Angku Darul jo Mak Ban,
Iyo tu Mak Ban, bak kecek Angku Darul tu, Musajik Raya di Pasa Ateh dakek
gaduang sinema sisuak. diadokan sinema (kudian banamo Irian?) banyak tukang
ubek tiok ari pasa, antaro lain Datuak Dalu nan musahu jo ota Ubek
Piruruahnyo nan dijaminnyo lakeh mareaksi. Keceknyo: "Puik kato Kantuik,
Car kato Cik Gaca. Kok angku bae manyonggeng, balancaran tigo meter ka
bulakang... " :) Dimaa lah Datuak Dalu kini eh?
Musajik Tangah Sawah tu dinamoi urang Musajik Aguang kini du. Tampaknyo lah
dipagadang, agak balain jo Musajik Tanah Sawah nan kito katahui saisuak
wakatu Rumah Nek Zahara masih ado. Tabek nan mak Ban sabuik tu mungkin
tabek nan sabalah ka barat Musajik tu, diadokan Mihrab, sabalah ka kida
jalan arah ka Surau Gonjong sisuak. Sadangkan tabek nan ambo mukasuik, nan
punyo Tuo Zahra tu adolah nan sabalah kida jalan ka Surau Gonjong tu,
antara Rumah Tuo Zahra jo "apartment" (Rumah Petak) nan dimukasuik Angku
Darul maso saisuak tu. Ambo caliak rumah petak tu masih ado, tapi lah
basalingkik, karano di Tabek Tuo Zahra jo Rumah baliau sasisuak tu lah
dibangun rumah-rumah batu, ambo kaliru. Indak ado urang nan tahu jo awak doh.
Dari jandela Tuo Zahra tampak sajo rumah petak tu di tapi tabek, di sinan
Nak Gadih Rancak Palembayan tu tingga di suduik sabalah ka selatan,
batantangan jo jandela kami di rumah Tuo Zahra.
Di Pavilyun Tuo Zahra tu tingga Tuan, Tuan aa garan namo liau... dari
Sungai Pua juo (kini almarhum) , punyo toko sipatu di Pasa Ateh dakek Jam
Gadang. anak-anak baliau wakatu itu gadih-gadih ketek umua 3 jo 5 tahun,
mungkin lah di Jakarta lo kini tu. Di Paviluyun ciek lai dakek dapua Tuo
Zahara tingga pulo urang Sungai Pua manggaleh babelok ka Kubuak Sikapiang,
suami isteri, anaknyo waaktu itu (1961) di SMA-Birogo lo, namonyo si Is (?)
lupo ambo. Mungkin inyo di maling list SMA-1 lo kini?
Kalau Angku Darul "barulang kali tingga di Tgh Sawah, Sajak TK (1955)-SD
putuh dek PRRI ..." ambo wakatu tu maaja di ST-2 Jalan Lambau. Ambo tingga
di rumah Tuo Zahra tu 1961-62 sasudah PRRI sambia baliak maaja di ST-2 dan
baliak kulah ka B-I Sejarah di Kayu Ramang. Tahun 1966 ambo alah
maninggakan Bukittinggi, kartu panduduak ambo nan terakhir masih Jalan
Tangah Sawah 30 Bukittinggi nan indak ado lai tu kini. Kalau Angku Sueb tu
tingga di "apartment" tu mungkin kam lai basobok, tapi Mak Ngah kurang
takana mek jo baliau. Mudahan ba;liaua lai takan jo ambo. Banyak anak-anak
SMA-Birugo tingga sinan. Ado anak gadih rancak ciek lai dari Biaro gai, si
Um namonyo, indak panah pulo basuo sampai kini. Kabanya manikah jo urang
deplu dan panah tingga di Kuala Lumpur. Mungkin Angku Adli atau Angku
Elthaf nan mungkin saangkatan wakatu itu takana tu. Si Um adiak dari Ester
Fahmi Koto Ujuang.
Salam,
--MakNgah
42652
From: "darul" <[EMAIL PROTECTED]>
Date: Thu Sep 8, 2005 8:25am
Subject: Re: Tangah Sawah RE: [EMAIL PROTECTED] Ambo ka Padang
Agak binguang ambo, masajik raya kan indak ditangah sawah doh, tapi dipasa
ateh, dakek Irian kan? Indak ado tabek disinan doh.
Kalau nan ditangah sawah tu namono kini masajik Aguang.
Salam
St.P
From: "A Bandaro" <[EMAIL PROTECTED]>
Date: Thu Sep 8, 2005 6:33am
Subject: Tangah Sawah RE: [EMAIL PROTECTED] Ambo ka Padang
Samo wak du Capt.
Ambo barulang kali tingga di Tgh Sawah,
Sajak TK (1955)-SD putuh dek PRRI - SD, SMA.
Terakhir 1970 tingga di "apartment" si In toko Maju.
Dimuko musajik Raya (mihrab), subarang tabek.
Jalan ketek antaro tabek jo "aprtment" kini lah jalan oto.
Aia diambiak jo embe, maisi kamar mandi.
Makan di Gantino Baru.
Mak Ban (55)
~~~~~~~~~~~~~~~
-----Original Message-----
From: [EMAIL PROTECTED] [mailto:palanta-
Assalaamu'alaikum W W.
Mak Ngah, rumah nan mak Ngah caritokan ko, iyo manjadi kenangan pulo dek
ambo koh. Ambo sering kiun dulu dan nginap disitu, dek uda ambo kalau
ndak
salah tingga dirumah nan mak Ngah caritokan tu. Dari bulkakang musajik
awak
bisa lalu lewaik pimatang tabek, kalau dari stonplat Aua Tajungkang doh
kioh. Ambo sering maantaan bareh jo maco untuak uda mbo tu, kalau ano
indak
sempat pulang ka Canduang. Uda tu SMA B tahun 60-64, mungkin mak Ngah
kenal
jo M. Sueb, nan jadi prajurit ex Tidar?
Kalau bacarito kenangan Tangah Sawahko iyo sakambuik, dek ambo iyo ampia
3
tahun tingga disinan, salamu mangaji di Lanbau.
Wassalaamu'alaikum W W.
Darul Makmur
----- Original Message -----
From: "Sjamsir Sjarif" <[EMAIL PROTECTED]>
No virus found in this outgoing message.
Checked by AVG Anti-Virus.
Version: 7.0.344 / Virus Database: 267.10.19/93 - Release Date: 9/8/2005
Website http://www.rantaunet.org
_____________________________________________________
Berhenti/mengganti konfigurasi keanggotaan anda, silahkan ke:
http://rantaunet.org/palanta-setting
____________________________________________________
