Urang tu bisa mambali baru kan dek pitihnyo ado, sahinggo inyo bisa manggaregak ka panjua. Kalau awak kan ba utang atau credit ekspor lah namonyo. Nenek ambo kalau ka lapau keceknyo "BA-ANDUAK" se dulu, indak bautang do. Jadi bak kato urang lapaulah nan ma nan buliah di "anduak" tu. Disampiang tu mungkin baru disitulah baru kamampuan kito.
Apolai kalau indak barang baru kan haragonyo bisa digadelekan. Agak susah manantukan tarif sarato manantukan kondisinyo. Pangguntiangan untuak Aspak-apak nan ma-uruih bisa agak taba pulo. -----Original Message----- From: [EMAIL PROTECTED] [mailto:[EMAIL PROTECTED] On Behalf Of Sjamsir Sjarif Sent: Thursday, September 15, 2005 12:17 PM To: Lapau Subject: Re: [EMAIL PROTECTED] Mesin Bergetar Keras--Garuda Balik ke Ngurah Rai; Barang Bakeh Iyo agak babeda caro pamikiaran awak jo Nagara Jiran awak nan salamo ko kito remehkan, bahan ingin kito ganyang-ganyang sajaknyo mulo mareka mardeka, sampai kini bagaregak-garegakinyo kabaganyang saroman isu-isu Ambalat patang ko. Baiak di Malaysia atau Singapura, mareka mambali barang-barang dan caro-caro teknik infrastrukturnyo nan paliang mutakhir. Misanyo Subway jo LRT (right rail train) di Singapura adolah nan paliang baik, baitu juo di Kuala Lumpur. Awak samo-samo korban parang Japang, tapi nagara Jiran tu indak namuah manarimo barang rengsekan doh. Wakatu MakNgah basiarak ilia-mudiak di Malaysia sampai-sampai ka Kota Bharu, mancaliak Malaysia mambangun jalan-jalan gadang (Lebuh Raya Negara) iyo minta ampun awak. Dari Kota Baharu arah ka KL malalui Gunung Musang, jalan-jalan bingkuak tu dipaluruihnyo. Kok Bukik mahambek, ditarahinyo, kok lurah mahalang ditimbuninyo. Di awak? Caliaklah tu sakadar contoh saketek, Jalan Kelok Sambilan, dibandiangkan jo jarak-jarak jalan sacaro relatif, cuma salangkah, atau sajangka panjangnyo. Alun jadi sudah lai, lah rampak, pitih lah habih, bangkalai juo jadinyo... Dicaliak dalam gambar di Website, alangkah rancaknyo, tapi kabanyo indak sandereh doh. Sahinggo lah manjadi panyakik, kok kapai ka Pakanbaru dari Bukittinggi, lalok-lalok lu di Lubuak Bangku atau marangkak saketek-saketek. Kok koretapi? Jan disabuik lai. Rel Jalan Koretapi Padangpanjang-Payokumbuah ditimbuni jo luluak, tantu lah bakarek. Kok baluik ditimbuni jo lunau lai ka baranak pinaknyo. Kok kapelo batang tantu lai ka tumbuah ureknyo untuak di buek karupuak sanjai. Iko basi. Diateh jalan koretapi tu tumbuahlah kadai-kadai (lia?) sapanjang jalan marusak pamandangan jalan suok kida. --Nyit Sungut Website http://www.rantaunet.org _____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ____________________________________________________
