Waa'laikumsalaam Warahmatullahi Wabarakatuhu Kalau bulieh Maketek sato sakaki.
Batua bana komentar nanda Reza ko, takana dek Maketek wakatu mulo2 karajo di Jkt tahun 1975 di salah satu bank asing punyo urang Amerika. Disitu hampir 70 prosen nan mamaciek Dept Head dsn Supervisor urang awak. Maketek dek baru tibo dari kampuang mandanga lai banyak urang awak disitu tantu batambah tinggi sumangaik ko. Dicubo lah mangecek bahaso awak jo apak2 dan ibuk2 dari level management ko. Indak amuah saketek juo baliau2 ko bahaso minang do.Tiok ditanyo jo bahasa awak, nyo jawek jo bahaso Indonesia (Raya). Jadi ado samacam "gengsi" di diri sebagian urang awak ko, malu nyo babahaso minang. Sadangkan babahaso minang se nyo lah malu, baa lo ka bakarajo samo. Nyo jago jarak jo urak awak, tarutamo nan dari level clerical. Jadi nan kompak ko iyolah kalene2 nan sanasib, sadangkan baliau2 nan diateh ko nyo buek loh komunitas tersendiri. Mungkin istilah anak mudo kini, "Jaim" jaga image. Ado surang nan lai namuah babahaso awak dan bagarah2 bahaso awak, tapi urangko bukan urang minang asli, tapi dari etnis cino nan lahie di Padang, sakolah sampai SMA di Padang. Kiniko baliau salah satu Board of Director dari bank swasta gadang di Indonesia.Baliau ko sabalun masuk ka bank, bakarajo di IBM. Sampai kini, kalau sempat basobok, baik di seminar, dlsb, lai basorak mangecekan: "baa kaba maketek, lai sihaik2 se? Singkek carito, kasimpulan Jaim ko, dipadapek satalah maketek pindah dari bank asing tu ka bank swasta lain dan kabatulan lai loh di agieh amanah mamaciek jabatan, wakatu basobok jo baliau2 ko, tanyato bisa nyo bahasa awak dengan lasuahnyo. Wakatu di flashback kondisi lamo ko jo baliau, baa susah bana basobok jo apak dulu tu, guyah lutuik ambo kalau apak imbau. Aaa, jawek apak ko: "he he he." Jadi kalau mamakai teori Leaderhip, baliau2 ko manggunokan Position Power daripado Personal Power. Sahinggo bajago bana image ko.Mangecek ciek, duo, se.Agak ekslusive.Iko tabukti bana, kalau baliau ko ado di ruang karajonyo, iyolah bantuak kuburan suasana di ruangan tu. Sunyi sepi, mungkin tajatuah panjaik tadanga dek awak. Tapi kalau bos2 ko kalua kantua, iyo lah taraso kehidupan, basikencak kalene ko, ibaraik indak ado kuciang, mancik manari2. Padahal kalau Personal Power nan nyo pakai, ado indak ado no di kantua, pasti suasana akan samo sae. Karano urang hormat jo inyo bukan takuik.Baa kok pegawai nan datang dari Amerika tu, pangkaiknyo nan jauh labiah tinggi, ado nan Country Manager, SVP, kalau datang nyo pagi2, kabatulan awak sadang mambalakang, basorak bule ko, good morniiing.sambie ma angkek tangannyo. Padohal awak kalenenyo.Baitu juo, kalau hari Minggu, biasanyo jadwal olahraga di Senayan, kito babauah basamo main tennis jo bule2 ko.Indak jaim bagai nyo do. Mungkin itu saketek komentar, talabieh takurang iyo mohon maaf, karano awak ka masuak bulan Ramadhan, semoga puaso kito ditarimo Allah SWT. Wassalam Maketek (55--->56) -----Original Message----- From: [EMAIL PROTECTED] [mailto:[EMAIL PROTECTED] On Behalf Of M. Syahreza Sent: Thursday, September 22, 2005 11:57 Assalamu'alaikum wr.wb. Yang bisa kito liek minus kito urang minang, dari dulu (alun barubah sampai kini) hanyo "randahnyo kerja sama sebagai team bagi sesama orang minang". Antah bilo sifaik individualis ko bisa hilang dari diri kito urang awak ko???? Akan labiah rancak misalnyo dimulai dari diri kito di rantau ko dibudayakan sifaik Minang Oriented, jadi apo pun kebutuhan jo keperluan kito dalam hiduik ko usahokan untuak mambali/manyuplai dari panggalehnyo urang awak dulu. Bia lah agak tamaha / agak jauah mambalinyo, tapi lai ka urang awak juo pitih kito tu baputanyo..toh nantinyo pitih tu banyak saketeknyo baliak ka kampuang juo. Taruih kalau ado rang awak buka suatu usaho di suatu tampek, handaknyo dalam radius 1~2 Km rang awak yang lain jan mabuka usaho yang samo, tapi bukalah usaho yang lain atau usaho pendukung rang awak yang alah buka labiah dulu ko. Misal....ado yang buka bengke...kalau ado dunsanak yang lain yang ka buka usaho..dalam radius 1~2 Km tu buka lah usaho manjua suku cadang, manjua oli, buka rumah makan, dll yang babeda dari usaho dunsanak kito yang buka labiah awal. Bia kalau maju usaho tu...kito ndak mambuek hancua usaho dunsanak kito tu do dan kito bisa maju basamo-samo, yang banyak tajadi dari dulu sampai kini urang awak ko, bia di kampuang jo di rantau mambuka usaho yang samo dengan usaho dunsanak kito yang alah mulai labiah dulu dalam jarak badakekan , dek dicaliak usaho beliau tu maju dibuek pulo usaho yang samo...eeee yang lain pado ikuik pulo buka usaho tu...akibaiknyo nan tajadi parang hargo jo mambunuah usaho dunsanak kito yang buka usaho labiah dulu. Kito yang lain supayo bisa mambantu usaho dunsanak-dunsanak kito tu, dimulai pulo budaya Minang Oriented misal kalau manservis atau ganti oli oto jo motor, cari pulo lah bengke yang punyo urang awak...jan bangga dipanggakkan dek kito mamakai bengke yang labiah canggih tapi punyo rang Cino...akibaiknyo Cino juo yang kamanguasoi sado lini usaho di Indonesia ko....kalau lai banyak rang awak pai kabengke dunsanak kito yang punyo bengke...capek lambek inyo kito aja pulo bia bisa pulo capek punyo masin-masin jo teknologi baru yang dipakai di bengkenyo...Kalau mambuek baju...kito cari pulo tukang jahiknyo urang awak....efek sampingnyo silaturahmi kito makin kuaik.... Kalau ado mancari barang kito tanyo pulo ka dunsanak kito urang awak yang lain, dima ado rang awak punyo usaho yang manjua barang yang kito cari..... Insya Allah kalau kito mulai dari yang ketek-ketek dulu minang oriented-nyo...kito rang awak ko bisa lo manjadi kompetitor dek cino-cino tu... wassalam Reza Sikumbang (28 --> 29) Website http://www.rantaunet.org _____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ____________________________________________________
