Assalaamu'alaikum wa rahmatullaahi wa barakaatuhu, Baulangi jajak mah yo nyiak? Kalau badan tatap talatiah sarupo nyiak Sunguik ko iyo indak talawan di nan mudo-mudo do. Tumah, cucu sin ampia-ampia mintak ampun. Tanyo lo jadino ciek nyiak. Katiko ketek-ketek saisuak, katigo batang ayia di kampuang awak, batang ayia Sikabu, 'tang ayia Gadang jo 'tang ayia Katiak tatap baraia taruih. Katiko ketek-ketek, sajak masih sakola SR ambo acok 'manganak' di katigo batang ayia tu. Manganak ko aratino malatak-an papeh (panciang) sampai saratuih buah diparik-ririk-an di tapi banang ayia atau di pamatang sawah nan agak bancah. Pagi sasudah subuah ditantui, biasono dapeklah kingkalang (limbek, 'lele') atau baluik.
Nan kajadi tanyo di ambo, kini katigo batang ayia di nagari awaktu sabana marano ndak baraia amek. Rasono panah lo tadanga di ambo bahaso aliran aia di Sirangkak Gadang nan madok ka arah Ampek Angkek indak lanca alias agak tapakok? Tapi dari carito nyiak Sunguik indak ado tabayang bahaso ado masalah aliran nan arah ka Ampek Angkek tu do. Di maa golah salah no agakno. Nan manambah heran lo di ambo ciek lai, batang Buo nan lalu di Garegeh, rasono kan barasa dari Sirangkak Gadang juo du kiyoh? Nan itu lai indak baa mek nampak aiano do. Baa gak ati nyiak Sunguik du? Wassalaamu'alaikum, Lembang Alam ----- Original Message ----- From: "Sjamsir Sjarif" <[EMAIL PROTECTED]> To: "Lapau" <[email protected]> Cc: "Biaro" <[EMAIL PROTECTED]> Sent: Thursday, September 22, 2005 1:34 AM Subject: [EMAIL PROTECTED] Badorai, Sungai Pua 16/9; Sirangkak Gadang > Katu pulang nan terakhir patang ko antaro Hari Rayo Gadang jo Hari Rayo > Aji (awal 2004) MakNgah nan gata-gata tapak ko lah sampai lo manuruikan > induak kaki ka sinan. Katu tu, diambiak oto dari Aua Kuniang, taruih lalu > ka Kubang Putiah, lai lalu ka Bulakan Kamba, taruih ka tampek parantian > terakhir di Sungai Pua tu. Website http://www.rantaunet.org _____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ____________________________________________________
