Bana Angku Adyan, "mitraliyur" , Bahaso Indonesia "mitraliur" tu dari kato
Bulando nan ejaan Bulandonyo "mitralleur" nan aratinyo sinapang masin.
Tantu dengan kato-kato baru di bisnis kini ko nan saroman mitra-mitra tu
mudah-mudahan indak ado lo nan manganggap "mitraliur" tu parusahaan
kongsi-kongsi atau mitra-mitra jo aia liua. :)
"keker," taropong tu, ejaan asli Bulandonyo "kijker".
"mes" nan dimukasuik maleset caro awak tu tampaknyo diambiak dari kato
Bulando "missen" nan salah satu aratinyo indak kanai sasaran.
Iyo Angku Adyan, tidok dicaliak surek kaba dari Padang dan Indonesia,
banyak bana bencana alam, labiah-labiah dakek kampuang awak, baiak di tapi
pantai, di Lubuak Basuang, Maninjau, helikopter jatuah. Kanai cido dek
Gampo jo Tsunami alun lapeh trauma masyarakat awak lai. Dibaliak dunia di
Rantau Makngah baitu pulo, indak takamehi makian-makian urang ka Tanibuih
doh nan asiak mahabihkan pitih main parang-parangan.
Mudah-mudahan kaum kaluarga awak nan banyak tatimpo bencana ko dapek basaba
dan pamarentah jo masyarakat dapek maatehinyo, jan sampai parasaan hati
masyarakat batambah parah. Dari jauah Makngah mandoa untuak kasalmatan
masyarakat kito di Kampuang. Amin.
Oh, iyo, tambah setek. Dek manyabuik kato "cido" ko takana lo ado urang
manjua "bubua cido" di pasa untuak "ubek cido". Aa garan tu campua-campua
"bubua cido" tu. Tapi sayangnyo bencana alam ko pasti indak ka tabuek jo
"bubua cido" tu doh.
Salam,
--MakNgah
42474
From: Adyan <[EMAIL PROTECTED]>
Date: Sun Sep 4, 2005 3:47pm
Subject: Re: [EMAIL PROTECTED] Kacio bahaso awak, Samba Lado
Tambah senek Mak, kato2 bulando nan tapakai dek anduang2 tantu paliang
banyak nan basipaik pemeritahan, takah kato blesteng tu. Salain itu banyak
juo nan basangkuik pauik jo techniek. Kalau kini lah barek ka caro Inggris.
Babarapo nan takana urang tuo2 manyabuik:
keker=taropong
stroom=arus listrik
mes=meleset (tembakan)
knop=tombol
mitraliyur=senapan mesin (rancak bana namonyo ko)
Tanyo ciek diadokkan ka Mak Ngah, apo iyo mitraliyur ko dari baso balando?
Jangan2 mes pulo ambo.
Banyak bana bancano alam akie2 ko, Laa hawla wa laa quawwata illa billaah
la'aliyyul-'azhiim...
Salam,
-adyan-
No virus found in this outgoing message.
Checked by AVG Anti-Virus.
Version: 7.0.344 / Virus Database: 267.10.18/89 - Release Date: 9/2/2005
Website http://www.rantaunet.org
_____________________________________________________
Berhenti/mengganti konfigurasi keanggotaan anda, silahkan ke:
http://rantaunet.org/palanta-setting
____________________________________________________
