Mak Ngah, manuruik caritonyo asa VCO tu dari Phlipine, mulo mulo untuak
nyo pakaise dek urangtu, sudahtu ado nan mamitak untuak dieksport, mako
nyo pakai namo"virgin coconut oil ". asano apokolah namono dek urang
Pilipina tu, ado curitono doh. Kok digiah namo jo "minyak karambia
matah" iyo rancak tu mah untuak pasa kampuang awak, sabab kalau pakai
namo VCO tantu ditarangkan dulu kaurang. Kalau di Jakarta iyo namo VCO
nan laris. Kwalitetnyo macam macam pulo. Ambo lah mancubo, nan kls 1
manuruik ambo nan rasonyo sabana raso karambia matahko, tapi agak sarik
mandapeknyo. Ambo alun mancubo nan buatan ITB lai doh.
Batua kecek Mak Ngah, mabueknyo indak pakai dimasakdoh, bantuak minyak
manyih Pikumbuah nan dipakai amak ambo kamanyala maco atau manyala
baluik saisuaktu. Kiniko kalau di Bukiktinggi susah mancarinyo, kok
diambo iyo kalau pulang diusahoan juo mancarinyo, saba iyo lamak raso
goreng bada jo minyakko. Minyak manyihtu warnanyo kan kunyiang Mak
Ngah, sabab alah dimasak, tapi kalau minyak karambia matah ko iyo
warnanyo janiah bantuak aia putiah, samakin janiah samakin rancak
kwalitetnyo, diminum sajo sasendok makan duo kali sahari kecek urang nan
manjuano.
Sakikolo carito minyak matah ko ambo nan tau Mak Ngah.
wassalam
Isna
Sjamsir Sjarif wrote:
Kalau malu mantarjumahkan "Virgin Coconut Oil" tu jadi "Minyak
Karambia Gadih", atau "Minyak Karambia nan Alun Kawin" dari pado
mamakai istilah asiang "Virgin" tu, kalau manuruik katarangan Rangkayo
Isna tu, barangkali rancak tadanganyo "Minyak Karambia Matah".
Website http://www.rantaunet.org
_____________________________________________________
Berhenti/mengganti konfigurasi keanggotaan anda, silahkan ke:
http://rantaunet.org/palanta-setting
____________________________________________________
