Sanak sadonyo, Angan angan sambia duduk sore di rumah , minggu ko. Sabananyo, kok yo lai niaik walkot nan baru nan dari AL ko sabana mamparatikan kota nyo (kota tua ) Muaro, masih alun talambek salagi masih ado arsip lamo nan manyimpan data daerah tu, sarupo foto lamo jaman baheula. Berdasarkan foto tu, dibuek lah tata kota tuo sarupo di Boat Quay, Clark Quay di Sungai Pua eh salah , Singapua. Sapanjang Sungai Singapua tu jaman th 90/91 yo hampia sarupo jo Muaro kini, pagudangan sae. Tapi cubolah caliek kini, model kota tuo dibangun baliak atau bangunan nan alah hancua, dibangun sarupo model lamo. Daerah Pecinan di sekitar Orchard Road, masiah di Sungaipua nyo Cik Lee Kuan Yew tu, sarupo lah jo daerah kampuang cino di Padang, kini bangunan lamo dirombak sarupo aslinyo dan ado aturan nan malarang penghuni maubah bantuak lua bangunan tuo tu. Masih di Sungaipua, bangunan bekas jajahan inggirih masih berdiri kokoh, tapi di awak diruntuhan dengan alasan banyak hantu lah, kuno lah, kurang modern lah jo saribu satu alasan... tapi marilah kito lestarikan peninggalan lamo ko , walaupun kenangan pahik penjajahan ( ambo yo ndak marasokan do ) mungkin ado, supayo generasi mudo tahu lo aratinyo apo itu warisan. Di Eropa, tarutamo Perancis, kota nan dilalui dek sungai iyo sabana iduik kotanyo, makmur dan banyak turis manikmati kesejukan sungai dan suasana sungai. Warga pun banyak menikmati suasan demikian. Dan lagian, proyek untuk kesejahteraan warga merupakan bahan kampanye pemilihan walikota di di Perancis. Tapi kok dicaliak berita di Padeks balakangan ko, Batang Arau ko alah mandangka, panuah dek sampah, jo polusi limbah...mungkinkah tantangan ko di angkek dek urang awak? Contoh nan samo : Lisboa , ibu kota Portugal : Areal pameran internasional sepanjang muara sungai Tage ( Rio Tejo bahaso Portugalnyo ) dulu polusinyo minta ampun. Tapi kini daerah tu sarupo kanai sulap, barasiah, udaro sejuk, pemandangan indah, jadi primadona wisata kota Lisboa. Selain itu, pusat ekonomi nan canggih. Kalau sanak ingin foto daerah ko, bisa ambo lewakan ka japri masing masing. Studi banding ka daerah tadi tu ( kok masih paralu , ndak sakedar jalan jalan sae !) bisa diatur dek aparat kota Padang.
Tapi nan jadi masalah kiniko, dibaliak heboh malestarikan peninggalan lamo, apo lai ado model perkampuangan Minang di nagari awak? Nan asli? Kalau di Bali, masih ado, sabalun hilang sadonyo, model perkampuangan asli, perkampuangan Bali Aga misalnyo. Bali Aga ko dianggap urang Bali nan asli. Iko PR dek awak sadonyo, nan di kampuang mancaliak apo lai ado disekitar tampek nyo tingga ado model kampuang asli minang, kok nan di rantau, sakali sakali pulang, caliak juolah kampuang tu. Jaan maraso asing lo dikampuang surang. Di Pulau Nias, ado model kampuang asli Nias di Bawomataluo. Ambo pernah bamalam di rumah kapalo adaik di situ. Di Toraja ( Sulawesi Selatan ) ado perumahan model asli rang Toraja. Satau ambo, di kampuang awak rumah gadang ko 'kasanyo' tapisah pisah jo rumah penduduk lainnyo. Ndak barupo kasatuan doh. Ndak ado nan namonyo pusat kampuang nyo. Kok salah tolong dikoreksi. Sakitu se dulu ciloteh ambo, salamaik karajo ka sanak sadonyo. Heri Paris Rasonyo dulu kabanyakan toko lamo ko lah manjadi Gudang kopi,kulik manih, cengkeh dll. Baa kolah kini, tapi dek karano nan banyak jadi eksportir di Pasa Mudiak dan Muaro ko urang mato sipit mungkin dijaman kini mudah se deknyo marubah bantuaknyo. ( jaan lah mancimeeh juo lai , ndak elok doh , sangaik peyoratif bana kalao kito manyabuik sanak kito tu si "mato sipit". Tugas awak urang kampuang manunjuakan ka sanak awak tu baa saharusnyo inyo menyatu. heri). Apo lai kok di tukar gulingkannyo pulo jo lahan ditampek lain. -----Original Message----- From: [EMAIL PROTECTED] [mailto:[EMAIL PROTECTED] On Behalf Of Irdam Syah Sent: Friday, August 26, 2005 2:05 PM To: Syamsir Alam; [email protected] Subject: RE: [EMAIL PROTECTED] Program Pembangunan Kota Padang-2 Kalau ba itu sabalun talambek iyo paralu dinas purbakala / tata kota / permusiuman atau apolah namonyo ma-invetarisasi jo malindungi bangunan2 tuo tu. Jaan sabantuak di Jakarta, alah abih dibongka dan baganti jo bangunan baru atau malah hanyo jadi lapangan parkir... salam - tg # # Apakah bangunan-bangunan tua di sepanjang "downtown" Muaro - # Pasa Gadang - # Pasa mudiak - Pulau Aia masih terpelihara dengan baik, atau # sudah menjadi # bangunan baru semua... # # A Website http://www.rantaunet.org _____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ____________________________________________________ --------------------------------- Appel audio GRATUIT partout dans le monde avec le nouveau Yahoo! Messenger Téléchargez le ici ! Website http://www.rantaunet.org _____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ____________________________________________________
