Bana du Angku Lembang, tambahan tu tapek tibono. Wakatu ambo manarangkan
soal Pnompen patang tu memang tasambia kalua kato "kiyoh" tu dengan
katarangan saparaluno. Tambahan katarangan Angku Lembang manambah jaleh.
Mungkin tambah jaleh lo kok diaratikan ciek lai jo "Yo 'ndak"? saroman
"isn't it?" dalam Contoh Angku Lembang tu.
Ado ciek lai, kato "kudu" di Kampuang Awak, nan aratino "sabanta ko". Tapi
sasudah ambo bandiang-bandiangan ucapanno agak balain antaro awak di Ujuang
(Kototuo Balaigurah) jo Urang di Puun (Ampanggadang, Pasia , Batutaba).
Kato "kiyoh" jo "kudu" ko di Puun diucapkan Urang sabagai "Ciyoh" jo "Cudu"
jadi "k" barubah sabuik manjadi "c" bahkan kadang-kadang tadanga 'kudu" tu
manjadi "yudu" gai. Variasi lain adolah "kiyun" ("ka sinan" dalam istilah
umum Minang, atau "ke sana," Indonesia/Malayu) diucapkan pulo di Puun
mnjadi "Ciyun".
Ambo sabana sanang mancaliak kakayoan Bahaso Awak kama ambo pai. Sajak
ketek ambo lah peka (sensitive) jo parubahan pamakanan kato, ucapan, dan
dialiek lokal ko. Rumah Amak ambo di bateh antaro Biaro jo Kototuo Balai
Gurah. Kok malangkah ka ilia saketek ambo lah ba "Nyo" atau ba "Inyo-inyo"
pulo dialek Biaro, kok ka Mudiak (Kototuo Balaigurah) lah ba "No" atau ba
Ano-ano" lo. Nan kaya ambo maagaki sajak ketek adolah garah kami, "Di Ilia
Urang pakai 'Minyak Kalonyor', kok di Mudiak Urang pakai 'Minak Kalonor' ..:)"
Salam,
--Nyiak Sunguik
From: "Muhammad Dafiq Saib" <[EMAIL PROTECTED]>
Date: Sat Aug 27, 2005 4:02am
Subject: Re: Pabukoan (Re: [EMAIL PROTECTED] Rirayo sabalun bulan puaso)
Assalaamu'alaikum wa rahmatullaahi wa barakaatuhu,
Nan nampak di ambo katiko ketek-ketek saisuak iyo bitu Bandaro. Nan pai
maantaan pabukoan tu iyo urang-urang baru sin no. Paliang-paliang amuah agak
duo tigo kali puaso no pai maantaan pabukoan tu, sudah tu indak lai. Nan
alah agak lamo lah abih cupak jo bakarilahan sin. Dan nan nampak di ambo
pulo maantaan pabukoan di kampuang tu iyo sakadar paisi kabiasoan sajo,
bukan dek adaik jo limbago, rasono. Sabab si minantu indak manjujuang dulang
bagai maantaan pabukoan tu doh. Cukuik jo rantang susun sin.
Iko nan tampak di kampuang ambo. Di tampek lain tantu balain pulo. Kan iyo
mantun du kiyoh nyiak?
Nak sakali mambuko puro ambo, ambo adok-an ka nyiak Sunguik saketek. Arati
'kiyoh' ko rasono balain jo 'garan' nyiak. Amuah sarupo aa namo no du.
Sarupo panguaik-an arati. 'Ano urang awak du kiyoh'. 'Kan lah den baliak-an
etongan tu cako kiyoh?' Mungkin sarupo 'He is tall, isn't he.'
Baa gak ati nyiak du?
Wassalaamu'alaikum,
Lembang Alam
----- Original Message -----
From: <[EMAIL PROTECTED]>
To: <[EMAIL PROTECTED]>
Cc: <[EMAIL PROTECTED]>
Sent: Saturday, August 27, 2005 9:45 AM
Subject: Pabukoan (Re: [EMAIL PROTECTED] Rirayo sabalun bulan puaso)
>
> quote "padusi nan baru barumah tanggo ......
>
> komen diari sabtu :
> Jadi kalau pidusi lah lamo brumah tanggo
> "indak paralu" lai maantaan pabukoan ???
No virus found in this outgoing message.
Checked by AVG Anti-Virus.
Version: 7.0.344 / Virus Database: 267.10.15/81 - Release Date: 8/24/2005
Website http://www.rantaunet.org
_____________________________________________________
Berhenti/mengganti konfigurasi keanggotaan anda, silahkan ke:
http://rantaunet.org/palanta-setting
____________________________________________________
