Assalamu'alaikum warahmatullahi wabarakaatuh. Ma sagalo adidunsanak jo anak kamanakan di salapan pinjuru angin,
Hari Sabtu nan lalu, tgl. 10-09-05 ambo juo dapek hadiah. Sakiro pukua sapuluah pagi ambo dapek talepon dari satu perusahaan nan bakantua di Ulak Karang. Di ujuang talepon surang cewek mangecekan bahaso pemilik nomor telepon tapiliah untuak manarimo bingkisan dalam rangka ulang tahun perusahaannyo, dan hari tu adolah hari teakhir, jadi musti diambiak hari tu. Pailah ambo ka sinan dan ambo memang diagiah kado nan banomor 187 (sasudah dibukak bungkuihnyo, isinyo mikrofon biaso untuak bahalo-halo atau karaoke buatan Cino, barangkali). Ambo dilayani dek anak gadih rancak. Keceknyo, kebetulan nomor kado ambo masuak dalam 15 urang nan berhak mancabuik salah satu dari 15 amplop nan baisi tambahan hadiah nan labiah gadang. Dek lah hari terakhir amplop tingga 6 buah. Ambo disuruah mancabuik, tapi sabalun itu nyo tarangkan bahaso kalau tacabuik amplop nan bahadiah tu, ambo musti mambali salah satu produk dari 6 unggulannyo nan baharago paliang randah 5.090.000 rp. Untuak iseng-iseng ambo cabuik dan sasudah dibukak, isinyo karateh batulisan gadang2: ANDA BELUM BERUNTUNG, CABUT SEKALI LAGI (ado juo cuma ANDA BELUM BERUNTUNG, TERIMA KASIH) co nan dipaliekkan pegawainyo ka ambo nan lah dicabuik urang lain. Sasudah ambo ambiak ciek lai, sado pegawai disinan tagalenjek, lansuang basorak, ternyato isinyo memang ambo dapek hadiah utama. Nyo tanyoan ka kantua puseknyo di Palembang dan dapek jawaban, hadiah tu cuma ciek sajo untuak seluruh cabang. Kecek kantua pusek, kalau ambo mambali salah satu produk unggulan tu ambo akan dapek hadiah 5 macam barang: 1. 1 bh. microwave nan gabuang jo oven SANYO gadang saharago Rp. 6.310.000,- 2. 1 bh. Air Cooler nan anginnyo ba-ion-negatif Rp. 6.100.000,- 3. 1 set panci stainless steel, 17 buah, Rp 790.000,- 4. 1 bh. DVD Player SHUGASU Rp 525.000,- 5. 1 bh. kompor gas EXCEL Rp 225.000,- Jadi jumlah harago hadiah dari tarif daftar harago di kadainyo tu (perusahaan ko distributor, indak pengecer doh, keceknyo) Rp. 13.950.000,-. Iyo tamanuang ambo dibueknyo. Produk unggulan nan termurah tu adolah MINERAL WATER POT buatan Korea. Sudah tu ambo tawarkan ka cewek tu: Ambo lah punyo microwave, mineral water pot, DVD player dan kompor gas. Kok lai amuah nyo manolong manjuakan ka urang lain barang-barang tu, minimal microwave jo mineral water pot, ambo ambo bali produknyo tu. Keceknyo OK, tapi paratengon pribadi antaro inyo jo ambo, indak jo perusahaan. Akhirnyo ambo tutuik transaksi tu, dan kini lah taungguak sasuduik biliak barang-barang ko di dangau ambo. Lah co gudang biliak tu. Jadi hadiah ko indak kicuah bagai doh. Iyo sabana diagiahannyo, perai. Kok ado nan amuah mambali di antaro adidunsanak jo anak kamanakan di salapan pinjuru angin ko, ambo jua. Harago tantu bisa nego. Baa, sia nan bagak? mak Sati (68->69) Tabiang, Padang ----- Original Message ----- From: "boes" <[EMAIL PROTECTED]> To: <[email protected]> Cc: <[EMAIL PROTECTED]> Sent: Saturday, September 17, 2005 6:34 PM Subject: [EMAIL PROTECTED] awas tertipu/ditipu > > > Teliti Sebelum Anda Membeli > > TANGGAL 29 Juli 2005, saya mendapat surat dari Blue Top Jakarta, yang isinya > saya mendapatkan hadiah. Hadiahnya boleh memilih sendiri, TV 21", HP, > juicer, kamera. Tanggal 2 Agustus 2005, saya datang ke Blue Top Mollis dan Website http://www.rantaunet.org _____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ____________________________________________________
