Assalaamu'alaikum wa rahmatullaahi wa barakaatuhu,
Angku Zul,
Ado nan manariak di ambo dari uraian angku Zul ko. Bahaso
urang siak di
sakitaran kampuang baliau amuah tulak-ansua. Dek manyadari
bahaso 'karajoko'
bukan bagian dari agamo Islam, lai bisa di tukai saketek
caro-carono. Nampak
bahaso disiko gadang pangaruah 'urang siak' nan jadi
panutan urang kampuang.
Di kampuang kami, manuruik carito enek-enek ambo, saisuak
banyak pulo
'tradisi-tradisi' nan kini alah indak ado lai. Dek, di
kampuang kami ado
inyiak-inyiak kami, urang siak - urang siak nan mancubo
maagiah 'pamahaman
baru' dan iko lai ditarimo masyarakaik. Nan angkatan tuo
saketek, tamasuak
nan agak senior, ado namo baliau allahyarham inyiak Haji
Abdul Latief di
Balai Gurah, murik langsuang juo dari inyiak kami nan lain
Syech Ahmad
Khatib, nan jadi imam gadang di masjidil Haram. Sampai ka
ustadz di generasi
ambo, nan masih hiduik kini, umumno adolah nan ba aliran
samo. Nan tampak di
ambo jadi labiah sederhana 'tradisi-tradisi' ba agamo
Islam, sarupo nan awak
bahas kiniko.
Wassalaamu'alaikum,
Lembang Alam
----- Original Message -----
From: "zul amri" <[EMAIL PROTECTED]>
To: <[email protected]>
Sent: Sunday, August 28, 2005 11:04 AM
Subject: Re: [EMAIL PROTECTED] Balimau & Balaho
Sanak palanta yth :
Sabalun datang bulan puaso , sabatuanyo banyak nan dilakukan urang
dikampuang , lagi lagi sabuah tradisi ditampek ambo .
Kabatulan tahun
kapatang ambo pulang sabalun bulan puaso dan bulan tu
disabuik juo bulan
rowah kalau di Jawa . Mungkin mukasuiknyo untuak mangenang
"aruah" urang nan
alah maningga . Diadokanlah ziarah kubua sakalian
mambarasiahkan kubua dari
samak belukar . Nan indak biaso adolah disampiang kagiatan
mambarasiahkan
kubua tadi , ado pulo kagiatan mando'a dan makan - makan
ditampek kuburan
nantun , dikampuang ambo kegiatan tersebut disabuik
balaho mungkin asa
katonyo " Allahu " karano nan dibaco basamo adolah kato
kato pujian nan lah
di bahaso awakkan sarupo "oo allahhoo" , "oo dain "
mungkin asa kato "din "
dan "oo hayun" dari asa kato hayyun , yang dilantunkan
sambia tagak dan
dipimpin sorang rang siak . Karano pandam pakuburan
dinagari awak adolah
badasarkan suku nan ado , mako ado sajo kagiatan balaho
satiok minggu sacaro
bagiliran antaro suku nan ado
sarupo suku piliang , suku sikumbang , malayu , kutianyie , supadang .
Dan indak mesti nan hadir adolah kaum sapasukuan , tapi
bisa juo dihadiri /
maundang suku lain karano lah basangkuik pauik dan ado
patalian darah dek
karano parkawinan . Ambo manyadari kabiasaan ko indak ado
dalam tradisi
agamo Islam , mako dari itu dek panghulu kaum piliang lah
diadokan
musyawarah dan kasapakatan , bahwa balaho dikuburan tatap
buliah dilakukan ,
tapi maadokan makan makan dilarang . Seharusnya semua suku
melarang kegiatan
ini karena jelas menyimpang dari ajaran islam khususnya
makan - makan di
kuburan .
zul amry piliang
========================================================================================
Semarakkan Ulang Tahun Kemerdekaan RI dengan mengikuti TelkomNet Netkuis 17-an
Dari 17-08-2005 s.d 17-09-2005. Dan dapatkan hadiahnya..!! hanya di
http://netkuis.telkom.net
========================================================================================
Website http://www.rantaunet.org
_____________________________________________________
Berhenti/mengganti konfigurasi keanggotaan anda, silahkan ke:
http://rantaunet.org/palanta-setting
____________________________________________________
