Assalamu Alaikum W. W. Mak Ngah, Kok si Timi tu lai takana dek ambo sekitar 1955-1956 kuliknyo agak putiah sarupo cino rambuiknyo babalah ditangah dan balapiah duo. Iyo agak lupo2 ingek ambo. Mak Ngah ambo iyo taragak mangaku kasalahan ciek wakatu sikola dulu. Indak parnah ambo bukak wakatu dulu tapi mungkin indak baa kini dibukak leh. Pada suatu pagi ambo piket (tukang barasiahkan) dikelas 1 (2?) yang ketua kelasnyo Ali Umar dari Sungai Pua (Cingkareng) - awak suko mamanggia Ali Umar ko jo Pak Uwo karano inyo alah agak baumua dari awak dan inyo lah basarawa panjang. (Kalau iduik juo kini inyo saumua kak Lela jadi kiro2 73 atau 74). Lah sudah mambarasiahkan kelas ambo tengok papan ketek untuak mangisi absen tagantuang. Datang usil ambo ambo tulis disinan jo kapua "Ali Umar" mati. Biasonyo isinyo izin, sakit, atau alpa. Lamo2 katiko kamangisi absent tu nampak dek Ketua Kelas tu namonyo lalu inyo mangadu ka pak Djaka. Sudah tu dikumpuakan awak sekelas ditanyo dek pak Djaka sia nan mambuek tu - Pak Djaka curiga karano tulisan ambo agak sarupo tulisan urang laki2 inyo mancaliak kaanak laki2 lalu dihariaknyo "Mengakulah Siapa yang berbuat harus bersifat kesatria" kato pak Djaka. Ambo mancicik dek takuik indak ambo sangko kasarupo itu akibatnyo doh. Tantu indak ado anak laki2 nan ka mangaku karano nan mambuek tulisan iyolah ambo. Dimanokah Ali Umar tu kini mungkin lah maningga agaknyo - sajak tamaik sikola ambo indak paranah basobok jo inyo do. Sakian kaba dulu Mak Ngah salamaik bernistalgia. Wassalam Bundo Nismah
-----Original Message----- From: [EMAIL PROTECTED] [mailto:[EMAIL PROTECTED] On Behalf Of Sjamsir Sjarif Sent: Thursday, September 08, 2005 10:49 PM To: Lapau Subject: Re: [EMAIL PROTECTED] Info Sehat : Sehat Dengan Cabai; Dek Cughu Angku Syafrinal, Kalau dek cughu, atau dek coghek ko iyo ndak bagaghah lai tu jo. Bisa maghaghaw awak debuek ee, atau sampai maghoggoh saghawa wa dibuek ee tu mah.. :) Ooyyaiyai, takana lo kawan Makngah maso saisuak nan suko baghaghah-gaghah soal mancughu-cughu jo mancoghoh-ghogoh ko. Dima lah nyo kini? Namonyo Siti Atmi, anak gadih ghancak, suko baghagah, lucu-lucu bana bana gahgahnyo, istimewa jo soal-soal dialek daeghah ko. Inyo nak rghang Piaman tu bana, anak Pak A. Rivai Yogi dari Kantua Panaghangan Sumategha Tengah dahulunyo. Tahun 1958 sabalun bagolak kami samo-samo di B-I Sejaghah di Bukiktenggi. Gaduang B-I tu di basah Tri-Arga di Jalan Kayu Ghamang. Gaduang tu indak ado lai kini karghano ti tanah tu lah dibuek urgang Gaduang Novotel nan makan gaduang Pangadilan Naghaghi juo. Kami samo-samo indekos di Kayu Ghamang, di ghumah Om Unuih, Famili Foto Studio dahulunyo, Bukittinggi. Wakatu tantagha Sukaghono mambom sendergh ghadio di Bukittinggi, 21 Febghuaghi 1958, banyak mahasiswa balinduang tatiaghap di bulakang gaduang kami waktu itu. Sasudah aman, Siti Atmi maibo-ibo saghoman manangih manggegek katakuikan. Tapi gahgahnyo saghoman tu juo bacaghito ka kawan-kawan sambia galak pencong: "Iyo sabana tapanca kahgaie den..." keceknyo sambia mambaghuik-baghuik oghoknyo ... :) Mungkin inho makan nasi gogheng lado sapagi tu. Oi Ti Atmi, dima lah Cik Uniang kini k haa? Sajak 1958 tu kami indak basuo lai .... Salam, -- Salam Website http://www.rantaunet.org _____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ____________________________________________________
