Assalamu alaikum warahmatullahi wabarakatuh,
Alhamdulillah, iyolah tabukak baliak Harian Singgalang Online nan lah lamo
bana indak dapek kito akses. Tarimo kasih banyak ka Angku Boby Lukman
Piliang nan lah maimbaukan dan mangatangahkannyo ka Lapau ko nan
baangotakan sakitar 1300 urang pambaco. Tarimo kasih untuak panabik Harian
Singglang Online nan lah bakarajo kareh baliak untuak manampuah dunia maya
ko. Lah lamo bana kami rindu maraso kahilangan sajak mulo-mulo kalua sisuak.
Sasudah partamu kalinyo angku Boby Lukman Piliang maimbaukan kaba elok ko
barapo hari nan lalu, babarapo urang kami di Lapau bagageh manucik halaman
rumahnyo (website) tapi saketek kacewa karano masih indak dapek diakses.
Sasudah tunja-manunja duo-tigo hari ruponyo kaba kami lai sampai ka
panguruihnyo di Padang. Kini sananglah hati lah dapek kito nan basamo
manuncik kaba Singgalang dari jauah.
Sasudah ambo paratikan edisi Singgalang Updated, Jumat 15 September 2005
ado nan dapek ambo agiah kaba baliak baa panarimoan kami dari jauah.
Disabalah kanan halaman partamu tampak kutipan ayat Al-Quran:
"Dan kepunyaan Allahlah yang di langit dan di bumi. Dan kepada Allahlah
kamu semua dikembalikan"
QS: Ali Imran (3):183
Mancaliak kato "Allahlah" ko duo kali dalam satu kalimat agak tasirok ambo
mambaconyo. Ambo raso tarjumahan kalimat ko paralu diedit oleh editor
sahinggo istilah "Allahlah" tu indak manjadi pandangan nan kurang elok nan
mungkin manyasekkan atau malecehkan namo Tuhan Allah Subhanahuata'ala.
Saroman namo "Allahlah" dibari julukan namo kasayangan "Pak Lah" pulo dari
Malaysia.
Sudah tu Ayat nan disitir tu referensinyo, salah pulo. Ayat QS Ali Imran
(3):183 tu indak cocok jo isinyo. Indak sasuai Isi Nomor Ayat al-Quran jo
Nomor Sureknyo. Rancak diteliti sabalun dikatangahkan ka tampek umum.
Kito sanang mangakses Harian Singgalang Online dengan rubrik-rubrik nan
talatak di sabalah kida tu, walaupun indak sadonyo nan dituncik kalua
isinyo. Misanyo Dialog, Kupasan, Rantau, Budaya, Masalah Adat, anok sajonyo
kalau dituncik atau dionja-onja. Mungkin alun ado baluik tu di liangnyo;
alun barisi lai barangkali. Mudah-mudahan tiok-tiok liang baluik nan
disabalah kida tu nanti dapek dionja-onja, dituncik-tuncik, atau
dihoyak-hoyak sahinggo mancogok isinyo nan ka datang.
Nan paliang kayo isinyo iyo Daerah. Buliah dikatokan kanyang kami mambaconyo.
Tarimo kasih banyak ateh usaho kareh para Karyawan Harian Singgalang
Online. Salamat bakarajo. Selamat Datang baliak di Dunia Maya.
Salam,
--MakNgah
Di Tapi Riak nan Badabua
Santa Kuruih, Kalifornia, USA
43099
From: "Mulyadi" <[EMAIL PROTECTED]>
Date: Tue Sep 20, 2005 8:45am
Subject: [EMAIL PROTECTED] Ucapan salamaik
Assalamualaikum,wr,wb.
Kayaknyo alah tabukak
<http://www.hariansinggalang.co.id.>http://www.hariansinggalang.co.id.
Tarimo kasih Pak Sawir dan seluruh redaksi Harian Singgalang, taubek hati
kami nan dirantau ko untuk mengetahui kaba di kampuang. Jadi kami indak
harus bukak Padek sajo kini, tapi kami alah bisa mambaco Singgalang. Hiduik
Singgalang dan Media on line di Sumatera Barat.
Kalau tak salah beberapo bulan nan lalu kami urang Minang di Palembang
pernah temu ramah dengan para jurnalistik nan barasa dari Padang di rumah
makan Pagi Sore Palembang. Ambo lupo namo wartawan singgalang nan hadir
wakatu itu. Salam sajo dari ambo.
Wassalam,
HM Dt.MB (48 +)
Pusri Palembang
Website <http://www.rantaunet.org>http://www.rantaunet.org
No virus found in this outgoing message.
Checked by AVG Anti-Virus.
Version: 7.0.344 / Virus Database: 267.11.1/104 - Release Date: 9/16/2005
Website http://www.rantaunet.org
_____________________________________________________
Berhenti/mengganti konfigurasi keanggotaan anda, silahkan ke:
http://rantaunet.org/palanta-setting
____________________________________________________
