Wa'alaikum salaam wa rahmatullahi wa barakaatuhu,
Sutan Rumah Panjang,
Kalau basabuik-an ka piluru badia-badia buluah jadi jaleh
baliak di ambo du. Jambu ayia namono dikami du saisuak,
iyo itu pulo kagunono. Ka piluru badia-badia tu. Tumbuahno
di tapi batang ayia biasono.
Wassalamu'alaikum,
Lembang Alam
(Insya Allah kapai ka Baliakpapan patang ari ko, agak duo
ari disinan)
On Mon, 12 Sep 2005 10:58:37 +0700
Adyan <[EMAIL PROTECTED]> wrote:
Assalamualaikum w.w.
Iyo mantun mah, mak Ngah.. Kalumpang tu ruponyo sabangso
kayu gadang nan dapek diajadikan "landmark" panandoi
nagari-2 nan utamo, jadi samo fungsinyo jo baringin.
Salain tinggi, umuanyo bisa panjang pulo. Mungkin kayu
kubang tamasuak kategori iko juo.
Ambo raso banyak namo-namo kayu nan mulai punah, baik
pohonnyo maupun namonyo. Barangkali 'bangkaweh' adolah
namo kayu juo. Di parak bulakang rumah ambo dulu masih
ado "bayua," "langsano," dan kayu "kamuniang." Kamuniang
rancak untuak tangkai pisau, kapalo tungkek, dll.
Warnanyo kuniang bakilek, indak paralu dipelitur lai.
Jamberang ko dulu banyak tumbuah di kampuang ambo.
Sabangso jambu juo, daun dan putiaknyo samo jo daun dan
putiak jambu.. perbedaannyo putiak jamberang tu indak
namuah jadi buah do.. lauyua dan rareh sajo. Pucuaknyo
nan kamerah-merahan atau kakuniang-kuniangan kalau
dimakan rasonyo agak asam-asam kalek. Manganyang juo
bagi awak nan dan lapa-lapa-i maso ketek-ketek daulu.
Umbang jamberang ko rancak jadi "bongka", atau peluru,
badia-badia batuang nan tabuek dari sarueh ranggeh
batuang, bakaliber 6 mm...
Kulit batang jamberangko, diambiak patinyo, rancak
untuak ubek kada gestapu.
========================================================================================
Semarakkan Ulang Tahun Kemerdekaan RI dengan mengikuti TelkomNet Netkuis 17-an
Dari 17-08-2005 s.d 17-09-2005. Dan dapatkan hadiahnya..!! hanya di
http://netkuis.telkom.net
========================================================================================
Website http://www.rantaunet.org
_____________________________________________________
Berhenti/mengganti konfigurasi keanggotaan anda, silahkan ke:
http://rantaunet.org/palanta-setting
____________________________________________________
