Assalaamu'alaikum wa rahmatullaahi wa barakaatuhu, Di ari nan samo tu di taun 1958 ambo alah kalas satu di SR 11 di Simpang Mandiangin tu. Sakola satangah hari malakik pukuah sapuluah. Katiko kapa-kapa tabang tu tibo, mulo-mulo datang duo buah dari arah ujuang (dari arah timur). Indak lamo sasudah itu alah manggaruru sin jadi banyak. Malayok-layok, manukiak mambomi RRI nan talatak di Simpang Limau / Anak Ayia tu. Dari balakang rumah tampek kami tingga di Lambau nampak jaleh bana bakalibuikno kapa-kapa tabang tu manjatuah-an bom. Ado juo tadanga bunyi latusan dari bawah, masih tangiang-ngiang di talingo ambo du. Ambo mancaliak dari laman di balakang rumah tu.
Indak babarapo ari sasudah itu tantara-tantara, tamasuak TP nan baasrama di sakola Partanian, diangkuik-ino di bus-bus HIMSAR jo GON ka arah Pikumbuah. Banyak bus HIMSAR jo GON ko baririk-ririk lalu di muko SR 11-12 tu. Nan kami, (urang gaek ambo) indak lamo lo sasudah itu mangungsi ka kampuang di Koto Tuo Balai Gurah. Di taun itu sakola SR ko 4 kali manarimo rapor. Duo kali di SR 11 Bukiktinggi, duo kali si SR Koto Tuo. Salamo di kampuangko ambo manjadi sasi pulo banyak urang mati di tembak tentara pusek Di laman rumah kami, di sawah, di tapi batang ayia. Lah antah kama-kama lo pai carito wak yo. Wassalaamu'alaikum, Lembang Alam ----- Original Message ----- From: "A Bandaro" <[EMAIL PROTECTED]> To: <[email protected]> Cc: "BANUANET" <[EMAIL PROTECTED]>; "Henri Novis" <[EMAIL PROTECTED]> Sent: Monday, September 26, 2005 6:52 AM Subject: Re: [EMAIL PROTECTED] Bukiktinggi dari maso ka maso - > TK diateh ngarai tu samo wak Dave. Rasono teka tu adolah > teka partamo atau paliang tidak teka "paporit" jaman itu. > > 20-21 Feb 1958, Mustang tantara pusat manembak'i relay station > di anak ayia-garegeh. Website http://www.rantaunet.org _____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ____________________________________________________
