Ondee Angku Syafruddin Karimi,
Sanang bana ambo mancaliak angku lai ka sato maota, atau duduak-duduak di
Lapau mandanga ota sabanta-sabanta. Lah lamo bana kami kahilangan
adidunsanak nan lah pulang ka Kampuang. Biasonyo dengan kasibukan baru
banyak nan lah indak ado ka Lapau lai. Tapi ambo caliak-caliak baru-baru ko
lah masuak baransua-ransua ciek-ciek. Memang ado magnitnyo duduak di Lapau
ko, bak kecek-kecek urang Lapau sabananyo wakatu ambo singga di satu Lapau
di Saruaso tahunnan lalu:
Saruaso Tanjauang Barulak,
katigo jo saruaso.
Bakato aia adalam luak,
kok ndak ka mandi mambasuahmuko.
Tapi, keceknyo, disasuaikannyo jo Lapau ko
sahinggo barih nan ka ampek ditukanyo:
Saruaso Tanjauang Barulak,
katigo jo saruaso.
Bakato aia adalam luak,
Kok indak ka mambali maota sajo.
Sabana sanang ambo, mudah-mudahan banyak nan ka dibagi-bagi ota jo kami nan
lah lamo Angku tinggakan. Lai ambo pulang tahun nan lalu sabanta ka Padang,
tapi sayang kito indak basuo. Takana di ambo Angku Syarifuddin sabalun kito
bapisah dari Lapau, aktif jo acara-acara "Sijori" nan ambo sangat
interestiang pakambangannyo. Baa kaba "Sijori" tu kini, indak tadanga dek
ambo urang maotakan issue tu lai.
Dalam pajalanan ambo manjalajah Malaysia, Myanmar jo Singapura, ambo sempat
manghadiri jamuan Turis Department Malaka. Di Malaka tourist departmentnyo
mangecekkan tatariak bana jo hubuangan Riau, sahinggo mareka mambuek Trayek
Kapatabang Malaka-Pakanbaru. Mudah-mudahan dapek kito elo paratian mareka
supayo tatambat untuak bahubuangan jo Sumatera Barat. Walaupun Malaka tu
indak masuak Sijori, dan Sumatera Baratpun indak pulo, baa kalau dirancah
saketek lai parak tu baliak? Atau kalau lah taruih acara tu dimantapkan
diintensifikasikan. Apo lai kini ko awak lah punyo Bandara Internasional
Minangkabau nan pasti akan marevolusikan kancah hubugan ekonomi kito jo
negara jiran. Ingin ambo mandanga pakambangan hubangan kito jo
Nagara-negara Jiran tu.
Ambo sandiri kin sabagai pantarjumah, aktif dalam Bahaso Malayu pulo. Kok
ado nan bisa digarap dari Padang loncek-loncek ka KL, Malaka jo Singapura,
tolong kana-kanakan ambo ka kawan-kawan saide di sinan.
Salamat kumbali bagabuang.
Salam,
-- MakNgah
Santa Kuruih, di Tapi Riak nan Badabua
(Panggilan macam-macam sajak paningga Angku, dari Uda Sjamsir, Uda Hambo,
ka Nyiak Sunguik, Nyit Sungut, Nyik Sunguk, ka Mak MakNgah, tapi urangnyo
jo garahnyo lai nan itu juo.. :).
42482
From: Syafruudin Karimi <[EMAIL PROTECTED]>
Date: Fri Sep 2, 2005 11:53pm
Subject: [EMAIL PROTECTED] Halo Ni Ben Soto Liak
Assalamu'alaikum Wr. Wb.,
Halo Ni Ben, da Syamsir Syarief, jo sanak2 nan lain nan alun ambo kenal.
Ambo taragak soto maota ota di rantau net awak ko. Dulu ambo lah soto
sajak di tallahassee florida, tapi taputuh sabonta. salam ntuak sadonyo.
Syafruddin Karimi
No virus found in this outgoing message.
Checked by AVG Anti-Virus.
Version: 7.0.344 / Virus Database: 267.10.18/89 - Release Date: 9/2/2005
Website http://www.rantaunet.org
_____________________________________________________
Berhenti/mengganti konfigurasi keanggotaan anda, silahkan ke:
http://rantaunet.org/palanta-setting
____________________________________________________
