dunsanak sadonyo, sempat mahota via japri yo uda adyan , melanjutkan diskusi yo mak ngah dan mak lembang alam, ttg sistem komunitas nagari, dg mengambil cerita awal dari ampek angkek sbg sebuah sampel "nagari" di minang, ternyata menarik juga mengkajinya .
mak ngah menyebutnya sbg sebuah mikro republik , uda adyan punya ide lain ttg adanya federasi nagari , sehingga kita kenal di ranah minang, ada daerah yg dinamai dg bilangan spt 50 koto, 12 kali lingkung dll tapi masih banyak misteri2 lain ygmenarik dg mempelajari sistem kemasyarakatan minang jaman dulu tsb berikut diskusinya,semoga bermanfaat, maaf kalau agak panjang emailnya wassalam HM --------- tarimo kasih banyak uda Adyan, bakeh penjelasan nyo , ngobrol2 ttg supra nagari , mikro republik , ambo sampai pulo pado kesimpulan sementara, bahwa sistematika nagari , adalah suatu struktur sosial politik yg mandiri , dalam arti dimana dinyatakan suatu nagari adalah ada sawah, pasa, tabek, surau, kuburan dll , yg intinya ialah pada nagari tsb, segala keperluan sudah bisa terpenuhi, sehingga ia bisa mandiri, penduduknya bisa hidup dan menghidupi dari apa yg tersedia di daerahnya sendiri. bercermin pada kondisi negara kita saat ini ( Indonesia ) yg karena goyang nya kurs dollar saja, bisa menyebabkan seluruh sendi ekonomi jadi sempoyongan , yah itu tadi karena Indonesia sbg sebuah republik yg besar , tidak mandiri , tak bisa sumber penghidupan nya berasal dari tempatnya sendiri. kembali ke cerita ttg nagari tsb , di dalam sistem nagari , kesejahteraan rakyatnya bisa terpenuhi secara mandiri, bahkan dg sistem yg rapih juga, semisal dg adanya lumbung padi , yg adalah tindakan berjaga2 seandainya terjadi kegagalan panen atau ada kemarau panjang ttg konsep federasi nagari, ambo raso bisa masuk akal juga , bila dibanding2 kan dg daerah sekitarnya , spt tanah batak, melayu riau, jambi , palembang dll , berarti saat itu, ranah minang bisa dikata sangat maju sekali dalam sistematika sosial politiknya , jadi pertanyaan dari mana mereka bisa mengembangkan sistem spt itu ? belajar dari mana ? karena daerah sekitarnya tak spt itu ? dugaan lain dari ambo , nenek moyang awal etnis minang , yg menurut sejarah berasal dari daerah pariangan padang panjang , ada sekelompok migrant dari suatu tempat / bangsa yg sudah memiliki peradaban tinggi , mungkin sekelompok orang2 yg educated / orang sakti dari suatu kerajaan besar saat itu, karena sesuatu hal pergi jauh , sampai di tanah dataran tinggi , pegunungan bukit barisan ( Agam plateu ) , disana mereka mulai membuat lagi sistem sosial budaya dan politik yg rapih spt di tempat asalnya dulu . yg jauh berbeda dg etnis2 sekitarnya ( batak, riau,jambi , palembang dll ) itu dugaan sementara ambo, tapi rasonyo masuak akal juo pertanyaan selanjutnya, kalau memang sistematika nagari serapih dan se sejahtera itu, mengapa pula mereka pergi merantau ? apakah perilaku merantau tsb, adalah sebuah bawaan sejak lahir ( telah tertanam di alam bawah sadar ) dari orang minang, karena perintis awal etnis minang (di pariangan) adalah juga migran dari daerah lain ? sekian dulu dari ambo wassalam HM --------------- Angku Adyan, Mancaliak email angku sabanta ko, samantaro kito dapek mancari peta nan agak langko dan jaleh, rancak ambo katangahkan baa mancaliak dan mambayangkan "Supra Nagari" Ampek Angkek. Ambo pakai istilah "Supra Nagari" dengan pandangan latar bulakang sejarahnyo saketek. Dari nan dikatahui sabalun Nagari-nagari dipacah-pacah, dan kini diacah-acah bahkan dibagi sampai dinamokan desa jo dusun, Ampek Angkek adolah Satu Kesatuan Masyarakat nan tadiri dari Ampek Nagari maso dahulunyo. Niniak Mamak, Cadiak Pandai, Pamuko-pamuko Masyarakat maadokan "Piagam", antah bilo partamu kalinyo dalam sejarah, tapi nan terakhir kiro-kiro manjalang antaro tahaun 1915-20. Dalam patamauan nan tarakhir tu dipakuat satu "piagam" ambo namokan "Piagam Guguak Sikanga" nan mangatangahkan Inti Pandangan Masayarakat Ampek Angkek nan "Saitiak Saayam, Saanak Sakamanakan, Saciok bak Ayam, Sadanciang bak Basi". Riwayatko mamaralukan panulisan carito panjang karano alun panah ambo caliak bahan tatulih manganai itu lai. Ambo iduik jo Oral Tradition nan acok ambo danga sajak ketek. Nagari-nagari nan ambo sabuikkan "Supra Nagari" Ampek tu adolah manuruik urutan nan dilafalkan memang ampek: Biaro, Balai Gurah, Lambah, Panampuang. Untuak mancaliak Nagari nan Ampek ko dalam lingkuangannyo, bayangkan Angku Adyan tagak di Simpang Biaro, sabagai titiak tolak dan titiak pandang. Simpang Biaro ko adolah Simpang Ampek, Jalan Gadang antaro Bukittinggi jo Payokumbuah nan manuruik matoanginnyo dari Barat ka Timur. Sadangkan jalan nan manyimpangnyuo adolah jalan Utara-Selatan dari Kamang di Utara ka Lasi di Selatan. Ado lo ciek lai Simpang Ampek Tanjuang Alam nan juo simpangnyuo malintangi jalan Bukaittinggi-Payokumbuah. Di Simpang Tanjuang Alam tu, jalan nan Utara-Selatan adolah dari Tilatang-Pakan Kamih-Kapau di Utara, taruih ka Bukik Batabuah ka Sungai Pua ka Selatan. Jalan ko ampia paralel jo Jalan Kamang-Lasi nan di Simpang Biaro tu. Ciek lai di sabalah ka Ujuang (Timur) ado pulo Simpang Canduang, nan jalan malintangnyo maarah ka Selatan ka Canduang dan ka Utara marasuak ka Nagari Panampuang, dapek pulo taruih ka Kotobaru Salo. Jalan nan tigo malintang jalan Bukittinggi-Payokumbuah tu buliah dianggap paralel dan manjadi sabagian urat nadi Jalan Apek Angkek. Sadangkan jalan Bukittinggi-Payoumbuah, Barat-Timur marupokan landmark nan malalui tangah-tangah daerah Ampek Angkek. Bayangkan Angku Adyan madok ka Arah Selatan di Simpang Biaro tu, manccaliak jaleh ka Gunuang Marapi jo Singgalang. Kapundan jaleh di Sdlatan Biaro tu. Tagak madok ka Salatan di Simpang Biaro tu, di sabalah Suok Angku arah Barat (nan kami namokan "Puun" adolah arah jalan gadang ka Bukittinggi. Di sabalah kida, arah Timur (nan kami namokan "Ujuang") adolah jalan gadang arah ka Payokumbuah. Di muko jo di bulakang angku adolah jalan Utara-Selatan. Dihadokan Angku mancaliak ka Gunuang Marapi itu adolah Selatan, nan di Ampek Angkek kami sabuik "Mudiak". Di bulakang Angku adolah Utara (nan kami namokan "Ilia". Ilia jo Mudiak ko alah kito bincangkan dalam babarapo postiang sabalunnyo karano aia batangaia mailia ka Ilia dari Mudaiknyo di Gunuang Marapi. Jadi di Ampek Angkek Matoangin tu lai langkok "Ilia, Mudiak, Ujuang, Puun" (Utara, Selatan, Timur,Barat). Dietong dari Biaro sabagai urutan partamu, nagari nan kaduo di mudiak dihadokan Angku adolah Balai Gurah. Di Bulakang Angku di Ilia, di Utara, ado duo nagari: nan katigo Lambah jo nan kaampek Panampuang. Jadi di Simpang Biaro tu jaleh tampak dan tabayang di angku Supra Nagari Ampek Angkek: 1. Biaro, 2. Balai Gurah, 3. Lambah, 4. Panampuang. Nah kini kito acah-acah pandangan mancaliak Nagari Balai Gurah manuruik usalinyo sabagai barisan Paliang Ateh dari Ampek Angkek. Nagari Balai Gurah nan kini ko indak samo jo Bali Gurah nan ambo sabuik usali tu. Balai Gurah Usali tu acok juo disabuikkan Balai Gurah Gadang nan tabantang antaro Canduang di sabalah ka Ujuang, Lasi sabalah ka Mudiak, Banuampu jo Kurai sabalah ka Puun, Biaro sabalah ka Ilia. Nagari Biaro dalam konsep Ampek Angkek (disabuik juo Biaro Gadang) talatak disabalah ka Ilia Balai Gurah, malintang ka Puun sampai ka Bateh Kota "Jam Gadang Ketek" sampai ka Jambatan Batang Aia Tumbuak di Sabalah ka Ujuang. Nagari Lambah adolah rentetan katigo Ampek Angkek ko, di sabalah ka Ilia Nagari Biaro Gadang. Tabantang dari sabalah Ujuang babateh jo Nagari Canduang sampai ka sabalah ka Puun babteh jo Nagari Kapau. Nagari Panampuang marupokan leretan kaampek nan paliang ka Ilia dari Ampek Angkek dietong dari leretan Balaigurah, Biaro, jo Lambah tu. Ka mudaiaknyo Nagari Panampuang babatehan jo Nagari Lambah, sadangkan ka Ilianyo babatehan jo Nagari Kotobaru Salo. Ka Puunnyo babatehan jo Nagari Pakan Kamih Tilatang. Sadangkan ka Ujuangnyo babatehan jo Nagari Baso. Jadi itulah kiro-kiro gambaran singkek Ampek Angkek marupokan daerah nan laweh juo di Agam Tuo. Dan mungkin marupokan pusek Agam Tuo. Datuak Rajo Agam ado di Lambah. Kadang-kadang urang mungkin kaliru dimaa bana Ampek Angkek ko. Itu indak Angku Adyan sorang sajo doh. Sabab di Pasa Bukittinggi, kabanyakan urang manganggap Ampek Angkek ko di Pasia, karano banyak urang Pasia manggaleh kain, manjaik, dan manjua pakaian-pakaian sudah. Kan lai takana istilah Jaik Ampek Angkek barangkali. Memang Pasia adolah di Ampek Angkek, tapi Ampek Angkek indak samo jo Pasia doh. Pasia adolah satu pacahan baru nan manjadi Nagari sabagai pacahan baruntun Balai Gurah Gadang manjadi babarapo Nagari. Dalam pakambangannyo Balai Gurah Gadang tu lah pacah manjadi Nagari- nagari, pado mulonyo, Balai Gurah di Ujuang jo Ampang Gadang jo Batu Taba di Puun. Suah tu Nagari Ampang Gadang bapacah pulo dengan Pasia manjadi Nagari sandiri. Dahulu, sabalun ambo maninggakan kampuang tahun1966, dari Parik Putuih sampai ka Baso di Jalan Bukitttinggi-Payokumbuah, jaleh tabantang daerah Ampek Angkek dengan sawahnyo nan sayuik-sayuk sampai dari Bateh Tilatang Kamang sampai-sampai ka Lereng Bukik Batabuah jo Canduang. Bareh Ampek Angkek tanamo elok dan manjadi pilihan di Pasa. Tapi kini, pamandangan kenangan ambo tu lah indak ka basuo lai. Jalan Bukittingi-Payokumbuah lah panuah sasak jo kadai-kadai baruntun, oto lah mandaru langkok jo polusinyo kaujuang kapuun, indak dapek awak malenggang lai di Labuah Gadang. Sakitulah dahulu sakadar pangantar mancaliak Ampek Angkek dari dakek; pakai Taropong Ajaib dari kajauhan di Subarang Lauik Basa, di Tapi Riak nan Badabua, Santa Cruz, California, USA. Salam, --MakNgah mak ngah, uda Adyan, mak lembang , yo mak bandaro, menarik juo carito mengenai sejarah dan geografis ampek angkek tsb. kalau benar sejarahnya spt itu , tahapan proses penyebaran awal etnis minang dari pariangan , berarti daerah ampek angkek dan agam secara umum, adalah sebuah miniatur , sistem komunitas minang yg teratur. Ambo yakin bana memang baitu. Miniatur nan lengkap dan terstruktur sekali, spt. suatu organisme nan bisa hidup sendiri. Ado wilayah, ado pemerintah ninikmamak, dan ado sistem nan mencakup kasadoalahe. Kapatang ko Mak Ngah manamokan Ampek Angkek tu "supra-nagari". Tabik lo pangana.. Mungkin nan nagari nan dijamin dalam UUD 45 tu adolah saroman supra-nagari ko. Baitu pulo, katantuan "adat salingka nagari" mungkin balakunyo dalam skop supra-nagari ko. Hal iko akan labiah masuak akal kalau dipertimbangkan bahaso untuk bisa tagak surang, harus cukup kuaik tarutamo sacaro ekonomi: penghasilan penduduk, sawah jo ladang dst., syarat2 untuak mandukuang kehidupan sebagai suatu city-state atau mini-republic. Jadi nan disabuaik nagari tu di Minangkabau bukanlah nagari ketek seperti nan balaku sabalun awak badesa-desa, atau saroman nan balaku kini setalah "kambali ka nagari" nan dicanagkan oleh pemerintah: nagari terdiri dari 4 atau limo 'jorong', dengan penduduk lk 5000 s/d 8000 jiwa.. Terlalu kecil meskipun strukturnyo masih sama dan sebangun dengan "supra- nagari" nan disabuik Mak Ngah tadi. Nagari dalam ukuran kini mungkin tapek disabuik mikro-republik sajo. Sebagai perbandinan, "supra-nagari" untuak kampuang ambo, Pandai Sikek, kamungkinan adolah Batipuah Nagari Gadang, tampek kadudukan Tuan Gadang alias Harimau Campo Koto Piliang. Tapi babedo dengan Ampek Angkek, dimano ampek nagari sakali jadi, lalu mambuek sumpah satie akan manjadi satu supra-nagari, di Batipuah ko hanyo satu nagari gadang, yaitu Batipuah, dengan sapuluah kotonyo. Jadi, gambaran ambo, seperti suatu "burg" atau "borough" dengan sapuluah koto, atau "fort", atau benteng, di "perimeter" nyo. Sarupo bareh Ampek Angkek, bareh Batipuah juo terkenal santiang. Kalau di Ampek Angek daerah persawahan itu diindungi denga pakta, di Batipuah dilingkuang jo kubu dan parik.. Supra-nagari lainnyo, mungkin Limo Kaum, Sungai Tarab, Lintau, dan lain2. Kalau ditiliak-tiliak, namun rasonyo agak rumik dan subtil snek, tiok2 supra-nagari ko ado mampunyoi rajo masiang-2nyo. Cuma baa kolah manyasuaikan jo sistem pemerintahan suku dimano kekuasaan talatak di tangan niniak mamak pangulu, bukan rajo. Salain itu ado juo disabuik2 "federasi" nagari-nagari, misalnyo dalam buku Sumatra Barat hingga Plakat Panjang. Federasi tantu lain pulo lai aturannyo. Contoh dulu, seperti nan acok Hendra kamukokan, banyak nagari nan pakai bilangan, Ampek Koto, Anam Koto, dst. Kamungkinan iko namo beberapa federasi nagari. Iko teori ambo sajo baru, tapi jangan2 alah diuraiken oleh urang bulando Westenek tu.. awak se nan alun mambaconyo. Hendra, nagari-nagari tuo mungkin iyo labiah strict dalam pegaturannyo, tapi mungkin ado prosedur-prosdur lain bagi daerah rantau, surambi, ujuang darek, dsb. Bagi urang minang indak ado nan indak sistematis. Sagalonyo pakai "Ukua-jangko", "Barih jo Balabeh", dan setrusnya.... Wassalam, Website http://www.rantaunet.org _____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ____________________________________________________
