Assalaamu'alaikum wa rahmatullahi wa barakaatuhu, Contoh nan diagiahkan dek dunsanak Yul iko rancak. Baa kalau nan kamaliangan mamaafan urang nan mamaliang, apo paralu juo lai di karek tanganno? Jawabno indak. Jaan an nan mamaliang, nan mambunuah, kalau dimaafkan dek ahli warih nan tabunuah, indak dibalakukan hukum qisas lai doh. (cigoklah al Quran surek al Baqarah ayat 178 tu). Manjalankan hukum tadi harus jo sa adia-adia no. Paralu pulo panalitian, baa mangko si Fulan sampai manciluik, bara aragono barang nan diciluikno tu, untuak aa no manciluik. Jadi indak sarupo nan dikarajoan samantaro urang di tapi jalan kiniko do. Tatangkok pancopet, indak ba-bi-bu lai abih pancopet tu ditangani urang banyak, kadang-kadang, bahkan acok kali, sampai mati. Aa kan lah salah lo baliak malakek-an hukum namono du? Dek awak mahukum jo nan katuju di awak surang. Indak jo rujukan ka kitab Allah, ka hadits Rasulullah.
Itu sajolah daulu. Wassalaamu'alaikum, Lembang Alam (nan dibawah singajo indak ambo karek untuak dunsanak di palanta) ----- Original Message ----- From: <[EMAIL PROTECTED]> To: <[EMAIL PROTECTED]> Sent: Sunday, September 11, 2005 7:00 PM Subject: Re: [surau] Re: [EMAIL PROTECTED] Shariah Islam > Wa'alaykumsalam w rahmatullahi wa barakaatuhu, > > Sakalupun Ust. Lembang Alam hanyo manyabuik namo Mak Boes, ambo yakin dek di > surau ko, tantu dimukasuikkan juo ka sakalian dunsanak nan ado. > > Ado mbo pernah mambaco. Syar'iah ko mangatur ibadah dan mu'ammalat. Kok dapek > pulo disabuik, hubungan manusia jo Allah dan hubungan manusia jo manusia. > > Soal hubungan manusia jo manusia ko. > Misalkan lah rumah ambo dikupak urang, komputer ambo nan ado Linux di dalamnyo > raib. Sadangkan piti nan mbo suruakkan dibawah tampek tidua indak ilang do. > Baitu pulo jo nan lain. > Setelah tibo tim penyidik syar'iah, diperoleh kesimpulan, kironyo anak samang > mbo nan manciluk. Satalah ditanyo, katonyo dek anak liau nio baraja komputer > pulo. Kok mamintak, takuik ndak dapek. > Lalu tabik ibo di hati ambo, perbuatannyo ambo maafkan. Mungkin salah diambo > pulo dek gaji anak samang ketek. Komputer mbo suruah pakai dek anaknyo. Ambo > agiah gratis. Ambo datangkan bagai guru les. > > Apo anak samang mbo ko tatap di potong tangannyo? Samantaro perbuataanyo alah > maingekkan ambo untuak mamparatian nasib urang nan dibawah? Rahmat Allah SWT > kan datang lewat sia sajo. > > Pandapek logika ambo, dek Allah Maha Penyayang, tantu liau ko di maafkan asa > io bana batobat. Dan itu nan tau hanyo Allah SWT. Dan ambo nan indak maraso > marugi, indak tega pulo tangannyo di karek-karek. > > Di hukum pidana kini, sekali pun sdh ada pemaafan, masalah tetap harus > dilanjutkan ke tingkat persidangan. > > Kok sakironyo dek maaf ambo tu, mako batal lah hukuman karek tangan, mako itu > manandokan baitu gadangnyo peran manusia manantukan hukum hubungan manusia > dan manusia. Itu syar'i, ndak? > > Seseorang nan mancilok tarompah di musajik, bilo ndak dimaafkan dek urang nan > punyo tarompah, pengampunan taubatnyo ditunda Allah. Itu kato guru-guru di > musajik, mbo danga. > > Sekalipun ado hukuman mati di kamar gas, tetap ado calon nan manunggu giliran > masuak ka kamar gas tsb di Amerika (CMIIW). Ndak takuik-takuik urang doh. > > Wassalam, Yulmizar. Website http://www.rantaunet.org _____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ____________________________________________________
