Assalaamu'alaikum wa rahmatullaahi wa barakaatuhu,
Inti dari sagalono tu manuruik ambo, jaan capek bana
tagiur (antah baa
bahaso Minangno nan batua tagiur ko goah). Caro urang ka
mangicuah kini di
nagari awakko iyo sabana tarang-tarangan. Kalau awak
pancapek kanai ati,
pancapek arok ka balabo, murah di urang mangicuah awak.
Ambo bakali-kali
manarangkan ka urang rumah hal nan sarupo contoh iko,
katiko tibo-tibo ado
undangan dari toko 'Anu' maundang datang katokono
manjapuik hadiah, kalau
bukan tv 20 inci atau minicompo atau vacuum cleaner. Ambo
kecek-an, iko
pasti kicuah. Dima pulo ka mungkin indak ado barado
tibo-tibo urang alah
maundang awak sin manjapuik hadiah. Carito nan sangaik
mirip jo conto
dibawah alah duo tigo ambo danga. Dan hasiano persis samo,
iko adolah
langkah awal untuak mangicuah. Ado pulo modelno urang nan
di agiah voucher
saarago 500 ribu rupiah. Manggarik sakali jakun-jakun
urang mancaliak angko
500 ribu tu. Bagageh pai kian, katoko nan mangiriman
hadiah tu. Tibo
disinan, iyo batua, dan voucher untuak dipagunoan mambali
galeh nan ado di
kadai tu. Dan hanyo barang-barang tatantu sajo, nan
haragono alah
dipagadeleanno sademikian rupo. Misalno tv 20 inci, nan
arago di toko lain
sajuta rupiah, di no aragono sajuta limo ratuih, bahkan
labiah. Silahkanlah
bali, jo manggunoan karateh tipu tu.
Ado pulo caro lain anan acok bana pulo ambo alami. Talepon
dari PT Angin
Ribuik nan sangat akrab jo ambo, antah dimaa no tau namo
panggilan ambo.
Maagiah tau bahaso ambo di undang untuak mampagunoan
fasilitas manginap di
hotel 'Anu' salamo tigo ari duo malam. Jo sagalo fasilitas
nan wah. Iko
dalam rangko promosi, soft opening, PT Angin Ribuik.
Untuak itu kadikiriman
urang ka tampek ambo untuak maantaan undangan resmi tu.
Jawek ambo biasono,
paliang indak alah ado 4 - 5 kali, 'tarimo kasih, ambo
ndak baminaik'. 'lho
kok nggak berminat? Ini free lho pak. Kami mendapatkan
nama bapak dari
rekomendasi pelanggan kami yang sudah menggunakan
fasilitas ini,' jano.
'Sakali lai, no thanks,' jawek ambo. Dimaa pulo kamungkin
ado urang antah
sia-sia ka amuah sin maagiahan hadiah gratis sarupo itu,
kaji nan indak
kamungkin sajo. Mako adolah surang kawan ambo nan mancubo
sacaro iseng-iseng
mandatangi PT Angin Ribuik nan maagiah-an hadiah manginap
di hotel babintang
tigo ari duo malam tu. Kirono parsyaratanno, musti manjadi
anggota club
antah aa lah namono. Kalau alah manjadi anggotako,
santiangno, buliah
mampagunoan fasilitas hotel (disabuikno namo hotel
santiang-santiang di
sabalik dunia) 30 hari kumulatif sataun. Di maa sajo. Aa,
sudah itu biko
saraikno lai, mambayia kaanggotaan sakian puluah ribu par
bulan, untuak taun
partamu dibayia kontan. Nampaklah disiko 'kasantiangan' PT
ko. Katiko datang
ka kantuano tu, antah baa carono, dimintakno kartu
identitas talabiah daulu
(KTP), kecekno untuak data kaanggotaan. Katiko kawan ambo
mangecek-an
kasudahanno bahaso awakno indak atau alun tatariak lai
untuak jadi anggota,
diansikno sajadi-jadino, sabana alah mamaso untuak manando
tangani
kaanggotaan tu sarato mamabayia iyuranno katiko itu juo.
Buliah pakai kartu
kredit. Bahkan kamandapek-an KTP no baliak, alah tapaso
satangah maancam
kawan ambotu, baru ka dapek.
Sarupo itu caro urang-urang manjalan-an bisnis kicuah
kiniko.
Di ambo iyo ambo ulang baliak. Aa sajo 'iming-iming'
gratis nan dijanjian
urang, indak panah ambo amuah picayo doh.
Wassalamu'alaikum,
Lembang Alam
----- Original Message -----
From: "boes" <[EMAIL PROTECTED]>
To: <[email protected]>
Cc: <[EMAIL PROTECTED]>
Sent: Saturday, September 17, 2005 6:34 PM
Subject: [EMAIL PROTECTED] awas tertipu/ditipu
Teliti Sebelum Anda Membeli
TANGGAL 29 Juli 2005, saya mendapat surat dari Blue Top Jakarta, yang
isinya
saya mendapatkan hadiah. Hadiahnya boleh memilih sendiri, TV 21", HP,
juicer, kamera. Tanggal 2 Agustus 2005, saya datang ke Blue Top Mollis dan
memperlihatkan surat undangan yang saya terima dari Blue Top Jakarta.
Lalu,
saya disuruh memilih kupon dan saya mendapatkan satu buah kamera merek
Olympus. Petugas mengatakan, hadiah TV, HP, juicer sudah dimenangkan orang
lain. Ia memperlihatkan daftar pemenangnya.
========================================================================================
Semarakkan Ulang Tahun Kemerdekaan RI dengan mengikuti TelkomNet Netkuis 17-an
Dari 17-08-2005 s.d 17-09-2005. Dan dapatkan hadiahnya..!! hanya di
http://netkuis.telkom.net
========================================================================================
Website http://www.rantaunet.org
_____________________________________________________
Berhenti/mengganti konfigurasi keanggotaan anda, silahkan ke:
http://rantaunet.org/palanta-setting
____________________________________________________
