Assalaamu'alaikum wa rahmatullaahi wa barakaatuhu,
Dek di imbau nyiak Sunguik sato pulolah ambo saketek.
Raso-rasono, 'gili' adolah kato kerja. Manggili anak ketek
bayi, jo diungkapkan kato 'gili-gili-gili' sabagai
ungkapan no sajo. Atau sarupo manggili ayam nan kadi adu
(dek paja-paja mantiko langek).
'Gali' kato sifaikno, parasaan katiko di 'gili'.
Manggalinjang-galinjang kagalian. Panggali, sifaik
sasaurang nan capek maraso gali.
Sadangkan nan di papatah, iyo sarupo nan alah dikoreksi
nyiak Sunguik, abih gali dek galitiak, abih biso dek
biaso. Dek alah tabiaso digalitiak, indak panggali lai no
doh. Dek lah biaso bamain biso, jadi mada kulikno, jadi
tahan bisono.
Bitu rasono.
Wassalaamu'alaikum,
Lembang Alam
On Tue, 30 Aug 2005 07:23:32 -0700
Sjamsir Sjarif <[EMAIL PROTECTED]> wrote:
Memang Angku Boes, ambo caliak di referens pepatah
(Pepatah Minangkabau,Anas Nafis 1996) memang ditulih
"gali":
"Abih gali dek galitiak, ilang biso karano biaso, abih
miang dek bagisiak."
Tapi ambo raso ado grey area dalam pangucapan dan arati
"gali" jo "gili" ko. Kalau Angku Boes tanyokan apokoh
ambo 'salah tep' manntep 'gili' tu, rasonyo indak. Karano
sajak ketek memang lah tadanga di ambo kato 'gili' tu
dipakai di Kampuang. Jadi sacaro spontan ambo tep itu
manuruik naluri sakatiko. Kalau kami di Kampuang ka
mampatakuiki atau manggaduah anak-anak ketek untuak
manggalitiknyo, biasonyo kami kecekan: 'gili, gili,
gili...' sambia manggarik-garikkan (manggarak-garakkan?)
jari diarahkan ka katiak anak nan ka di'gili-gili' tu.
Indak takana dek ambo urang mangecekkan 'gali,gali, gali
..' doh. Rancak kito verifikasi jo angku Lembang, baa
tadanganyi di Kampuang. Atau jo Adidunsanak nan lai, kito
survey, baa tadanga bunyinyo di Kampuang surang-surang,
"gali' atau 'gili'. 'Gili-gili, gili ... ' Atau
'Gali-gali, gali ...?'
========================================================================================
Semarakkan Ulang Tahun Kemerdekaan RI dengan mengikuti TelkomNet Netkuis 17-an
Dari 17-08-2005 s.d 17-09-2005. Dan dapatkan hadiahnya..!! hanya di
http://netkuis.telkom.net
========================================================================================
Website http://www.rantaunet.org
_____________________________________________________
Berhenti/mengganti konfigurasi keanggotaan anda, silahkan ke:
http://rantaunet.org/palanta-setting
____________________________________________________
