Assalamualaikum,wr,wb. Fred, kini ambo alah di Palembang baliak, tarimo kasih ateh atensinyo ka ambo, walau kito indak sempat basuo.
Anak ambo nan padusi tu alah dapek tampek kost permanen di Jatinangor, lokasinyo di bulakang Hotel Jatinangor, memang agak jauh dari pintu gerbang Unpad, tapi tampek nyo lai asri dan nyaman, cukuik sakali naik angkot alah sampai di pintu gerbang Unpad tu. Labiah rancak dari pado anak ambo tu batahan kost di Dago nan harus naik angkot + Damri ka Jatinangor nan bisa mamakan wakatu sajam labiah. Mengenai perjalanan ambo dari Jatinangor - Banduang - Jakarta - Merak - Bakauheni - Palembang dapek ambo caritokan sangenek untuak bekal persiapan dunsanak kasadoalahe pulang ka kampuang di bulan puaso di muko adolah sbb : Dari Jatinangor kito lansuang masuak tol, karano ambo harus singgah di Plesiran (tampek kost anak ambo nan partamo) mako di pintu tol Pasteur ambo masuak ka kota Banduang daulu. Jatinangor - Pasteur mamakan wakatu satangah jam dengan kecepatan normal antaro 60 - 80 Km/jam. Kalua pintu tol pasteur, kito dihadang dek macet, tarutamo manjalang jalan layang Pasopati. Diateh pasopati ko kito babelok kakida ka jalan Juanda taruih masuak ka ITB. Setelah salasai mambali oleh2 di Kartika Sari, babaliak lai ka tol Pasteur, macet indak alang kapalang tangguang, karano hari libur tigo hari (tgl 2, 3 dan 4 September) mako kota Banduang dibanjiri pendatang nan dari Jakarta khususnyo nan akan babalanjo di Factory Outlet nan ado di Banduang. Perjalanan di tol Pasteur manuju Jakarta melalui tol Cipularang mamakan wakatu labiah kurang duo jam dengan kecepatan normal. Jakarta - Merak pun duo jam pulo. Manyubarang Merak - Bakauheni pun demikian juo duo jam. Bakauheni - Palembang melewati lintas timur, habih wakatu labiah kurang 10 jam, itu kecepatan bervariasi, dijalan nan rancak bisa kito tancap lari 100 Km/jam, tibo dijalan nan ba-batu2 kecepatan turun manjadi 30 km/jam. Pado jalan lintas timur ko ado duo alternatif jalan nan akan kito lalui, partamo jalan lintas timur nan biaso kito lalui yaitu : Bakauheni - Bandar Lampuang - Bandar Jaya - Tulang Bawang - Pematang Panggang - Kayu Agung - Indra Laya dan Palembang. Jaraknyo labiah jauah, tapi kondisi jalan relatif rancak dan rami, jalan malam indak ado masalah, khusus non sedan. Jalan alternatif bisa kito jalani yaitu : Bakauheni lansuang belok ka suok - Way Jepara - Seputih Banyak - dan tembus ka Tulang Bawang, jalan labiah singkek kilometernyo, tapi kondisinyo sebahagian masih dalam penyelesaian (rusak berat) dan sebahagian mulus ibarat jalan tol khususnyo ruas antaro Seputih Banyak - Tulang Bawang. Untuak jalan malam, usahlah dilewati, sebab daerahnyo masih sepi dan banyak simpang2 nan maragukan. Antahlah kalau di bulan puaso ko capek dikarajokan dek pemerintah daerah Lampuang, mungkin jalan ko manjadi alternatif nan cukuik reasonable. Kaduo jalan tersebut alah ambo lalui kapatang ko, yaitu wakatu pai dari Palembang - Banduang lewat jalan alternatif tu dan pulang lewat jalan biaso. Mungkin dek karano masih alun rancak kaseluruhannyo mako jalan alternatif tu indak ado bus atau truk nan malewatinyo, sahinggo kito di jalan nan rancak antaro Tulang Bawang - Seputih Banyak tu oto bisa kito larikan sampai kecepatan 120 km/jam, jalan sepi, kiri - kanan kito hanyo perkebunan sajo, indak ado rumah penduduk. Salapeh jalan tu, kito dihadok i dengan jalan nan sebahagian rancak sebahagian hancua dek karano tanah jalannyo alun stabil / alun dikareh i, banyak lubang dan batu baserak ditangah jalan.. Kondisi jalan antaro Tulang Bawang sampai ka RM Pagi Sore Teluk Gelam (sasudah Kayu Agung dari arah Palembang), jalan masih banyak nan di cor saparo2, kadang2 kito basuo nan dicor sabalah suok sajo sahinggo jalan nan disabalah kida nan alun di cor bagantian kito masuak sahinggo terjadi macet nan cukuik panjang. Sebahagian nan alah dicor total, disinan kito bisa mamacu oto kito untuak mahemaik wakatu, tibo di jalan nan alun stabil tanah nyo dek karano alun di cor dan baru sudah ditinggikan dari jalan nan lamo, disinan lah kito basihensuik / marangkak kecek urang, karano jalannyo banyak batu pacah dan bolduzer sadang karajo manundo tanah untuak maratokan jalan. Insya Allah di hari rayo bisuak jalan lintas timur akan semangkin rancak. Info tentang jalur Palembang - Tempino - Muaro Bungo - Solok alun dapek ambo jalehkan kini, baeko kalau ado informasi nan ambo tarimo akan ambo sampaikan, tapi nan ambo danga terakhir, jalan masih buruak antaro Sungai Lilin - Bayung Lincir dan rawan lonsor di Muaro Kalaban - Solok, berhati-hatilah ............!!! Sekian oleh2 perjalanan ambo salamo labiah kurang saminggu pulang baliak Palembang - Banduang - Palembang dari tgl 27 Agustus s/d tgl 4 September barusan. Semoga informasi ko ado gunonyo bagi dunsanak kasadonyo. Bagi nan ingin mandapekkan Sketsa Lintas Sumatera edisi terakhir sesuai pengalaman tadi, silahkan japri ka ambo, baeko akan ambo kirimkan file nyo sebagai panduan untuak pulang basamo di hari rayo bisuak ko. Wassalam, HM Dt.MB (48+) HP : 0812 7834825 > Waalaikumsalam wR wB, > > Indak baa doh kost di Dago, 'kan ado bis kota dari muko kampus Unpad > dipati ukur ka jatinangor. > > Aduh maaf pak, ambo indak bisa menemui pak mulyadi salamo di Bandung, > kebetulan sadang di luar kota. Baru baliak hari Sabtu pagi. > Bialah nanti-nanti kalau pak Mulyadi ka Bandung siapo tahu ado waktu > bisa kito maota-ota. > > Wassalam, > --fred Website http://www.rantaunet.org _____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ____________________________________________________
