tapi hal iko adolah nan ambo tahu dan lah manjadi rutin dilakukan sahari satiok kamasuak bulan puaso dikampuang ambo Saok Laweh Solok . Sahari manjalang bulan puaso diadokan tradisi "badua badua" ( mendo'a ) dengan mamanggie rang siak bukan baduo duo ditampek langang . Dalam rangko badua dua ko adolah persiapannyo persis samo jo rirayo sasudah puasio Idul Fitri langkok jo sagalo macam juadah antaro lain balamang , manyumandan , badulang ( manjalang mintuo bagi minantu padusi ) basilaturrahmi . Website http://www.rantaunet.org _____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ____________________________________________________
