Assalamualaikum wr wb
Jumat 16 Sept '05, pukua 8 pagi, kabatulan matoari sadang
mancorong tarang. Ambo baduo jo sumando dibonceng jo pespa
baliau, barangkek dari Bulaan Kamba - Kubang Putiah -
Banuampu, tujuan : "BADORAI".
Badorai ko adolah namo jorong di Kacamatan Sungai Pua
( Dikanagarian Limokampuang).
Rasono BADORAIko apolah point tertinggi nan bisa dicapai
jo kendaraan di sisi Utara-Barat gng Marapi.
Arah jalan :
BALAI PANJANG (*1)- (= Tanah Tumbuah) - Kapalo Koto - Limo Kampuang
Kalau dari utara=dari bawah / dari Kubang Putih, keatas,
sampai disimpang ampek BALAI PANJANG (pakannyo Sungaipua)-
belok kida (keatas), jalan taruh kaateh, kalau ndak salah
ado belok kida saketek.
Tanyoganlah ka rang kampuang, tau sadono.
Sakiro 2.5 atau 3km mandaki 30º sampai 40º, sampailah di BADORAI.
(sabalun badorai ado namo jorong Pincuran Badukuang).
Kalau jo oto parkir di surau sabalun habis jalan simin.
Sahabih jalan simin, titipgan honda dirumah panduduak.
Lanjuikgan bajalan kaki (jalan tanah) (*2) kaateh, sakiro
500mtr sampai dilokasi pasawahan. Disiko lah dilutuk ( lutut)
gng Marapi. Raso lah dakek ka puncak Marapi.
Nah di Badorai ko, mambulakangi gunuang Marapi, layangkanlah
pandangan ka Barat - Utara / kabawah ; sabana lapeh pamandangan
(*3) kito bisa maliek mulai dari Koto Tinggi (Pandai Sikek
Tnh Datar),sisi Timur Singgalang, ka daerah Agam Timur ;
kasaluruhan Banuampu, Balingka, ngarai sianok,
kasaluruhan Kiktenggi, Gaduk, Kamang, Pakan Kamih, IV-Angkek,
Canduang, banyak nagari lain dibulakang BKT nan ambo indak tau.
Dibandiang jo panorama Tabek Patah (antaro Baso-Bt Sangka) indak
babandiang doh. Dibandiang jo Puncak-Jabar,
keciiil
.
indak ado apo-apono doh.
Di Badorai ko labiah laweh view, labiah langkok.
Sabana rancak, sabana segar, unpoluted, sabana laweh panorama,
sabana dingiiiiin
. Menakjubkan sekali.
Banyak nan indak tau dek indak pernah ditulis / diliput media.
Di Cimbuak.com lah adokah ???
Cuma io itu, disiko alun ado pasilitas apo2.
Jadi untuak mancari posisi nan strategis harus cari sandiri
ditabiang sawah urang. Indak ado tanah kosong untuak
mangambangkan lapiak apolagi mandirikan kemah.
Untuak bamalam / bakemah kalau ado izin rang kampuang,
cari sawah nan kariang. Tantonyo harus mehadapi resiko dingin
dan angin, karano indak ado tabiang / pohon panahan angin.
Dengan fasilitas nan sederhana untuak duduak, ado atok untuak
balinduang jikok hujan. Sabanano BADORAIko, bisa dijual
untuak turis baik lokal maupun interlokal.
(*1) Balai Panjang bisa dicapai dari Pdg Panjang arah BKT.
Tibo di Kotobaru belok kasuok, turun ka Sariak (ado mesjid antik
sangat cantik) Balai Panjang Sungaipua.
Bisa dari Sungai Buluh naik keatas.
(*2) curam, licin jikok hujan, usahokan alas kaki
nan indak licin
(*3) tagantuang cuaco, jikok matoari tarang baru bisa jauah pandangan.
Sarancakno bao taropong.
Talabiah takurang, tantu minta tolong kito kapado nan punyo
kampuang ; Erwin Moechtar ( Kapalo Koto), mak Sati, Dewis
untuak malangkoki no.
Foto2 dlm jpg lai banyak mbo simpan.
( juo foto kuliliang maninjau)
Dimaa dilatakkan nan mudah ??
Wass
Mak Ban (55)
lending di Bogor Salasa 20/9
~~~~~~~~~~~~~~~~~~~~~~~~~~~~~
Website http://www.rantaunet.org
_____________________________________________________
Berhenti/mengganti konfigurasi keanggotaan anda, silahkan ke:
http://rantaunet.org/palanta-setting
____________________________________________________
