Kalau gaji dipotong untuak bakeh bini........ Aaaa itu paninggalan mendiang Ibu Tin jo PP 10 nyo tu. Sajak zaman Hamzah Haz lah hilang pulo
Nan parahnyo dulu tu, sabalun mandapek izin untuak maju ka pangadilan mamproses carai tu, ado pulo perusahaan nan nanyuruah ma isi pormolir untuak dipotong gaji, sapatigo untuak anak. Sapatigo untuak jando tu. Tinggalah gaji sapatigo lai untuak badan buruak ko. Apo nan ka dapek lai jo sapatigo gaji tu. Namun ado ciek lai nan kadang-kadang urang padusi 'rancu' (bagalau) kalau ano dicarai-an lakino, kudian mamintak arato 'gono-gini' kecek urang di Jawa. Ikopun tamasuak adaik / budayo sajo. Di dalam Islam indak ado aturan sarupo itu do. Nan ado, kok nyampang timbua pacarai-an dalam sabuah rumah tanggo, apo-apo nan alah dihibahkan, diagiahkan ka binyi, indak buliah dimintak baliak. Tamasuak mahar, tamasuak rumah kalau rumahtu alah diagiah-an kano, tamasuak parhiasan kalau barang parhiasan tu alah diagiah-an kano. Tapi nan di lua itu indak ado kawajiban lakitu lai do. Ado juo tajadi kasus, laki binyi bacarai, sudah tu mangadu sampai ka personalia, kasudahanno biko gaji laki nan masih bakarajo musti dibagi duo, sapaduo untuak mantan binyi (nan alah dicarai-an tu). Iko indak ado dalilno pulo kalau manuruik syariah. Kacuali untuak anak. Kalau anak dibawah asuhan mantan binyitu, barulah buliah, sabab mantan binyi lai ado sadangkan anak indak disabuik mantan anak do tapi tatap anak sajo. Singgo iko pulolah dulu. Ambo ka capek lalok. Alah pukuah satangah sapuluah lewaik limo di Jatibening. Wassalaamu'alaikum, Lembang Alam Website http://www.rantaunet.org _____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ____________________________________________________
