Assalamualaikum,wr,wb.
Aa.....iyo baitu adinda M.Razi, sabab ambo ditahun nan lalu dibao
bakuliliang dek dunsanak / Ajo kito nan di KL ko yaitu Ajo Sidi Arsyad dan
Ghani Usop. Nan Ghani Usop ko inyo driver taxi di KL, jadi kalau alah
batamu jo baduo dunsanak kito ko, aman lah tu. Buek janji dulu, sebab Ajo
Sidi Arsyad ko agak guyah lutuiknyo (maaf jo, becanda), jadi paralu
panungkek dari dunsanak Ghani Usop, sayang dunsanak nan ciek ko jarang
mancogok di palanta kito akhir2 ko.
Salam untuak beliau berdua, salamaik kuliliang2 di KL wakatu malam. Salam
juo untuak Ustadz Zulharbi Salim.
Wassalam,
HM Dt.Marah Bangso (48 satangah)
>
> M Razi <[EMAIL PROTECTED]> wrote:
> Assalaamu'alaikum warahmatullaahi wabarakaatuh,
>
> Dunsanak palanta; duo ari ko, Kamih jo Jumaik.. Insha Allah ambo ado dinas
> jo kantua di Petronas Tower. Manginap di Hotel Nikko nan dakek ka kantua.
>
> Koq lai dapek singgah ka tampek dunsanak nan di KL, sanang bana.. ado nan
> 'mambuka' jalan mancaliak KL untuak pertamo kali. Sekaligus orientasi
> nagari
> jiran...
>
> Kama rancak no ambo hubungi.. Nan 'nampak' di palanta ko ado Angku Sidi
> Arshad, mungkin ado pulo nan lain. Mungkin ado pulo dunsanak lain nan bisa
> ambo hubungi untuak mampaarek silaturahim sasamo parantau.
>
> Wassalaamu'alaikum warahmatullaahi wabarakaatuh.
> M. Razi (29-->30)
> ==========
>
> Waalaikum salam wr wb,
>
>
>
> Walaupun ado duo jo batigo kami di KL, nampaknyo ambo nan lai mabukak
> kompor tiok ari, dan kok lai ado maso dek sanak Razi, untuang² lai dapek
> basuo kito, hubungi ambo, di Tel ,03 - 6187 4094, .......... tapi kok nak
> pai katampek sanak tingga di Hotel Niko, iyo manggigie lutuik ambo, sabab
> dek indak parnah ka Hotel nan Limo Bintang {Niko} ba`a gak ati,
>
>
>
> Salam
>
> Arshad Sidik,
>
> -- Maaf, kok salah, apokoh sanak M,Razi ko, anak Pak Zulharbi Salim, kok
> nan Pak Zul, iyo lai lah duo kali basuo di KL.
>
Website http://www.rantaunet.org
_____________________________________________________
Berhenti/mengganti konfigurasi keanggotaan anda, silahkan ke:
http://rantaunet.org/palanta-setting
____________________________________________________
